MAZMUR 67
67
Nyanyian bau pontalima kaseh
1Anu mongkapalai panyanyi. Okuti'akon kasapi. Mazmur.
2O'amalakon da Tumpu mongkalibosi mae ka' mombalakati kita,
o'amalakon da Ia montoa mae kita sanang na kinyonyoa-Nyo.
3O, Tumpu, o'amalakon da apaa na anu Nu kahanda'i, songko-songko na dunia aiya monsumbu'
ka' kasalamatan anu lengkat mae hi Belento oponyata'akonmo hi iwi-iwi' na bansa.
4O'amalakon da iwiiwi' na bansa mompuji' Belento o Tumpu,
o'amalakon da iwi-iwi' na bansa monsumbu' montalima kaseh hi Belento.
5O'amalakon da iwi-iwi' na bansa montaligalai lame-lame',
ka' obau bila-bilahi na manyanyi.
Kalana Belento mompalentah adin,
ka' mompotiju' jalan nu kantumuu'an hi batu-batu bansa i dunia aiya.
6O'amalakon da iwi-iwi' na bansa mompuji' Belento, o, Tumpu,
o'amalakon da iwi-iwi' na bansa monsumbu' montalima kase hi Belento.
7Tano' kino hasinnyomo,
Tumpu, Tumpunto nombalakatimo mae kita.
8Tumpu Allah nombalakatimo mae kita;
o'amalakon da songko-songko na dunia molohomati Ia.
Currently Selected:
MAZMUR 67: LAILOE
Highlight
Copy
Compare
Share
Want to have your highlights saved across all your devices? Sign up or sign in
