MAZMUR 63
63
Mongindi mamba hi Tumpu
1 #
1Sam. 23:14
Mazmur i Daud, tempo'nyo ia kiijo' mae i tampat anu mateges hondo i tano' Yehuda.
2O Tumpu, belentomo na Tumpungku,
ku lio ka' ku indi mamba hi Belento.
Sumomo tano' anu kinunmo i negotmo nu uwe
sumomo aijo' na aku i negotmo hi Belento.
3Da aku montoa Belento i laigan nu Belento,
ka' montoa kahosonan ka' katalasanggoan nu Belento.
4Kalibosan nu Belento lebe ko angga'nyo molingkudui kantumuu'an,
kalana aijo' aku mompuji'mo Belento.
5Sansina-sinaa i uno nu kantumuu'anku, aku montalima kaseh hi Belento;
ku hangkat na limangku mokiita' hi Belento ka' balado'a.
6Ku puji' na Belento nu montaligalai ka' lame'mo,
kalana Belento nomposanangmo santuu'ku
sumomo nongkaan kaanon anu ma'ima' hondo.
7Tempo'nyo ko mamale' i kahoyotan,
ku inau' na Belento,
sampahu-pahu aku saja' mompotutugakon Belento;
8Kalana Belento na nontulungimo mae aku;
i uno nu polipik nu Belento, aku nanyanyimo ka' i lame'mo.
9Ku toongi na Belento dodo-dodo,
lima nu Belento na nonsakanmo mae aku.
10Panyo to mia-mian anu mongkahanda'imo monsilakai mae aku
mintatau'mo mokaiyong i dunia nu mian anu sinilakamo.
11Aha silakamo i uno nu pahampatean,
ka' timbalimo kaanon nu binatang anu mahangas.
12O tomundo' lame'mo kalana Tumpu nontulungimo;
mian anu basumpa' hi sanggo nu Tumpu na bilahimo ahi',
panyo nganga' nu mian anu baleko' na o'onsongimo ahi'.
Currently Selected:
MAZMUR 63: LAILOE
Highlight
Copy
Compare
Share
Want to have your highlights saved across all your devices? Sign up or sign in
