MAZMUR 60
60
Do'a mongkakase da otulungi mae
1Anu mongkapalai panyanyi. Ingala i lagu nu nyanyian: Bunga bakung na bau sakisi. Mazmur bau pangajalan lengkat hi Daud, 2#2Sam. 8:13, 1Taw. 18:12 tempo'nyo ia nahampate tiba mian nu Aram-Mesopotamia ka' mian nu Aram-Zoba, ka' tempo'nyo i Yoab ninsusule'mo mae, ka' nompatundu'mo 12.000 na mian nu Edom i Bangka'nyo nu Asin.
3Belento madi'mo mae nongkalinga kami o Tumpu, ka'
ka' nompojohokmo mae kami da opatundu'mo.
Belento nontambuha'imo mae kami;
uuka aiya po'ule' pokopinahon mae nakami.
4Belento nonggayu'mo tano' sahingga noleetmo;
poko'ima'i akon na anu singkapmo nobiha-biha', kalana tano' ginayu'anmo.
5Belento nompojohokmo mian anu palesayamo hi belento sahingga nonta'upmo kasansala'an anu maboat hondo;
kami nahasulonanmo susumo mian anu nalangumo.
6Belento nompokinde'imo to mia-miananu tulu-tulutan,
da aha madi' nukona nu hukuman.
7 # Mzm. 108:7-14 Posalamatakon mae na kami nu kuasa nu Belento, taamiakon mae na do'a mami,
da to mia-mian anu nukalibosi nu Belento oposalamat.
8Lengkat mae kiita' i kajojoongan-Nyo anu susi' hondo Tumpu notataemo mae,
“Aku montaligalaimo ka' mombagi-bagimo tano' nu aha Sikem;
Bangka'nyo nu Sukot Ku buangakonmo onde.
9Gilead ka' Manasye Akumo na tumpunyo,
Efraim baumo songko'-Ku anu ko aja'nyo,
ka' Yehuda baumo tokon nu kalaja'an-Ku.
10Panyo Moab baumo tampat pombaso'ian-Ku tengke;
Aku montaligalaimo kalana nompatundu'mo Filistea.
Hi aha Edom Ku lumbu'akonmo mokiijo' na sapatung-Ku
salaku tanda saba' ia aijo' Akumo na tumpu-Nyo.”
11Ihe na momboa aku mokiijo' i Edom?
Ihe na montaka' aku mokiijo' i kota' anu ko bentengnyo aijo'?
12O, Tumpu, pa' madi' na Belento mamba hingga-hinggat tiba kami?
Pa' madi' na Belento mamba mahampate tiba suludadu mami?
13Tulungiakon mae na kami mongahopi sampobali'
kalana de ola manusia na montulungi madi' ko kaliangannyo.
14De tiba Tumpu, kita mahosonmo ka' baanimo,
Iamo na mompatundu' anu monsampobali' mae kita.
Currently Selected:
MAZMUR 60: LAILOE
Highlight
Copy
Compare
Share
Want to have your highlights saved across all your devices? Sign up or sign in
