MAZMUR 58
58
Do'a mongkakase da obalosakon na palabuatan nu mian anu ma'idek na kinyonyoanyo
1Anu mongkapalai panyanyi. Ingala i lagu nu nyanyian: Boli mompatei. Mazmur i Daud.
2O, to mia-mian anu balakuasa pa' adin ahi' na kaputusan nu belemiu?
Pa' hodi' ahi' na kinyonyoa nu belemiu de belemiu momputusimo palakala nu manusia?
3I madi', belemiu ola mule' ahi' nombaumo tanga'an anu ma'idek ilipu' aiya,
ka' mompakisa mian i lipu' aiya.
4Mian anu ma'idek na kinyonyoanyo madi'mo tinalakana' salatanmo pe'e mae i kompong nu tinanyo
aha nongakalimo salatanmo pe'e i hampe.
5Aha ko lasungnyo susumo ulo anu ko bisa'nyo,
ka' nongonsongimo bihingnyo sumomo kobra anu mabongon
6anu madi' mohongo potatae nu polatinyo anu pande,
kabai potatae nu sando anu pande na mompakuli'i.
7O, Tumpu, pato'i iwi-iwi' na bese' nu aha,
gautakon na sae nu singa haha aijo' anu daagi' bata'nyo, o, Tumpu.
8Bakas da aha mohopu'mo, susumo uee anu motismo,
susumo hihis nu pana' anu madi'mo natajom.
9Bakas da aha sumomo see' anu tinontanyekmo tinimbalimo ilu,
susumo bungamea' anu sinilakamo ma'isa pe'e nontoa jingka.
10Ma'isa pe'e aha nombabali'i kalakuan nu aha, aha sinilakamo,
susumo tonggomut anu ma'isa motu'a ka' ma'isa daka'
ningkotmo i lahabakon nu mombun, sumomo sosu'anon anu nanggasmo.
11Montoa mian anu ma'idek na kinyonyoanyo i hukumo, mian anu hodi' na kinyonyoanyo i lame'mo,
ka' mombaso'imo tengkenyo i baso' nu mian anu palaganta.
12Mian tantu motataemo, “Memang mian anu manonong mohumpakmo tambonyo,
memang totu'u, ko Tumpu anu momputusi palakala nu dunia aiya.”
Currently Selected:
MAZMUR 58: LAILOE
Highlight
Copy
Compare
Share
Want to have your highlights saved across all your devices? Sign up or sign in
