MAZMUR 128
128
Auwan anu obalakati
1Nyanyian mamba i tampat anu ko balakatnyo.
Mohumpak kantumuu'an ma'ima' na mian anu mongkabuhuk
ka' montuluti palentah nu Tumpu.
2Beleyum mongkaanmo hasin nu anu nu kalaja,
kantumuu'an sukupmo ka' mongoa'imo kasanangan.
3Bengkele' nu beleyum sumomo kau' anggur anu molumba'mo,
i uno nu laigan nu beleyum.
To ana-anak nu beleyum sumomo sumpe nu kau' zaitun
montiikubimo meja' nu beleyum.
4Sumomo aijo' na Tumpu mombalakati
mian anu tulu-tulutan hi Ia.
5O'amalakon da Tumpu kiita' mae i Sion mombalakatimo mae beleyum.
O'amalakon da beleyum montoa kantumuu'an ma'ima' anu sukupmo i Yerusalem sansina-sinaa.
6O'amalakon da umu-umunakon na beleyum,
ka' montoa pe'e makumpu nu beleyum!
O'amalakon da mian anu jojoong atina hi beleyum mongoa'imo kasanangan'.
Currently Selected:
MAZMUR 128: LAILOE
Highlight
Copy
Compare
Share
Want to have your highlights saved across all your devices? Sign up or sign in
