MAZMUR 127
127
Mompuji' kanonongan nu Tumpu
1Nyanyian i Salomo.
De misa' Tumpu na mompotinjo laigan,
palasuma na to tuka-tukangnyo anu mokalajamo.
De misa' Tumpu na monjagai kota'
palasumo na to mia-mian anu monjagai lewa' balajaga-jaga.
2Ola palansumo na mokalaja makeke molio anu okaan,
mobula subu-subu ka' hoyot tonga' pahuje,
kalana Tumpu na mompotoukai aha anu Nu kalibosi, hau-haunyo aha hoyot.
3To ana-anak anu binee' nu Tumpu
memang, aha aijo' sa'angu' na balakat.
4To ana-anak moo'ane, anu i humpak daagi' olitau
sumomo hihis nu pana' i lima nu mian Ksatria.
5Mohumpak ka'ima'an na mian anu ko posadiaon
manjoo' na pana' susumo aijo'!
Ia madi' opoko ala opatundu'
tempo'nyo mongahopimo anu mongewa i ahop nu ulusan nu mian kopian.
Currently Selected:
MAZMUR 127: LAILOE
Highlight
Copy
Compare
Share
Want to have your highlights saved across all your devices? Sign up or sign in
