MAZMUR 125
125
Madi' ko anu mompoposia kalana nujagai nu Tumpu
1Nyanyian mamba i tampat anu ko balakatnyo.
Mian anu pinalesayamo hi Tumpu,
sumomo Bungkutnyo nu Sion anu mahoson hondo madi'
opoko gayu' ka' montahan pin sampe toka sidu-sidutu'.
2Susumo to bungku-bungkutnyo nontiikubimo Yerusalem,
sumo aijo'mo na Tumpu nonjagai mian anu palesayamo hi Ia, uuka aiya sampe toka sidu-sidutu'.
3Mian anu ma'idek na kinyonyoanyo madi' saja'mo montoongi kakuasa'an
i tano' pusaka' nu mian anu hodi' na kinyonyoanyo, da mian anu manonong madi' mosele mombau anu ma'idek.
4O, Tumpu, kanonongimo nu mian anu manonong
hi mian anu hodi' na kinyonyoanyo.
5Panyo mian anu tageo' na kinyonyoanyo
sahanyo nu hukumo nu Tumpu hingga-hinggat tiba mian anu ma'idek na kinyonyoanyo.
O' amalakon da mian anu palesayamo hi Belento mohumpak kantumuu'an ma'ima'!
Currently Selected:
MAZMUR 125: LAILOE
Highlight
Copy
Compare
Share
Want to have your highlights saved across all your devices? Sign up or sign in
