MAZMUR 124
124
Tumpu monjagai mian anu palesayamo hi Ia
1Nyanyian i Daud mamba i tampat anu ko balakatnyo.
Mosiamo de Tumpu madi' mae montinjohi kita?
O, Israel, taami mae sumo aijo';
2“De Tumpu madi' mae nontinjohi kita
salatan kita tinumbuhanmo mae nu mian anu monsampobali',
3sahingga kita ilonyomo titu-tituu',
kalana tambuha' nu aha anu taha-tahahumo.
4Sahingga kita inganjuhakonmo nu iyaba',
ka' nu omokimo nu uee;
5Sahingga kita nolomosmo ka' sinilakamo
i uno nu buliling nu uee anu okabuhuk.”
6Imbo' da kita montalima kaseh hi Tumpu,
kalana Ia madi' nompojohok kita ihopu'an mae nu mian anu monsampobali'.
7Kita sumomo tomonsi' anu nolapasmo i so'o nu mian anu kahanda' mohakop,
so'o aijo' nobotu'mo, lantas kita nolapasmo!
8Anu nontulungi mae kita Tumpu,
anu nompotimbalimo langit ka' tano'.
Currently Selected:
MAZMUR 124: LAILOE
Highlight
Copy
Compare
Share
Want to have your highlights saved across all your devices? Sign up or sign in
