MAZMUR 116
116
Madi'mo tinokan mae nu balaa' kapatean
1Ku ka'ima'i na Tumpu, kalana Ia nohongomo mae aku,
ka' nonginau'mo mae anu pinoitangkumo.
2Nu hongo mae na aku,
de aku mongkakasemo hi – Ia.
3Aku pinopobuhukmo mae nu balaa' anu monsilakai,
ka mabuhuk hi anu monsilakai nontumbuhimo mae aku,
sahingga aku nangada'mo ka' nabuhukmo.
4Sahingga aku nomoitamo tulung hi Tumpu,
“O Tumpu, ku poita,
posalamatakon mae na aku!”
5Tumpu aijo' pangkalibosi ka'adin!
Tumpu Allah-nto saja' hondo mongkalibosi.
6Tumpu mompotuu' to mia-mian anu tumuu' madi' molabi-labi;
tempo'nyo aku madi'mo noko ala, pinosalamat-Nyomo na aku.
7Pinosanangkumo na kinyonyoangku,
kalana nu kanonongi nu Tumpu na aku.
8Tumpu nompojo'onmo mae hi belengku da madi'tinokan mae nu balaa' anu monsilakai,
i hase'-Nyomo na aku ka' madi'mo pinojohok-Nyo na aku mohumpak balaa'.
9Sahingga aku nongoa'imo kantumuu'an i dunia aiya
anu jinaganmo nu Tumpu.
10 #
2Kor. 4:13
Aku sabole-boleh palesaya, mau mule' aku notataemo,
“Aku talalomo hondo nongoa'i kasansala'an.”
11De aku bingungmo aku motataemo,
“Madi'mo ko samiannyo na timbali opalesaya.”
12Apaa na ku bee' hi Tumpu
bau pombalosi kanonongan-Nyo hi belengku?
13Aku momboamo anggur osombahkon hi Tumpu
bau pontalima kaseh kalana Ia nontulungimo mae.
14Aku tionyo ahi' mongganapi anu jinanji'kumo hi Ia,
i ahop nu mian iwi-iwi' anu palesayamo hi Ia.
15Tumpu talalo hondo monsusuai kasilakan
nu samian na anu Nu kalibosi.
16Aku aiya posaihon nu – Belento, o, Tumpu,
susumo tinangku, aku suele monsombah ahi' Belento.
Belento nonsabatakonmo aku i uno nu talungku'.
17Aku momboamo koloban bau pontalima kaseh hi Belento,
ka' mompotoka do'a hi Belento.
18Aku mongganapimo anu jinanji'kumo hi Tumpu,
i ahop nu mian iwi-iwi' anu palesayamo hi Ia.
19Anu sinihukmo i natan nu Laigan nu Tumpu,
itotonga' nu kota' Yerusalem.
O puji' na Tumpu!
Currently Selected:
MAZMUR 116: LAILOE
Highlight
Copy
Compare
Share
Want to have your highlights saved across all your devices? Sign up or sign in
