AMSAL 28
28
1Mian anu ma'idek na kinyonyoanyo mopadeka' maumo madi' ko anu mololoi,
panyo mian anu hodi' na kinyonyoa, na baani ahi' susumo singa.
2De bansa baladosa', pamalentahnyo mobolo-bolos
de polaya'nyo pande, bansanyo tataap balatahan ka' tataap talasanggo.
3Anu balakuasa momposansala mian anu kasiasi,
sumomo ujan daka' anu mongidei mo anu opadakmo.
4Ihe na madi' montoongi atulan mosambiha' hi mian anu ma'idek na kinyonyoanyo,
ihe na montuluti atulan mongewa mian anu palaganta.
5Ka'adilan madi' nu sumbu' nu mian palaganta,
panyo mian anu monsombah Tumpu, totu-totu'u monsumbu' ka'adilan.
6Sahanyo mian kasiasi anu madi tageo' na kinyonyoanyo,
ka'de mule' mian anu kaya anu madi' adin.
7Olitau ka' langkoyang anu montuluti atulan atina'mo na mian anu pande.
Panyo mian anu mosangalu tiba mian anu loyan na balanja mongambangi tuumanyo.
8Ihe na kinayamo kalana mongala bunganyo ka' talalo ahi' mongkekedi da ka'untungan, manjoo'
kakaya'annyo aijo' saidi mae manabu' hi mian anu kokalibosan ka' hi mian anu kasiasi.
9De beleyum madi' montuluti atulan nu Tumpu Allah,
Tumpu Allah suele mongoa'i monguahi na mohongo do'a nu beleyum.
10Ihe na pagala monsale'i mian anu madi' tageo' na kinyonyoanyo da mombau anu ma'idek,
ia saidi mae minsoop mo i uno nu so'o.
Mian anu belesi' na kinyonyoanyo
saidi mae obalakati, sahingga mohumpakmo kantumuu'an ma'ima'.
11Mian anu kaya saja' mongoa'i butongnyo pande,
panyo mian kasiasi anu manonong nusumbu' ihe sabenanyo na ia.
12De mian anu manonong na balakuasa, iwi-iwi' na mian mongoa'i ka'sanangan,
de mian anu ma'idek na kinyonyoanyo na mompalentah, mian da'isan matisulukmo.
13Ihe na momposuluk dosa'nyo, madi' mohumpak kauntungan.
Ihe na mongakui ka' madi'mo mombau, saidi mae nukalibosimo nu Tumpu.
14Saja' oholomati na Tumpu, sahinga beleyum saidi mae mohumpakje kabilahian iuno nu kantumuu'an.
De beleyum panggaga hi Ia, beleyum mohumpakmo kasilaka'an.
15Mian anu ma'idek na kinyonyoanyo mongkuasai mian anu madi' ko apa-apaanyo.
Sumomo singa anu molohu'mo kabai beruang anu mololoi'mo.
16Anu balakuasa monsansalai mian sangga'at madi' ko pikilan anu ma'ima';
anu balakuasa mongkaddeki anu madi'adin mompalentah motau-taun.
17Samian na anu saja' mompatei mian, saja' nu oa'i ololoi' sampe ia silaka,
madi' ko samian pe'e na moko ala montahan ia.
18Mian anu tumuu' madi' ko anu o'pisala'i kantumuu'annyo saidi mae ia salamat.
Mian anu minggeo-geo' na kantumuu'annyo, saidi mae mohumpak balaa'.
19Topo ale' anu mokalaja makeke anu nukaan sukup;
mian anu ola mongide-idei sinaa pokalaja'an saidi mae mongoa'i kakulangan.
20Mian anu madi' tageo' na kinyonyoanyo nubalakati nu Tumpu,
panyo mian anu kahanda' da malia' kaya, madi' nupala'i nu hukuman.
21Madi' ma'ima' na mombeda-bedakon samian ka'samian,
panyo daagi'je mule' ahi ko mian kopian anu ka'oho' madi'
adin ola kalana da mohumpak doi sangkiding.
22Mian anu mangoa mongka'oho' da malia' kaya;
madi' nusumbu' saba' kasiasi malia'mo montokai ia.
23Mian anu mombee'i pokinde
ahennyo lebe o'angga'i nulingkudui na mian anu ola saja' mompuji-puji'.
24Ihe na buling hi tu'anyonyo ka' monsangka aijo' misa' dosa',
pokakana mo tiba anu lewa' mombuling sangga'at.
25Lebe mompentingkan posi butong, monsaduakon painggagan,
beleyum lebe untung de palesaya hi Tumpu.
26Ihe na mosi akui pongka'oho'nyo, madi' ko pikilan ma'ima',
Ihe na mombatuki ajalan nu mian anu pande saidi mae salamat.
27Ihe na mombe'i mian anu kasiasi, ia madi' kakulangan.
Ihe na ola mompojohok kapalaluan nu mian anu kasiasi, nukona nu kutuk.
28De mian anu ma'idek na kinyonyoanyo balakuasa,
mian da'isan matisuluk;
de mian anu ma'idek na kinyonyoanyo silaka;
mian anu adin timbali bebas na mompalentah.
Currently Selected:
AMSAL 28: LAILOE
Highlight
Copy
Compare
Share
Want to have your highlights saved across all your devices? Sign up or sign in
AMSAL 28
28
1Mian anu ma'idek na kinyonyoanyo mopadeka' maumo madi' ko anu mololoi,
panyo mian anu hodi' na kinyonyoa, na baani ahi' susumo singa.
2De bansa baladosa', pamalentahnyo mobolo-bolos
de polaya'nyo pande, bansanyo tataap balatahan ka' tataap talasanggo.
3Anu balakuasa momposansala mian anu kasiasi,
sumomo ujan daka' anu mongidei mo anu opadakmo.
4Ihe na madi' montoongi atulan mosambiha' hi mian anu ma'idek na kinyonyoanyo,
ihe na montuluti atulan mongewa mian anu palaganta.
5Ka'adilan madi' nu sumbu' nu mian palaganta,
panyo mian anu monsombah Tumpu, totu-totu'u monsumbu' ka'adilan.
6Sahanyo mian kasiasi anu madi tageo' na kinyonyoanyo,
ka'de mule' mian anu kaya anu madi' adin.
7Olitau ka' langkoyang anu montuluti atulan atina'mo na mian anu pande.
Panyo mian anu mosangalu tiba mian anu loyan na balanja mongambangi tuumanyo.
8Ihe na kinayamo kalana mongala bunganyo ka' talalo ahi' mongkekedi da ka'untungan, manjoo'
kakaya'annyo aijo' saidi mae manabu' hi mian anu kokalibosan ka' hi mian anu kasiasi.
9De beleyum madi' montuluti atulan nu Tumpu Allah,
Tumpu Allah suele mongoa'i monguahi na mohongo do'a nu beleyum.
10Ihe na pagala monsale'i mian anu madi' tageo' na kinyonyoanyo da mombau anu ma'idek,
ia saidi mae minsoop mo i uno nu so'o.
Mian anu belesi' na kinyonyoanyo
saidi mae obalakati, sahingga mohumpakmo kantumuu'an ma'ima'.
11Mian anu kaya saja' mongoa'i butongnyo pande,
panyo mian kasiasi anu manonong nusumbu' ihe sabenanyo na ia.
12De mian anu manonong na balakuasa, iwi-iwi' na mian mongoa'i ka'sanangan,
de mian anu ma'idek na kinyonyoanyo na mompalentah, mian da'isan matisulukmo.
13Ihe na momposuluk dosa'nyo, madi' mohumpak kauntungan.
Ihe na mongakui ka' madi'mo mombau, saidi mae nukalibosimo nu Tumpu.
14Saja' oholomati na Tumpu, sahinga beleyum saidi mae mohumpakje kabilahian iuno nu kantumuu'an.
De beleyum panggaga hi Ia, beleyum mohumpakmo kasilaka'an.
15Mian anu ma'idek na kinyonyoanyo mongkuasai mian anu madi' ko apa-apaanyo.
Sumomo singa anu molohu'mo kabai beruang anu mololoi'mo.
16Anu balakuasa monsansalai mian sangga'at madi' ko pikilan anu ma'ima';
anu balakuasa mongkaddeki anu madi'adin mompalentah motau-taun.
17Samian na anu saja' mompatei mian, saja' nu oa'i ololoi' sampe ia silaka,
madi' ko samian pe'e na moko ala montahan ia.
18Mian anu tumuu' madi' ko anu o'pisala'i kantumuu'annyo saidi mae ia salamat.
Mian anu minggeo-geo' na kantumuu'annyo, saidi mae mohumpak balaa'.
19Topo ale' anu mokalaja makeke anu nukaan sukup;
mian anu ola mongide-idei sinaa pokalaja'an saidi mae mongoa'i kakulangan.
20Mian anu madi' tageo' na kinyonyoanyo nubalakati nu Tumpu,
panyo mian anu kahanda' da malia' kaya, madi' nupala'i nu hukuman.
21Madi' ma'ima' na mombeda-bedakon samian ka'samian,
panyo daagi'je mule' ahi ko mian kopian anu ka'oho' madi'
adin ola kalana da mohumpak doi sangkiding.
22Mian anu mangoa mongka'oho' da malia' kaya;
madi' nusumbu' saba' kasiasi malia'mo montokai ia.
23Mian anu mombee'i pokinde
ahennyo lebe o'angga'i nulingkudui na mian anu ola saja' mompuji-puji'.
24Ihe na buling hi tu'anyonyo ka' monsangka aijo' misa' dosa',
pokakana mo tiba anu lewa' mombuling sangga'at.
25Lebe mompentingkan posi butong, monsaduakon painggagan,
beleyum lebe untung de palesaya hi Tumpu.
26Ihe na mosi akui pongka'oho'nyo, madi' ko pikilan ma'ima',
Ihe na mombatuki ajalan nu mian anu pande saidi mae salamat.
27Ihe na mombe'i mian anu kasiasi, ia madi' kakulangan.
Ihe na ola mompojohok kapalaluan nu mian anu kasiasi, nukona nu kutuk.
28De mian anu ma'idek na kinyonyoanyo balakuasa,
mian da'isan matisuluk;
de mian anu ma'idek na kinyonyoanyo silaka;
mian anu adin timbali bebas na mompalentah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in