AMSAL 17
17
1Lebe ma'ima' ola sampunju' na anu okaan asan madi' mahantuda';
ka' de mule' kaanon manjoo'anu toto tami-tami' panyo mahantuda'.
2Posaihon anu pande saidi' mae mongkuasai anak anu mongambangi;
ka' saidi' mae montalima pusaka' anu obagi tiba to utu-utus nu anak aijo'.
3Mosoni' tiba salaka o uji' iponsuangan;
panyo kinyonyoa nu mian nu uji' nu Tumpu.
4Mian anu ma'idek na kinyonyoanyo montuluti tanga'an anu ma'idek;
panyo anu baleko' mongka'ima'i mohongo potatae anu mompitana'i.
5Ihe an mongkokojoi mian anu talalo kasiasi;
mongalu Tumpu anu nompotimbali ia.
Ihe na ola bilahi montoa kasusa'an nu mian,
tionyo mohumpak hukuman.
6Bau kasanangan nu anu langkai'mo ka' bengkele'mo aijo'mo to maku-makumpunyo;
ka' bau kasanangan nu to ana-anak aijo'mo tinanyo ka' tuumanyo.
7Mian anu oholomati madi' pantas montaeakon potatae anu baleko';
ka' mian anu ponga' madi' pantas na montaeakon potatae anu ko angga'nyo.
8Daagi ko anu monsangka doi ponsogo' timbali mombau anu okabangangi;
tiba doi ponsogo iwi-iwi' timbali jadi na kalaja.
9De mongkahanda'i da nu ka'ima'i nu mian;
o ampuni na kasala'an anu binaumo nu aha.
Molubat-lubatakon kasala'an
la da mombotu'i posangaluan. 10Minsan na mompokinde'i ko alati'nyo hondo hi mian anu manonong;
ka' de ola mule' pinsa'atu na pompohos hi mian anu ponga'.
11Mian anu ma'idek na kinyonyoanyo saja' mombau anu ma'idek;
panyo kasilaka'an toka hi ia sumomo anu sinai mae buhingison hondo.
12Lebe ma'ima' singkabot tiba tina nu beruang anu nolapusmo na anaknyo;
ka' de mule' tiba mian anu ponga' anu saja' tasiaga ikaponga'annyo.
13Ihe na mombalosi ka'ima'an nu palabuatan anu ma'idek;
ka'idekan suele madi' opoko ala osabatakon lengkat ilaigannyo.
14Montampu'uni painggagan sumomo mombuka jalan nu uee;
kalana aijo' ma'isa pe'e painggaga pinsusule'mo.
15Tumpu mongka'ideki mian anu mompototu'u mian anu palaganta;
ka' mompisala'i mian anu madi' kosala'nyo.
16Palasuma na mian anu ponga' mompomingkot doi da molio kapandean bapikin;
kalana ia madi' ko pikilan anu ma'ima'.
17Samian na bela' saja' montuluti sangalunyo;
panyo samian na utus bubu' montanggung kasusa'an.
18Mian anu binajanji'mo da montanggungi samaya'
nu sangalunyo aijo'mo na mian anu punga';
19Mian anu mangka'ima'i dosa';
saja' mongka'ima'i painggaga.
Mian anu palamuak
molio kahansunan;
20Samian anu mongakali madi' mohumpak kabilahian;
ka' samian na anu mopanga-panga' na motatae;
saidi' mae mohumpak balaa'.
21Mohumpak anak anu ponga' alati'nyo mohumpak kasusa'an nu kinyonyoa;
timbali tuuma nu anak anu ponga' madi' ko kalame'an nu kinyonyoa.
22Kinyonyoa anu lame' momposehat butong;
panyo kinyonyoa anu susa' monsaduakon da madi'mo kogia' mombau apa-apaa.
23Mian kopian anu tageo' nakinyonyoanyo montalima doi bau ponsogo' anu opohowini;
ka'madi' mompojalan ka'adilan.
24Patuju nu mian anu mangalati' aijo'mo da mohumpak kapandean bapikin;
panyo patuju nu mian anu ponga' madi' matantu.
25Anak anu ponga' momposusa' tuumanyo;
ka' mule' momposusa' kinyonyoa nu tinanyo.
26Madi' pantas opokonai denda,
na mian anu madi' kosala'nyo;
madi' pantas talalo buhingison hi mian anu manonong.
27Mian anu matajom na pikilannyo madi' manjoo' na potatae.
Mian anu pande saja' tenda na kinyonyoanyo.
28Samian na ponga' saidi' mae osangka pande ka' anu monsumbu' bapokin;
de ia momohokot ka' madi' motatae.
Currently Selected:
AMSAL 17: LAILOE
Highlight
Copy
Compare
Share
Want to have your highlights saved across all your devices? Sign up or sign in
