AMSAL 11
11
1Tumpu mongka'ideki mian anu mompake timbangan anu mongakali;
panyo Ia sanang hi mian anu mompake timbangan anu totu'u.
2Mian anu takabun saidi' mae ia opopo'ambangmo;
panyo mian anu ta'aluk na kinyonyoanyo iamo na anu pande.
3Mian anu manonong nu potiju' nu kinyonyoa anu madi' tageo';
panyo mian anu mongka'ima'i baleko' nu hansuni nu leko'nyo.
4De montanda'imo kasilakan halata' madi'mo ko gunanyo;
panyo kantumuu'an nu beleyum salamat de beleyum madi' tageo' na kinyonyoa.
5Jalan nu kantumuu'an nu mian anu manonong nu pohata nu kinyonyoa anu madi' tageo'
panyo mian anu ma'idek na kinyonyoanyo momboa butongnyo da hansun.
6Mian anu madi' tageo' na kinyonyoanyo salamat kalana kinyonyoanyo ma'ima'.
Panyo mian anu madi'mo palesaya manabu'mo i unonu kaponga'annyo.
7De silakamo na mian anu ma'idek na kinyonyoanyo, anu nu taha'imani suele silakamo;
panyo montaha'imani posi kahosonan madi' ko alati'nyo.
8Mian anu palesaya totu-totu'u madi' nukona nu kasusa'an;
panyo anu ma'idek na kinyonyoanyo mohumpak hahan anu molewot.
9Sisik nu mian anu ma'idek na kinyonyoanyo momboa kasilaka'an;
panyo kapandean bapikin mian anu manonong momposalamat.
10Kota' anu lame' de hi mian anu madi' tageo' na kinyonyoanyo pohumpakan dale' i unonu polioan;
panyo mian da'isan montaligalaimo de mian anu ma'idek na kinyonyoanyo silakamo.
11Palasitujuan nu mian anu madi' tageo' na kinyonyoanyo na mompalentah kota';
potatae nu mian anu ma'idek na kinyonyoanyo ola mongidei.
12Mompopo'ambang mian sangga'at aijo'mo na kalakuan anu ponga';
panyo mian anu manonong madi' montaloakon maumo pa' apaa.
13Anu moleleakon lele anu madi' totu'u madi' moko ala montoongi lahasia;
panyo mian anu timbali opalesaya timbali molahasiakon palakala.
14Bansa timbali hansun de madi' ko polaya';
lebe manjoo' na anu mombee'i pokinde, lebe mohumpak mule' kasalamatan.
15Balajanji mombayan samaya nu mian sangga'at bala'alati' mompotoka mae kasilaka'an.
Lebe ma'ima' boli tagoda ihan aijo' da madi' ko anu mompoposia.
16Boune anu manonong mohumpak kaholomatan;
panyo mian anu singgi mohumpak kakaya'an.
17Mian anu manonong mompo'untung butongnyo.
18Ka'untungan nu mian anu ma'idek na kinyonyoanyo madi' totu'u;
panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.
19Ihe na anu saja' mombau anu ma'ima', ka'untungannyo saidi mae mohumpak kasanangan;
panyo ihe na anu sabole-bole mombau anu ma'idek mongahopimo kasilaka'an.
20Tumpu mongka'ideki mian anu ko kinyonyoa ma'idek;
panyo Ia mongkalibosi mian anu kantumuu'annyo madi' ko anu opisala'i.
21Mian anu ma'idek na kinyonyoanyo memang mohumpakmo hukuman;
panyo mian anu manonong mohumpakmo kasalamatan.
22Boune handa panyo madi' manonong;
sumomo sinsing mosoni' isung nu bau'.
23Apaa na anu nu kahanda'i nu mian anu manonong saja' ohumpak na hasinnyo, anu ma'ima';
panyo anu nu taha'imani nu mian anu ma'idek na kinyonyoanyo ola ahi' tambuha'.
24Daagi ko mian anu saja' mongka'oho' mombee'i panyo ola ahi' mompaka kaya,
panyo daagi ko mian anu madi' bebea na mompake apa-apaa padahan ola ahi' mompaka kasiasi hondo.
25Mian anu mombee'i manjoo' panyo saidi mae ola ahi' da molabi-labi nu humpak,
mian anu mongka'ima'i montulungi saidi mae suele otulungi.
26Ihe na montambun balang nu totobi'akon nu mian;
panyo ihe na molio palabuatan ma'idek nu tuda'i nu kasusa'an.
27Ihe na makeke mombau anu ma'ima' nu ka'ima'i nu mian;
panyo mian anu mompobaluk opuji'.
28Ihe na talalo montaha'imani halata' saidi mae mohudu'mo susumo hon nu kau' anu manggasmo,
panyo mian anu palesaya totu-totu'u mompaka panjoo'mo susumo sumpe nu kau'.
29Mian anu momposusa' auannyo saidi' mae madi'mo daagi ko apa-apaa.
Mian anu ponga' saidi' mae timbalimo posaihon nu mian anu pande.
30Mian anu palesaya totu-totu'u saidi' mae mohumpakmo kantumuu'an ma'ima;
mian anu pande mintuang na anu mombatuki.
31 #
1Ptr. 4:18
De idunia aiya mian manonong suele ahi' saidi' mae mohumpak balosnyo;
memang mantantumo na mian anu ma'idek na kinyonyoanyo, baladosa'mo saidi mae mohumpakmo hukuman.
Currently Selected:
AMSAL 11: LAILOE
Highlight
Copy
Compare
Share
Want to have your highlights saved across all your devices? Sign up or sign in
