Popular Bible Verses from AMSAL 11

Share

Mian anu mombee'i manjoo' panyo saidi mae ola ahi' da molabi-labi nu humpak, mian anu mongka'ima'i montulungi saidi mae suele otulungi.

Daagi ko mian anu saja' mongka'oho' mombee'i panyo ola ahi' mompaka kaya, panyo daagi ko mian anu madi' bebea na mompake apa-apaa padahan ola ahi' mompaka kasiasi hondo.

Mian anu takabun saidi' mae ia opopo'ambangmo; panyo mian anu ta'aluk na kinyonyoanyo iamo na anu pande.

Bansa timbali hansun de madi' ko polaya'; lebe manjoo' na anu mombee'i pokinde, lebe mohumpak mule' kasalamatan.

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

Anu moleleakon lele anu madi' totu'u madi' moko ala montoongi lahasia; panyo mian anu timbali opalesaya timbali molahasiakon palakala.

Mian anu manonong mompo'untung butongnyo.

Ihe na talalo montaha'imani halata' saidi mae mohudu'mo susumo hon nu kau' anu manggasmo, panyo mian anu palesaya totu-totu'u mompaka panjoo'mo susumo sumpe nu kau'.

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

Mian anu manonong nu potiju' nu kinyonyoa anu madi' tageo'; panyo mian anu mongka'ima'i baleko' nu hansuni nu leko'nyo.

Boune handa panyo madi' manonong; sumomo sinsing mosoni' isung nu bau'.

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.