AYUB 7
7
1Manusia aijo' sumomo anu opakisa na montanga'i mombau apa-apaa;
susa' hondo na kantumuu'annyo sumomo kantumuu'an nu mian anu mongala tambo;
2Sumomo samian na posaihon anu lewa' mongindi pa' iya na pihohungan
sumomo mian anu mongala tambo montanda'imo tambonyo.
3Sambitu'on toka sambitu'on kantumuu'anku madi' osumbu'-sumbu' pa' moya na opatui;
malom toka malom kinyonyoangku nobuke'mo nu kasusa'an.
4De aku lako'mo hoyot, ku oa'i pihi madi'mo sampa mopatas;
gagalanku sampamo bete' na sinaa, madi' sanang na kinyonyoangku de aku male'mo.
5Butongku nobuke'mo nu somoyu ka' kahomo kogang nu baso';
kilitku kahomo bela ka' saja'mo minana'.
6Kantumuu'anku anu madi'mo otaha'imani aiya, malia'mo mingkot na tempo'nyo,
nuhungku'i na kolia'nyo nu mian anu montonun mompojalan sikusinyo.
7Inau'akon mae, O Tumpu Allah, kantumuu'anku ola sumo anu opuhakon nu sawo;
kasananganku pa' noyamo madi'mo tinoa-toa.
8Uuka aiya nutoa nu beleyum na aku – panyo aijo' madi' pin.
De aku nulio nu Belento, saba' aku madi'mo ohumpak.
9-10Susumo kundom nohohungimo lantas madi'mo tinoa,
manusia suele silaka, madi'mo po'ule' minsusule' mae.
Iwi-iwi' na mian anu toho'mo nompahasumbu' tiba ia,
nongkolilimimo ia ka' madi'mo nonginau' ia.
11Kalana aijo' aku madi'mo ola momohokot!
Kasusa'an nu kinyonyoangku ka' kasansalanku madi'mo ku poko ala opohowini.
Tionyo ahi' ku sisikmo,
ka' ku lubatakonmo na isi nu kinyonyoangku.
12Kadaka' aku aiya me saja' Nu palahatikan ka Nu jagai?
Te aku aiya molokoimbu nu ambai anu timbali mosilakai?
13Aku kinomamale'mo soba-soba da milawe;
aku mompai kahanda'i da tokolo' susa' na kinyonyoangku.
14Panyo ginala-galamo nu Belento nu ipion na aku;
belento nompo'ipimo mae anu ma'idek ka' anu lewa' saja' o'inau' padahan anu madi' ko kaliangannyo.
15Sahingga gagalanku otekokmo mae na aku lantas silakamo
apaa na gunanyo aku tumuu' padahan ola saja' mongoa'i sansala i uno nu kantumuu'an aiya.
16Aku nalawemo ka' na'osamo na tinumuu'; aku mongkahanda'imo silaka!
Pojohokmo mae na aku, kalana kantumuu'anku madi'mo ko kaliangannyo.
17 #
Mzm. 8:5, 144:3 Kadaka' manusia aijo' talalo hondo penting hi belento?
Kadaka' apa-apaa na anu nu bau saja' nu potomatakon?
18Nu selidiki nu Belento na ia salatan subumo,
ka' madi' ko olotnyo na ia saja' o uji' nu Belento.
19Hipian na Belento madi'mo montonto'i mae aku
da aku ko tempo' ahi' mongegat ilungku?
20O belento anu Monjagai mae aku, te lugi'mo o na Belento kalana dosa'ku?
Kadaka' obaumo na aku nu Belento pompana'akonan pana' nu Belento?
Te aku talalomo nompiboati butong nu Belento?
21Te madi'mo Belento timbali mongampuni dosa'ku?
Te madi'mo timbali Beleyum monsapui kasala'anku?
Madi'mo pin aku male'mo i uno nu polamunan
ka' de aku nulio nu Belento madi'mo daagi' nuhumpak nu Belento.”
Currently Selected:
AYUB 7: LAILOE
Highlight
Copy
Compare
Share
Want to have your highlights saved across all your devices? Sign up or sign in
