AYUB 16
16
Ayub
1-2Panyo tinaaman i Ayub,
“Toto minsan i hongongku na pikilan nu aha sumo uuka;
anu mohase' beleyum ola kasansala'an.
3Hipian na potatae anu toto bale-baleko' aijo' madi'mo otaeakon nu belemiu?
Apaa na anu monggua-gua kinyonyoa nu belemiu sahingga belemiu montaamimo?
4De bisuannyo belemiu aiya aku, ka' aku aiya na belemiu,
aku suele timbalimo motatae sumo belemiu atina'.
Mingiaba'mo na potataengku moitina' hi belemiu;
ubaku ku lilo-lilokakonmo.
5Kinyonyoa nu belemiu ku pohosonmo nu ngangahan na pokinde';
potataengku aiya bau pohase'.
6De aku motatae, kasansala'anku aiya madi' tolo edok;
de aku momohokot apaamo ahi' na gunanyo?
7Binaumo nu Tumpu Allah na aku aiya sahingga tinadokmo;
iwi-iwi' na mian anu i laiganku sinilakanmo.
8Ia madi'mo nompajuli aku ka' i hakop-Nyomo na aku.
Uuka aiya nagesukmo hondo na butongku,
ka' aijo'mo na bukuti'nyo da nusumbu' nu mian da'isan
taalu' aku aiya binaladosa'mo.
9Tambuha' nu Tumpu Allah na nombea-beakmo butongku aiya;
kina'idekannyomo na montoa mae aku.
10To mia-mian lewa'mo nongkokojoi aku, nu nganga'akon nu aha daka-daka' na nganga' nu aha lewa' mongalu aku;
aku ilibutanmo nu aha ka' i hapa'mo nu aha na gagisingku.
11Binee'mo nu Tumpu Allah na aku hi mian anu palaganta;
pinokongkomnyomo na aku hi mian anu madi' monsumbu' Tumpu Allah.
12U'utu mae kantumuu'anku ma'ima' hondo madi' ko anu nompoposia ka' bilahi hondo,
panyo monti-montiik Tumpu Allah nontumbuhimo mae hi belengku.
Gogohongku sasu tundun pinanggohakon-Nyomo ka' aku ingalin-Nyomo;
saja' sumo aijo' na Ia nombau aku salaku bau tatihan-Nyo.
13Madi'mo daagi' kokalibosan, Ia me saja' mompana' aku;
sahingga nobubusmo na isi nu kompongku.
14Sumomo ahi' suludadu na Ia nontumbuhi mae aku;
ka' pino uli-ulit-Nyomo na Ia nombelai mae aku.
15Aku nompusokmo kalung salaku tanda sinusa'mo hondo,
ka' sinumuhangmo i abu' kalana pinatundu'mo.
16Ohupku nohahamo kalana lewa'mo i humang;
kikilapku nabakunmo ka' nobuloumo.
17Panyo aku madi' noto'idek;
jadi do'angku hi Tumpu nolengkat ahi' i kinyonyoa anu madi' tageo'.
18O dunia, boli oposuluk na apa-apaa anu ma'idek anu opokona hi belengku;
boli ola ohokotakon na aku moloboo' momoita tulung da obee'i mae ahi' ka'adilan.
19 #
Ayb. 19:25
Ku sumbu' saba' anu montinjohi aku kiita' mae i suluga';
Ia na nontutuhakon tukoonyo aku madi' baladosa'.
20Aku lewa' ingalu nu to sanga-sangalungku ka' kinokojoan;
aku i humang na nangadap hi Tumpu Allah nomoita tulung.
21Paya', de timbali da Tumpu Allahmo ahi' na mompototu'u aku i ahopnyo;
susumo samian anu halala' ahi' na mompototu'u bela'nyo.
22Labinyo nu taun anu daagi' katumuu'anku madi'mo manjoo';
gagana' uuka aku mambamo ka' madi'mo daagi' po'ule' minsusule' mae.
Currently Selected:
AYUB 16: LAILOE
Highlight
Copy
Compare
Share
Want to have your highlights saved across all your devices? Sign up or sign in
