YESAYA 61
61
Lele anu moko lame' kalana opobebasmo
1 #
Mat. 11:5, Luk. 7:22 #Luk. 4:18-19 Kuasa nu Tumpu Anu Matangkas na Kuasanyo aiyamo hi belengku;
Ia nompile'imo aku ka' nonsaimo aku
da momboa lele ma'ima' hi mian anu kasiasi
ka' mompa'alin mian anu ihansunmo na kinyonyoanyo;
da mombebakon hi mian anu tinahanmo
saba' aha malia'mo opobebas,
ka' hi to mia-mian i uno nu talungku'
saba' aha osabatakonmo.
2 #
Mat. 5:4
Ia nonsaimo aku da mompolele
saba' tokamo na tempo'nyo Tumpu momposalamatmo;
da mohase'mo iwi-iwi' na mian anu sinusa'mo
ka' mombalosakon mo sampobali' nu aha;
3da mombee'i kabilahian ka' kalame'an
hi mian anu sinusa'mo nakinyonyoanyo kalana koanumo sinilaka;
da momabli'imo kinyonyoa nu aha sisinusa'mo
timbalimo nyanyian bau pompuji'.
Aha sumomo kau'
anu pinosi su'an nu Tumpu.
Aku mombaumo anu ma'ima' ka' totu'u,
sahingga Tumpu opopodaka'mo.
4Aha mombaumo to kota-kota' anu pininmo na na'idek
ka' mompotinjomo tampat-tampat anu pininmo na i liing.
5O, bansaku, mian anu i salipu'an aha montulutije palentah nu belemiu
ka' monjagaije potu'on nu belemiu
ka' mongkalajakonje ale' nu anggur nu belemiu.
6Belemiu osanggohije posaihon nu Tumpu
ka' osanggohimo imam nu Tumpunto.
Belemiu mongoa'ije kakaya'an nu to bansa-bansa
ka' bilahimo kalana halata' nu aha.
7Kalana belemiu nohumpakmo ambang pininduan lipat
ka' kino kalakuanmo anu ma'idek ka' suele pinopo'ambangmo,
binaumo bagian nu belemiu
sahingga belemiu nohumpakmo bagian pinduan lipat i lipu' nu belemiu
ka' mohumpakmo kasanangan sape toka sidu-sidutu'.
8Tumpu notatae, “Aku mongka'ima'i ka'adilan
ka' mongka'ideki anu saja' monsansala' tiba palabuatan ma'idek.
Ku bee'je na pontamboi beleyum anu madi' sala-sala',
ka' mojanji' tiba belemiu sampe toka sidu-sidutu'.
9Lee' nu belemiu togilelemo iyaya mae,
talasanggomo hi aha iwi-iwi' na bansa.
Sahingga iwi-iwi' na mian anu montoa mongakuimo,
saba' bansa aiya Ku balakatimo.”
10 #
Why. 21:2
Yerusalem notataemo, “Aku i lame'mo kalana Tumpu,
kinyonyoangku binilahimo kalana Tumpu.
Susumo boting mo'ane ka' boune
nompakemo mainan anu toto ima-ima' hondo,
sumo atina'mo na Tumpu nompopusok mae hi belengku
baju' kasalamatan ka' kamangan.
11Mimbalu-balu' bine' anu sinaumo
tumuu'mo timbali pomulaon,
sumo atina'mo na Tumpu mompotokamae kasalamatan
ka' iwi-iwi' na bansa mompuji'mo Ia.”
Currently Selected:
YESAYA 61: LAILOE
Highlight
Copy
Compare
Share
Want to have your highlights saved across all your devices? Sign up or sign in
