YESAYA 49
49
Israel, jingka nu to bansa-bansa
1 #
Yer. 1:5
Potombihing mae na aku, o, lipu' anu toto jo'o-jo'on
opalahatikan na potataengku.
Tumpu nolagamo aku ma'isa pe'e aku pinohampe,
Ia nompile'imo aku daagi' pe'e i uno nu ma'alum.
2 #
Ibr. 4:12, Why. 1:16 Ia nompotajomo potataengku susumo bajak,
Ia nonjagaimo aku nu posi lima-Nyo.
Ia nompotimbalimo aku susumo hihis nu pana' anu binoitmo,
ka' pino isimo i uno nu bulu'nyo da me bapake-pake.
3Pinoto'i-Nyo hi belengku, “Beleyumo na posaihon-Ku;
Aku saidi' mae oholomati kalana beleyum.”
4Panyo tinaloakonkumo, “Lawengku ola ahi' palasuma;
madi' kino kaliangannyo na aku nongingkoti kahosonanku!”
Panyo maumo ahi' sumo aijo', aku palesaya ahi' totu-totu'u saba' Tumpu montoakon mae ahi' haku.
Tumpu mombalosi mae aku pokakana tiba palabuatanku.
5Ma'isa pe'e aku ihampe, ilagamo nu Tumpu da timbalimo posaihon-Nyo,
da momposihukmo aha mian nu Israel,
da aha po ule'mo mae toka hi bele-Nyo.
Tumpu nompojadimo aku da iholomatan
Tumpu aijo'mo na bau kahosonanku.
6 #
Yes. 42:6, Luk. 2:32, Kis. 13:47, 26:23 Tumpu notataemo hi belengku,
“Pakalaja'an anu lebe daka' hondo montanda'imo beleyum, o, posaihon-Ku;
beleyum misa' ola monsule'akon mae tuha' nu lee' i Yakub,
ka' mompo ule' mompojadi kaholomatan nu to tulu-tulunan nu bansa Israel,
panyo Ku pojadimo mule' ahi' jingka nu to bansa-bansa,
da songko-songko na dunia oposalamatmo.”
7Tumpu anu susi' anu Momposalamatmo Israel notataemo
hi mian anu talalo hondo saja' o, alu,
ka' anu oka'ideki nu to bansa-bansa
ka' mule' binaumo posaihon nu to mia-mian anu balakuasa,
“To tomu-tomundo' montoamo saidi' mae palabuatan-Ku;
aha saidi' mae moholomatimo Aku.
To mia-mian anu balakuasa saidi' mae suele montoamo ahi'
lantas tolodadupumo monsombah.”
Han aijo' bisa jadi' kalana Tumpu nompile'imo posaihin-Nyo;
Tumpu nu Israel anu susi' madi' mongkolilimi palajanjian-Nyo.
Yerusalem po ule'mo obau
8 #
2Kor. 6:2
Tumpu notataemo hi mian anu palesayamo hi Ia,
“De Aku situjumo, Aku montaamimo;
de tokamo isinaanyo nu Aku momposalamatmo,
Aku montulungimo belemiu.
Belemiu Ku lindungimo ka' Kujagaimo,
ka' Ku potimbalimo palajanjian hi to bansa-bansa.
Po ule'mo Ku bau na lipu' anu iliingmo hondo
timbalimo tano' pusaka' anu ojojoongimo.
9Mian anu tinalungku'mo Ku palentahmo da mosabat;
anu daagi' itampat anu pikat Ku boamo itampat anu majingka.
Ka' mule' ipuge'nyo anu madi' ko anu montumuu'i, aha madi' kakulangan,
tutus jalan daagi ko anu okaan.
10 #
Why. 7:16-17
Aha madi'mo megot ka' mo'ohop,
ka' madi'mo nu kona nu singit ipadang tampat anu mateges.
Kalana Tumpu mongkalibosimo aha ka' mompotiju'mo aha,
ka' montaka'mo mamba i mata nu uee.
11Aku mombaumo jalan montulu bungkutnyo
iwi-iwi' na jalan anu bau kajalanan-Ku, Ku pohatamo.
12Lengkat mae ilipu' anu majo'on singkapmo mae toka na mian anu palesayamo hi beleng-Ku,
lengkat mae isasu utara, ka' mule' isasu kinsoban ka' mule' Sinim anu isasu salatan.”
13Panyanyimo o, langit, pontaligalaimo o, tano'
o, to bungku-bungkutnyo, pontaligalaimo lame-lame'!
Kalana Tumpu tokamo mae mohase mian anu palesayamo hi Ia,
Ia mongkalibosimo mian anu palesayamo hi Ia, anu sinansalamo.
14Panyo mian anu jojoong i Yerusalem notataemo,
“Tumpu nompala'imo kita,
Tumpunto nongkolilimimo kita.”
15Tumpu nontaamimo mae, Ia notatae,
“Tetoho' mule' samian na tina nu anak mongkolilimi anaknyo,
ka' madi'mo mongkalibosi anak anu kinandungnyomo?
Maumo ahi' ia na mongkolilimimo,
panyo Aku na madi' ahi' mongkolilimi beleyum!
16O, Yerusalem, Aku saja' monginau' beleyum;
sanggo nu beleyum tinulis-Kumo ipala nu limang-Ku.
17Aha to mia-mian anu po ule'mo mombau beleyum malia'mo toka,
ka' anu nohansunimo beleyum saidi' mae mambamo.
18Tonto'i ka' toa titikup atina' hi beleyum,
layat nu beleyum sinihukmo ka' tinokamo mae hi beleyum.
Aku, Tumpu anu tumuu', Aku notataemo,
memang, beleyum sanangmo na kinyonyoa, kalana mian anu jojoong hi beleyum sumomo ahi' panganten boune sanangmo kalana pinakeanmo palahiasan.
19Lipu' nu beleyum anu kinunmo ka' iliingmo hondo
uuka aiya binunsokmo hondo
hi aha to mia-mian anu kahanda' monjojoongi.
Ka' aha to mia-mian anu kahanda'mo mompatei beleyum,
nambamo jo'o-jo'on nompala'i beleyum.
20To ana-anak anu ihampe mae ilipu' nu mian
saidi' mae motataeje hi beleyum,
‘Lipu' aiya bunsok ahi' hondo hi belengku
bee'i mae tampat da aku timbali jojoong i aiya.’
21Sahingga beleyum motataemo i uno nu kinyonyoa
‘Ihe na nompohampe anak haha aiya hi belengku?
Te misa' nolapusmo ahi' na to ana-anaku,
ka' madi'mo ahi' daagi' mompohampe?
Aku binoamo ka' pinojoongmo kiijo' mae ka' ingalinmo,
ka' pinala'ianmo me ahi' sausa'.
Jadi lengkat mae iya na anak haha aiya
ka' ihe na nompidaka'i aha?’ ”
22Tumpu Anu Matangkas na Kuasanyo notataemo hi mian anu palesayamo hi Ia,
“Aku saidi' mae mombee'ije tanda hi aha to bansa-bansa,
ka' aha monsule'akonje to ana-anak nu beleyum;
to ana-anak nu beleyum anu to momo ane saidi' mae otangkungmo,
ka' mule' to ana-anak nu beleyum anu to bou-boune osombungmo ibekoang.
23To tomu-tomundo' saidi' mae sumomo ahi' tuuma nu beleyum
ka' to tomu-tomundo' boune sumomo ahi' posi tina.
Aha saidi' mae tolodadupumo moholomati beleyum
ka' mati'alukmo hi beleyum.
Sahingga nu sumbu'je nu beleyum taalu' Akumo ahi' na Tumpu;
miana nu montaha'imani Aku madi' mule' mompele-pele'.”
24Belemiu mompokilawamo,
“Tetoho' mule' balang anu pinahuhuakon ingagoan hi lima nu talenga',
kabai mian anu ihakop ingala aijo' totoong hi lima nu mian anu singgi?”
25Tinaamanmo nu Tumpu, “Aijo'mo na saidi' mae jadi.
Mian anu ihakop nu to tale-talenga' po ule'mo o, agoi.
Balang anu nu mian singgi po ule'mo opahuhuakon.
Kalana Akumo na mongewa sampobali' nu beleyum;
Ku posalamatmo na to ana-anak nu beleyum.
26Ku potimbalimo na sampobali' nu beleyum da mangoa i baso',
sahingga aha mompaha pate-pateimo.
Jadi iwi-iwi' na manusia saidi' mae monsumbu'mo,
taalu' Akumo ahi', na Tumpu
Anu momposalamat beleyum;
Anu Mahoson hondo, Tumpu i Yakub
Anu nontobusmo beleyum.”
Currently Selected:
YESAYA 49: LAILOE
Highlight
Copy
Compare
Share
Want to have your highlights saved across all your devices? Sign up or sign in
