YESAYA 39
39
To mia-mian anu sinai mae lengkat i Babel
(2Raj. 20:12-19)
1Tempo'mo aijo', na tomundo' nu Babel aijo'mo i Merodakh Baladan anak i Baladan nohongo mae i Tomundo' Hizkia sala'je na alin isakitnyo. Sahingga ia nonsaimo mae mian nomboa mae sulat ka' mule' palasena nu obee' hi Hizkia. 2I Hizkia nolabotmo aha anu sinai mae aijo' ka' sinanangmo hondo na kinyonyoanyo ka' nompotoamo iwi-iwi na kakaya'annyo aijo'mo mosoni', tiba salaka, to lampa-lampa, ka' mule' minya-minya' ka' mule' iwi-iwi' na suludadunyo anu pinosadiannyomo. Madi' ko sa'angu' pe'e anu i uno nu laigan nu tomundo' ka' isongko-songko na kalaja'annyo na madi' pinotoanyo hi aha aijo'. 3Lapas aijo' i Nabi Yesaya nangadapmo hi Tomundo' Hizkia ka' nompokilawamo, “Lengkat mae iya na mian haha aijo'? Apaa na koonyo nu aha?”
Tinaamanmo i Hizkia, “Aha aijo' lengkat mae i Babel, lipu' anu majo'on hondo.”
4“Apaa na tinoa nu aha ilaigan nu tomundo'?” na po ule' pinokilawa i Yesaya.
“Iwi-iwi na apaa na koonyo i Hizkia. Madi' kobalang anu i no nu laigan nu tomundo' na madi' pinotoangku hi aha.”
5Lantas notataemo na i Yesaya hi tomundo', “Tumpu Anu Daka' na Kuasanyo notataemo, 6‘Saidi mae tokaje na tempo'nyo iwi-iwi na kakaya'an i uno nu laigan nu tomundo' kajo-kajojoongan nu beleyum ka' anu pinosihukmo nu mompolee' nu beleyum sampe sinaa aiya oboamo i Babel. Madi'mo daagi' ko anu tontuha'. 7#Dan. 1:1-7, 2Raj. 24:10-16, 2Taw. 36:10 Mompolee' nu beleyum daagi' ko anu o, ala ka' ohangkatmo bau pagawe da mokalaja ilaigan nu tomundo' da mombau apaa na anu nu pokauhakon nu tomundo' Babel.’ ”
8Tinaaman i Tomundo' Hizkia, “Ma'ima' mule' ahi' na potuunon nu Tumpu anu pinoto'imo mae nu beleyum atina' hi belengku.” Ia nontaami sumo aijo' kalana tinutugannyo, “Asan kalaja'anku tataap madi' ko anu mompoposia ka' mule' saja' kokadamean hau-haunyo aku daagi' tutuu'.”
Currently Selected:
YESAYA 39: LAILOE
Highlight
Copy
Compare
Share
Want to have your highlights saved across all your devices? Sign up or sign in
