YESAYA 20
20
Nabi anu nilanggomo binaumo salaku tanda
1I Sargon tomundo' nu aha Asyur nompalentahmo da talenga' nu tomundo' Asyur montumbuhimo Asdod, sa'angu' na kota' nu aha Filistin. 2Totolu'mo nataun anu ihikuhakonmo ma'isa pe'e kino han aijo', Tumpu nonsaimo i Yesaya anak i Amos da mongukatakon sapatunyo ka' hude kalung anu pake-pake hi ia. Ia nontulutimo ka' ia ilumajangmo langgo-langgo ka' mule' madi'mo nisapatu. 3Salatan kota' Asdod tinikumo, Tumpu notataemo, “Posaihon-Ku Yesaya totolu'mo nataun na ilanggo ka' mule' madi' nisapatu. Aijo'mo na salaku tanda apaa na anu saidi' mae jadi hi aha Mesir tiba hi aha Sudan. 4Tomundo' nu Asyur saidi' mae mohakopmo to mia-mian anu hi ohua' na lipu' aijo' ka' aha oboamo langgo-langgo na lumajang. Anu motu'amo kabai anu ma'isa motu'a iwi-iwi' lumajang madi' mompusok baju ka' sapatu suele madi' mompusok jadi ahop nu aha kinantoaanmo salaku bau pongambangi aha Mesir. 5Aha to mia-mian anu montakabunakon Sudan ka' mule' mombuulakon Mesir hentemo na mogogia' ka' madi'mo daagi ko anu nu taha'imani nu aha. 6Tempo'nyo aijo' aha to mia-mian anu jojoong ibiwi nu ambai motataemo, ‘Soab toa apaa na anu jinadimo hi bansa anu ota-otakabunakonto monjagai mae kita da madi' nu poposia mae i tomundo' nu Asyur. Iyamule' na kita daagi' salamat?’ ”
Currently Selected:
YESAYA 20: LAILOE
Highlight
Copy
Compare
Share
Want to have your highlights saved across all your devices? Sign up or sign in
