YIA̒APO 27
27
Walao̒ mongobua lei Jelapehad
1Tei Jelapehad owalao̒ mongobua limolota, deu̒yto-yito ti Mahla, Noa, Hogla, Milka, wau Tirja. Tiyamo lei Jelapehad yito tei Heper, tiyamo lei Heper yito tei Gilead. Tiyamo lei Gilead yito tei Makhir, tiyamo lei Makhir yito tei Manasye, wau tiyamo lei Manasye yito tei Yusu. 2Olimo lowalae̒e Jelapehad boito lonao̒ mota lotaalua wolei Musa, wau li Iimamu Eleajar, boli mongo tau̒wa wau ngoilanggubu umati tadonggo hia̒mbua totili huhebu Kema lo Eeya. Uali mongolio mao̒, 3“Tiyamo lamiaatia yilate tohuta datahu wau luasi udelita wau diila owalao̒ talolai̒. Tio diila muri lei Kora tahelo makala to Eeya. Tiyamo lamiaatia boito yilate sababu dusalio lohihilao. 4Bo yilongola tanggulio musi mooli monto bangusa lo Isirai̒lu bo kalana tio diila o wali mai walao̒ talolai̒? Wohia mai amiaatia huta pusaka pee̒-pee̒enta wolo mongo ilaato liyamo lami.”
5Lapatao̒ tei Musa lopo tunggulao̒ sua̒li limongolio boito ode Eeya, 6wau Eeya lotahuda mai odelei Musa, 7“Wolo uiloi̒ya lomongo walae̒e Jelapehad memangi patuti. Oditolio wohia mao̒ timongolio huta pusaka pee̒-pee̒enta wolo mongo ilaato liyamo limongolio. Waliisani lei Jelapehad boito musi potuhutolaa mola ode mongo walai̒o taabua. 8Polelea mao̒ ode bangusa lo Isirai̒lu deu̒ wonu bolo walao̒ talolai̒ ngota mate, yi huta pusakaalio musi powalisiyolo ode walai̒o taabua. 9Wonu tio diila owalao̒ taabua, huta pusakaalio boito musi powalisiyolo ode wutatio talolai̒. 10Wonu tio diila owutata talolai̒, hutalio boito duo̒lo wutato talolai̒ liyamolio. 11Wonu tio diila owutato talolai̒, wau diaaluo olo wutato talolai̒ liyamolio, huta boito mowali miliki lo sahabati tamo dudula daa̒ lo kaumulio.” Wuu̒du botie musi dungohe mao̒ taulo Isirai̒lu odelo wuu̒du wau butoo̒ upilo malentai lo Eeya lotimbulude to olei Musa.
Tei Yosua tilulaotio odelo tamobuulota wolei Musa
(Tin. 31:1-8)
12 Eeya lotahuda odelei Musa, “Potao̒dulo mola ode Hui̒de Abiram, wau monteeto bilohi mota lipu u mawohi-U̒ mai ode taulo Isirai̒lu. 13Lapatao̒ momilohe mota, yio̒ maamate debo odelo tahulangumu tei Haruna, 14sababu Jin timongoli malo luwali palentaa-U̒. Tou̒ to Meriba ngoilanggubu ulipu helobiihu to ola-U̒, wau timongoli diila mohuto mopoilaalo mao̒ okokawasa-U̒ totalu limongolio u owumbuta wolo taluhee boito.” (Polou̒tia boito lotoduo tobutu lotaluhu Meriba to Kades, tohuta datahu wau luasi udelita lo Jin).
15Lapatao̒ tei Musa malodua̒, 16“Yaa, Eeya Allahu Taaa̒la, tamongohi mai tutumulo ode ngoa̒amila u hitumula, watotia momolohone, pobilohe mai ngotaalio tamowali modelo bangusa botie; 17ngotaalio tamowali Eeyanggu towakutu timongolio mopaatea. Diila mao̒ polulia umati-Mu botie debo odelo himba udiila odiiti.”
18Tahuda mai lo Eeya odelei Musa, “Tianga mai tei Yosua, walae̒e Nun. Tio ngotaalio lo tamotoloo̒. Podutua mao̒ uluu̒mu toitaato lunggongio. 19Ahuli mao̒ tio timihula totalu li Iimamu Eleajar wau ngoilanggubu umati. Totalu limongolio ngoa̒amila yio̒ musi mopo malalumu mao̒ deu̒ tei Yosua yito tamobuulota wolemu. 20Wudua mao̒ olio ngotayade lo okokawasamu, alihu umati lo Isirai̒lu modungohe olio. 21Tei Yosua musi mohile mao̒ potuhata monto li Iimamu Eleajar, wau tei Eleajar musi mohintu mai manguru-U̒ wolo momake Urim wau tumim. Wolo dudelo boito tei Eleajar modelo olei Yosua wau ngoilanggubu bangusa lo Isirai̒lu todelomo totoonulalo sua̒li utalua limongolio.” 22Tei Musa malohutu mao̒ debo odelo upilo malentao̒ lo Eeya olio. Tio lopoa̒hu olei Yosua tilimihula totalu li Iimamu Eleajar wau ngoilanggubu umati. 23Lapatao̒ tio lopodutu uluu̒lio toitaato lunggongee Yosua wau lopo malalumu mao̒ deu̒ tei Yosua yito tamobuulota wolio, debo odelo u tilahuda mai lo Eeya to olio.
Currently Selected:
YIA̒APO 27: LAIGOR
Highlight
Copy
Compare
Share
Want to have your highlights saved across all your devices? Sign up or sign in
