HOSEA 7
7
1 Eeya lotahuda mai, “Timii̒du Wau̒ ohilaa mopoo̒luli mai umati-U̒ Isirai̒lu wau moponguli mao̒ owowoluwoa limongolio, yi u iloontonga-U̒ bo ololeeto wambai̒o wau dusa limongolio. Timongolio tinggai hemo hihiimbuloa, timongolio tumuwotao̒ ode bele lotau u motao̒, wau timongolio hemo lambata to dadaa-lalaala. 2Diila pee̒enta mao̒ leibayaheo̒ todelomo pikiilangi limongolio deu̒ Wau̒ mamoe̒ela mai totoonulalo ololeeto boito. Bo duduu-sawaalo limongolio lohenggube olimongolio tilinggula wolo lopatato iloontonga-U̒.”
Woomboa tobele biluloa̒ saaha li olongia
3 Eeya lotahuda mai, “Wolo hidala-dalaala yimbulo wau huhuu-hutuwaalo u moleeto ulipu hemo tolopani moposanangi hilaa li olongia wau tahidihima pantungo lo pamalenta. 4Timongolio ngoa̒amila tamoo-hiyanatia wau taa udiila tatapu wau molotolo hilao. Olonui̒ mongolio debo odelo tulu todelomo tihengo udiila pilo hintalabu lo tamoohutua roti tou̒ diipo ulambohio watuwatu u lalangolo. 5To dulahu potihunggu li olongia, timongolio helohutu li olongia wau tahidihima pantungo lo yilaidiaalio sanangi longilu angguru tunggula hiluwoa̒ wau lohutu susuu-aliyaalo u mohulodu. Pulitio mao̒ ti olongia helo tisana-sanangi wolo tahi pohiyanatia boito. 6Debo odelo tulu todelomo tihengo odi-odieelo mola niyati moleeto wau oyiyingo limongolio hinta-hintalabu todelomo hilao ilo-iloonua, wau tou̒ dumodupo wali-walihuhu lowali lei̒ito tulu upolu-polutuo̒.
7To delomo napusu lo oyiyingolio, timongolio helomate yila-yilateelo mao̒ mongo tau̒wa limongolio. Ngoa̒amila olongia limongolio mailopatea yila-yilateelo mao̒ tutuu-ntunga mola. Bo eleponu owowoluwoa malowali odito lobulilo, diaaluo penu boli ngotaa mao̒ tahe lodua̒ ode Olau̒ u lei̒tuulungi.”
Isirai̒lu wau babaa-ngusawalo
8 Eeya lotahuda mai, “Bangusa lo Isirai̒lu helo panggala wolo babaa-ngusawalo topalito limongolio, tilinggula timongolio lowali debo odelo roti u loontapo ngotuali. 9Timongolio diila mongalati deu̒ tumbao̒ kalana helo panggala wolo babaa-ngusawalo boitolo, yilooli lomola olootoli mongolio. Pulito lo wungguli limongolio malembidei, bo diila otaawa limongolio. 10Osombongi taulo Isirai̒lu oontonga wolo lopatato wau lowali bukuti totala limongolio. Eleponu ngoa̒amilalo boito malo toduo, timongolio debo diila mololohe ola-U̒ meaalo muli mohualingai ode Olau̒, Eeya Allahu Taa̒ala limongolio. 11Isirai̒lu odito mota odia mai debo odelo bulungi poombo u mohulodu. Bohu-bohulio tau-taulio lei̒tuulungi to Masiri, lapatao̒ timongolio tilumetea̒ ode Asyur! 12Bo timii̒du timongolio lumaodeo̒, Wau̒ mamolaalao̒ taalo wau moheu̒upa olimongolio debo odelo tau moheu̒upa bulungi. Wau̒ mamo hukuumani mai olimongolio sababu totoonulalo ololeeti mongolio umaa ilotaawa-U̒.
13Tilopotala timongolio, sababu timongolio malo lolaa ola-U̒. Timongolio mamoa̒ntulu sababu malo luwali ola-U̒. Wau̒ ohilaa mopoa̒ahu olimongolio, bo ibaadati limongolio paaluti ngoa̒amilalo. 14Timongolio diila tio̒otutua helodua̒ ode Olau̒. Wonu timongolio modua̒, timongolio hemo pomahulo batanga ode tambati potuluhelo, wau hemoyongo debo odelo u pilohutu lotau-tauwalo tadiila palacaya to Olau̒. Wonu timongolio modua̒ u mohile pale wau angguru, timongolio momali mao̒ batanga debo odelo u pilohutu lotau-tauwalo tahi polubowa dewa. Timongolio tio̒otutua moluwali ola-U̒! 15Eleponu Wau̒ulo talo pou̒daa̒ mola wau lopoo̒ lotolao̒ olimongolio, bo timongolio lo woomboa loluwali ola-U̒. 16Timongolio tulusi wambai̒o hemodudua̒ dedeewaalo usama-samaata diila okawasa wolo-wolo. Timongolio diila mowali palacayalo debo odelo buutio̒ u ilunggoyongo. Mongo tau̒wa limongolio hemo bisala wolo sombongi, sababu uito timongolio mapateelio wolo wamilo mate-mateelo mao̒, wau poi̒ii̒ya lotau-tauwalo Masiri.”
Currently Selected:
HOSEA 7: LAIGOR
Highlight
Share
Copy
Want to have your highlights saved across all your devices? Sign up or sign in
