TINGULI 34
34
Opopate lei Musa
1Lapatao̒ tei Musa lololaa mao̒ datahu lo Moab wau lotao̒ode mola ode Hui̒dee Nebo, to bolitutuo̒ lo Pisga to ambahu tiimuru lokota Yerikho. Mota teto Eeya lopoi̒laalo to olio ngoilanggubu lipu boito, deu̒yito-yito: Madala lo Gilead totilayo ngoilaminga kota lo Dan; 2ngoilanggubu madala Naputali; madala Epraim wau Manasye, madala Yehuda ode otolopa ngoilaminga Lau Tenga; 3wimbihu huliaalio lo Yehuda wau datahu ubua̒-bua̒de mota monto Joar ode Yerikho, kota upolupolu wolo bungo lohuruma. 4Lapatao̒ Eeya lotahuda mai odelei Musa, “Uitolo lipu u pilodanti-U̒ mao̒ odelei Abraham, Isihaka wolei Yako u wuduwolo ode wali mola limongolio. Wau̒ mopo biloheo̒ olemu, Musa, bo Wau̒ diila mongohi olemu monao̒ odito mola.”
5Lapatao̒ mailatelo mola tei Musa wato lo Eeya tohuta lo Moab, debo odelo u tilahuda lo Eeya tou̒ dipo-dipolulio mai. 6Eeya lolobunga olio tolumbaya tuwau to Moab to ngotuali lokota Bet-Peor, bo tunggula todulahee botie diaaluo penu boli ngotaa mao̒ tamotota lou̒ mopatato tou̒toonu pilolobunga olio. 7Tei Musa yilate to umulu ngohetuto dulo pulu lotaunu. Lotoolio diila iliilangi wau poomilohio donggo mobaango. 8Todatahu lo Moab hiliyonga lobangusa Isirai̒lu tei Musa wau lotilimi tolopulu hui mola.
9 Eeya longohi daata-datalo mao̒ odelei Yosua walae̒e Nun wolo tinepo sababu tio matilunu lei Musa tamobuulota wolio. Bangusa lo Isirai̒lu lodungohe olei Yosua wau helo ponao̒ papaa-lentawalo uilohi mai lo Eeya ode limongolio lotimbulude to olei Musa.
10To Isirai̒lu diduuluo nabi debo odelo tei Musa helo bisala lotaalua baya wolo Eeya. 11Diduu̒ tahe lohutu mumuu̒u-jijatiyalo wau momoo̒o-linggolabeyalo debo odelo u hepilohutu lei Musa ode lipu lo Masiri, olongialio wau tahidihuma pabotungo lipulio tutuuu̒de wolo palenta lo Eeya. 12Diduu̒ tahe lohutu huhuu-tuwaalo upolu-polutuo̒ wau moo̒tihela hapato debo odelo u hepilohutu lei Musa totalu lo ngoilanggubu bangusa lo Isirai̒lu. 1 104
Currently Selected:
TINGULI 34: LAIGOR
Highlight
Copy
Compare
Share
Want to have your highlights saved across all your devices? Sign up or sign in
