Ibrani 5
5
1It ap Allah indewerek ineugi nggokndek inebe dombok eti, akoni Allah aʼburi nen, ap it mende omanggi Allah ake kagako dogolik, it mende yi mende ndi mende ʼbisinem, Allah wogokik, weyak kagarigogi mende ake inanggo wolok wagonem, warikik, kagako dogowagaluk mikogo mendiyiligogi. 2Esigit diluk mendiyasinem, it inobatne dek erlok dek mende yomenogo nen, it akoni amberek esigit dilugat wene inonggodek dogolik nil-kiltogo kagarigogi eti didiluk nen, inebe inaʼbuwa kigik it inake kiyanerogo erlogat kagarigogi o. 3It inenggaerek nen weyak kagarigogi eti paga, it akoni amberek weyak kagarigogi mende pasik inanggo korlalok wagonem, it nen Allah waririgogi kak, esigit dilugat it inenggaerek weyak kagarigogi mende pasik inanggo Allah warisusak ndak-ndagat waririgogi o. 4It esigit diluk kagako doguwogoluk,
“An nebe Allah indewerek nggok dogogin,” yiluk inenggaerek nen mendakiligogi dek. At Allah nenat, ap Harun ayonggo ʼbisikemo mendisuka kagat, Allah nen inayonggo ʼbisi kalogat mendiyaligogi o. 5At Kristus esigit dilugat,
“An Allah indewerek nggok dogogin,” yiluk enggaerek nen mikogo mendakigidek. At Allah nenat mikogo mendisikesik wene men yogokike,
“Kat an Naʼbut o. Kebe yogondak endak kaki o,” (Mzm. 2:7)
yiluk yogokike o. 6Nen omanggi, Allah wene kolal mbalek omanggi paga yigit diluk yisikemo weregat,
“Ap Melkisedek an Allah indewerek nggok welagike eti kak, kat an indewerek nggok mondok-mondok dogonok nen yiluk mendagagi o,” (Mzm. 110:4)
yiluk yogokikemo kolal mbalek werek. 7At Yesus ebe agat oba yoma werekma akoni nen wasunogo yiluk, Allah nen erlogat ndilusak eti paga, de ako dogolik, ane nggogat Allah endaga mbalogo ayonggo ʼbisi dogolik, ombae ane ayukogo kologo welagike eti paga, Allah nen ane asuk kolkike. 8Esigit diluk yogokike eti, at Yesus ebe Allah aʼbut mende, Allah wene kologo kagasusak mende pasik yi aik ndi aik kasi dogolik yanggul kike o. 9Esigit diluk yanggulko dogolik, ilugun arat nggobokogo kagakikemo, nit at ane kologo dogogun mende ninebe taʼbokogonat niniluk mondok-mondok dogowagaluk, at ebe ndil ninabigogo mende erlo arat kagarogo ʼbisike o.
10Esigit diluk kagarogo ʼbisikesik nen,
“At Melkisedek kagako lagike eti kak, kat kebe an indewerek nggok dogono,” yiluk mendisike.
Akoni nen Allah wene togot diyalok, iniyogoba dukunogo yiluk, inakla eberogo yogisasike wene
11Wene eti pasik, nit nen kit yokisausak mende dogalegat werek, mende kit kinobabut, wene ibat didusak erlok dek eti paga, nit nen dikogo yanggul kisausak erlok dek o. 12Kit Allah wene alebat yanggul kigisipmo, kit nen it akoni amberek yanggul isausak erlok mende ogwe, erlok dek eti paga, wene ebe-alep yanggul igogi mende eti, it akoni amberek inoba yanggul usak o. It elege kimbiri aʼbet mende nausak erlok dek kalok, inagoyalak inirlak ambusuat niligogi kak, kit wene korle mende yanggul usak erlok dek kalok, wene alep mende yanggul isiligogi mende etnogo mendeat yanggulko dogusak kinobabut kiyiligogo o. 13Elege inagoyalak inirlak ambusuat niligogi eti inebe elegeatma, wene yi pano, yi weyak yiluk mbenasusak inonggodek werek o. 14Mende, it inarluwendek etiat, inendainggen korle atlukmo nogo nen, wene yi weyak mende, yi pano mende, yiluk mbenasusak inilu nogo nen, kimbiri aʼbet mende, it inambiri o.
Currently Selected:
Ibrani 5: DNA
Highlight
Copy
Compare
Share
Want to have your highlights saved across all your devices? Sign up or sign in
Ibrani 5
5
1It ap Allah indewerek ineugi nggokndek inebe dombok eti, akoni Allah aʼburi nen, ap it mende omanggi Allah ake kagako dogolik, it mende yi mende ndi mende ʼbisinem, Allah wogokik, weyak kagarigogi mende ake inanggo wolok wagonem, warikik, kagako dogowagaluk mikogo mendiyiligogi. 2Esigit diluk mendiyasinem, it inobatne dek erlok dek mende yomenogo nen, it akoni amberek esigit dilugat wene inonggodek dogolik nil-kiltogo kagarigogi eti didiluk nen, inebe inaʼbuwa kigik it inake kiyanerogo erlogat kagarigogi o. 3It inenggaerek nen weyak kagarigogi eti paga, it akoni amberek weyak kagarigogi mende pasik inanggo korlalok wagonem, it nen Allah waririgogi kak, esigit dilugat it inenggaerek weyak kagarigogi mende pasik inanggo Allah warisusak ndak-ndagat waririgogi o. 4It esigit diluk kagako doguwogoluk,
“An nebe Allah indewerek nggok dogogin,” yiluk inenggaerek nen mendakiligogi dek. At Allah nenat, ap Harun ayonggo ʼbisikemo mendisuka kagat, Allah nen inayonggo ʼbisi kalogat mendiyaligogi o. 5At Kristus esigit dilugat,
“An Allah indewerek nggok dogogin,” yiluk enggaerek nen mikogo mendakigidek. At Allah nenat mikogo mendisikesik wene men yogokike,
“Kat an Naʼbut o. Kebe yogondak endak kaki o,” (Mzm. 2:7)
yiluk yogokike o. 6Nen omanggi, Allah wene kolal mbalek omanggi paga yigit diluk yisikemo weregat,
“Ap Melkisedek an Allah indewerek nggok welagike eti kak, kat an indewerek nggok mondok-mondok dogonok nen yiluk mendagagi o,” (Mzm. 110:4)
yiluk yogokikemo kolal mbalek werek. 7At Yesus ebe agat oba yoma werekma akoni nen wasunogo yiluk, Allah nen erlogat ndilusak eti paga, de ako dogolik, ane nggogat Allah endaga mbalogo ayonggo ʼbisi dogolik, ombae ane ayukogo kologo welagike eti paga, Allah nen ane asuk kolkike. 8Esigit diluk yogokike eti, at Yesus ebe Allah aʼbut mende, Allah wene kologo kagasusak mende pasik yi aik ndi aik kasi dogolik yanggul kike o. 9Esigit diluk yanggulko dogolik, ilugun arat nggobokogo kagakikemo, nit at ane kologo dogogun mende ninebe taʼbokogonat niniluk mondok-mondok dogowagaluk, at ebe ndil ninabigogo mende erlo arat kagarogo ʼbisike o.
10Esigit diluk kagarogo ʼbisikesik nen,
“At Melkisedek kagako lagike eti kak, kat kebe an indewerek nggok dogono,” yiluk mendisike.
Akoni nen Allah wene togot diyalok, iniyogoba dukunogo yiluk, inakla eberogo yogisasike wene
11Wene eti pasik, nit nen kit yokisausak mende dogalegat werek, mende kit kinobabut, wene ibat didusak erlok dek eti paga, nit nen dikogo yanggul kisausak erlok dek o. 12Kit Allah wene alebat yanggul kigisipmo, kit nen it akoni amberek yanggul isausak erlok mende ogwe, erlok dek eti paga, wene ebe-alep yanggul igogi mende eti, it akoni amberek inoba yanggul usak o. It elege kimbiri aʼbet mende nausak erlok dek kalok, inagoyalak inirlak ambusuat niligogi kak, kit wene korle mende yanggul usak erlok dek kalok, wene alep mende yanggul isiligogi mende etnogo mendeat yanggulko dogusak kinobabut kiyiligogo o. 13Elege inagoyalak inirlak ambusuat niligogi eti inebe elegeatma, wene yi pano, yi weyak yiluk mbenasusak inonggodek werek o. 14Mende, it inarluwendek etiat, inendainggen korle atlukmo nogo nen, wene yi weyak mende, yi pano mende, yiluk mbenasusak inilu nogo nen, kimbiri aʼbet mende, it inambiri o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in