Ibrani 4
4
1Eti paga, Allah nen aʼburi set walawagaluk abok yisike mende etnogo dek agidek werek mende eti, nit yabunggane set walawagaluk woknisaginmo etoma kit amberek unggigidek kagasunogo yiluk kinayukogo dogolik motogo kagako dogono o. 2Wene pano wene eti, it alep yogisasike kagat, nit esigit dilugat yoknisasikeat. Mende, wene yogisasike mende eti, it inasuk kolkukasik nenat, inendainggen oba panggot digidek kagako laguka eti paga, wene eti, it pasik erlok dek agike. 3It pasik esigit diluk erlok dek agike mende, nit ninendainggen Allah oba panggot diligogi mende dombok, at nen,
“Kit set walagun,” yiluk abok yisike etnogo nirat set walagun o. Wene eti pasik, Allah nen yigit diluk yisike ambigi,
“An nakla agaga dagaluk kumbuk mbalogo mberisasi dogolik,
An set walasi werek kak, it set walagun mondok dek o,” (Mzm. 95:11)
yiluk yisike eti mbogot agat at nen walkasikesik nen set walasi dogolik yisike. 4O ininggi 7 paga Hari Sabat dogoligogi etnogo mende pasik, Allah wene paga kolal yigit diluk mbalek werek,
“Allah nen yi mende ndi mende taʼbokogonat walkasi
lagikesik, inggi 7 paga Hari Sabat set walasike,” (Kej. 2:2)
yiluk yisikemo kolal mbalek werek. 5Wene eti pasik, Allah wene omanggi yigit diluk kolal mbalek weregat,
“An set waligogo eti kak, it set walagun mondok dek o,” (Mzm. 95:11)
yiluk yisikemo kolal mbalek werek. 6Ebe-alep, it nen pano wene eti inasuk kolkukasik nenat, inasuk kologo motogo kagakidek eti paga, at Allah nen,
“It set walagun,” yiluk abok yisike etnogo, set ebe waligidek. Eti paga, it akoni ninat mende amberek erlok set walagun, yiluk didusak o. 7Wene eti abok yogisasikesik oba nen, yi tahun ndi tahun dogalegat welagikesik nen, yabunggane,
“Eti paga,” dogogun yiluk at Daud yogoko dogolik,
“Yogondak ya paga,”
yiluk yogokike mende alebagik yigi kagat kolal yigit diluk mbalek werek,
“Yogondak ya paga Allah wene kinasuk kolkep kalok,
kinendainggen aʼbet agup o,” (Mzm. 95:7-8)
yiluk yisikemo kolal mbalogo ʼbisuka.
8Allah nen,
“Kit set walagun,” yiluk abok yogisasike etnogo, at Yosua nen wogisek unggi wagike eti paga, arat ebeat atlepma, it unggi wagukasik oba nen yabunggane Allah nen,
“Eti paga set walagun,” yiluk abok yisike eti yilep degat o. 9-10Allah nen yi mende ndi mende walkasi lagikesik nen, yabunggane ilugun nggobokogo inggi 7 paga Hari Sabat set walasike eti kak, nit at aʼburi set walagun mende ninebe dombok yi mende ndi mende yabu ninenggaerek ninake kagarigogi mende ilugun nggobokogo set walagun mende weregat o. 11It alep Allah wene kologo motogo kagakidek dogolik, set waligidek eti kak, nit amberek it inomanem set waligidek kagasunogo yiluk, ninobatnerogo kagako doguwok o. 12At Allah wene yiligogo eti mbirok enggat abel pelak-pelak mondok mago eti, ndak dek o. Mende, at Allah wene eti iluk mende obatneyak enggat weyak mondok dogolik, inowak elenggenma unggigik, inamunggok elola unggigik, kagasu kak, inakla inendainggen oba paka lalok nen, inakla ambaligogi mende inom, inendainggen nen warlok ambaligogi mende inom, ilenggen erlok mbenarigogo. 13Allah il oba, yi mende ndi mende at nen walkasike mende omanggi limago werek mondok dek o. Mende, at il oba, yi mende ndi mende taʼbokogonat, selekma mondok werek eti paga, nit kagarigogi mende, at ilumo ninoba dombogat ninom yugun o.
Yesus ebe nggok Allah indewerek dogoligogo wene
14Nit ninewe nggok Allah indewerek Allah aʼbut Yesus etnogo mbogot wusaka wagik, mbogot abel ombongge Allah werekma dagisikesik, nit ninake werek eti paga, nit ninendainggen at oba panggot diluk ninane ʼbukakogo yiligogi mende eti nininggi aʼbetogo pago doguwok o. 15Nit ninewe nggok Allah indewerek dogoligogo eti nit ninobatne dek erlok dek yiluk, at onggodek ʼbuk. At nit ninobabut waganggikesik werekma, nit weyak kagasuwagaluk weyak mende etnogo nen ninakla nggagaligogo kak, at esigit dilugat yi mende ndi mende pasik akla nggagali wago lagike mende, at weyak omanggi kagakidek dogolik ninobabut ilu o. 16Eti paga, nit weyak asusak werekma, nanonggal ninombae Allah obabut pano nen ninaʼbuwa niyigik, yamak niyigik, kagasuwagaluk, at Allah nggok dogoligogoma dogolik obabut pano oba kiyanerogo kagarigogo eti paga, ninayuk dekogonat korokogo ungguwok o.
Currently Selected:
Ibrani 4: DNA
Highlight
Copy
Compare
Share
Want to have your highlights saved across all your devices? Sign up or sign in
Ibrani 4
4
1Eti paga, Allah nen aʼburi set walawagaluk abok yisike mende etnogo dek agidek werek mende eti, nit yabunggane set walawagaluk woknisaginmo etoma kit amberek unggigidek kagasunogo yiluk kinayukogo dogolik motogo kagako dogono o. 2Wene pano wene eti, it alep yogisasike kagat, nit esigit dilugat yoknisasikeat. Mende, wene yogisasike mende eti, it inasuk kolkukasik nenat, inendainggen oba panggot digidek kagako laguka eti paga, wene eti, it pasik erlok dek agike. 3It pasik esigit diluk erlok dek agike mende, nit ninendainggen Allah oba panggot diligogi mende dombok, at nen,
“Kit set walagun,” yiluk abok yisike etnogo nirat set walagun o. Wene eti pasik, Allah nen yigit diluk yisike ambigi,
“An nakla agaga dagaluk kumbuk mbalogo mberisasi dogolik,
An set walasi werek kak, it set walagun mondok dek o,” (Mzm. 95:11)
yiluk yisike eti mbogot agat at nen walkasikesik nen set walasi dogolik yisike. 4O ininggi 7 paga Hari Sabat dogoligogi etnogo mende pasik, Allah wene paga kolal yigit diluk mbalek werek,
“Allah nen yi mende ndi mende taʼbokogonat walkasi
lagikesik, inggi 7 paga Hari Sabat set walasike,” (Kej. 2:2)
yiluk yisikemo kolal mbalek werek. 5Wene eti pasik, Allah wene omanggi yigit diluk kolal mbalek weregat,
“An set waligogo eti kak, it set walagun mondok dek o,” (Mzm. 95:11)
yiluk yisikemo kolal mbalek werek. 6Ebe-alep, it nen pano wene eti inasuk kolkukasik nenat, inasuk kologo motogo kagakidek eti paga, at Allah nen,
“It set walagun,” yiluk abok yisike etnogo, set ebe waligidek. Eti paga, it akoni ninat mende amberek erlok set walagun, yiluk didusak o. 7Wene eti abok yogisasikesik oba nen, yi tahun ndi tahun dogalegat welagikesik nen, yabunggane,
“Eti paga,” dogogun yiluk at Daud yogoko dogolik,
“Yogondak ya paga,”
yiluk yogokike mende alebagik yigi kagat kolal yigit diluk mbalek werek,
“Yogondak ya paga Allah wene kinasuk kolkep kalok,
kinendainggen aʼbet agup o,” (Mzm. 95:7-8)
yiluk yisikemo kolal mbalogo ʼbisuka.
8Allah nen,
“Kit set walagun,” yiluk abok yogisasike etnogo, at Yosua nen wogisek unggi wagike eti paga, arat ebeat atlepma, it unggi wagukasik oba nen yabunggane Allah nen,
“Eti paga set walagun,” yiluk abok yisike eti yilep degat o. 9-10Allah nen yi mende ndi mende walkasi lagikesik nen, yabunggane ilugun nggobokogo inggi 7 paga Hari Sabat set walasike eti kak, nit at aʼburi set walagun mende ninebe dombok yi mende ndi mende yabu ninenggaerek ninake kagarigogi mende ilugun nggobokogo set walagun mende weregat o. 11It alep Allah wene kologo motogo kagakidek dogolik, set waligidek eti kak, nit amberek it inomanem set waligidek kagasunogo yiluk, ninobatnerogo kagako doguwok o. 12At Allah wene yiligogo eti mbirok enggat abel pelak-pelak mondok mago eti, ndak dek o. Mende, at Allah wene eti iluk mende obatneyak enggat weyak mondok dogolik, inowak elenggenma unggigik, inamunggok elola unggigik, kagasu kak, inakla inendainggen oba paka lalok nen, inakla ambaligogi mende inom, inendainggen nen warlok ambaligogi mende inom, ilenggen erlok mbenarigogo. 13Allah il oba, yi mende ndi mende at nen walkasike mende omanggi limago werek mondok dek o. Mende, at il oba, yi mende ndi mende taʼbokogonat, selekma mondok werek eti paga, nit kagarigogi mende, at ilumo ninoba dombogat ninom yugun o.
Yesus ebe nggok Allah indewerek dogoligogo wene
14Nit ninewe nggok Allah indewerek Allah aʼbut Yesus etnogo mbogot wusaka wagik, mbogot abel ombongge Allah werekma dagisikesik, nit ninake werek eti paga, nit ninendainggen at oba panggot diluk ninane ʼbukakogo yiligogi mende eti nininggi aʼbetogo pago doguwok o. 15Nit ninewe nggok Allah indewerek dogoligogo eti nit ninobatne dek erlok dek yiluk, at onggodek ʼbuk. At nit ninobabut waganggikesik werekma, nit weyak kagasuwagaluk weyak mende etnogo nen ninakla nggagaligogo kak, at esigit dilugat yi mende ndi mende pasik akla nggagali wago lagike mende, at weyak omanggi kagakidek dogolik ninobabut ilu o. 16Eti paga, nit weyak asusak werekma, nanonggal ninombae Allah obabut pano nen ninaʼbuwa niyigik, yamak niyigik, kagasuwagaluk, at Allah nggok dogoligogoma dogolik obabut pano oba kiyanerogo kagarigogo eti paga, ninayuk dekogonat korokogo ungguwok o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in