Ibrani 6
6
1Eti paga, Kristus agoromi atluk kagako dogusak mende wene alebagik yanggul igogi etnogo mende yanggul kugu mende eti werek nggorlek, inarluwe atluk kagako dogusak mende yanggulko doguwok o. O andorli pano ʼbisinem ininggi abel dagaligogi dek eti kak, nit alep weyak kagako lagagu mende ʼbukalogo togot diyalok ninobabut kwalatluk ninendainggen Allah oba panggot disugu mende eti yabunggane abel dagaluwok dek o. 2Ima wusiligogi wene eti yanggulkik, inunggulowak sebeligogi wene eti yanggulkik, watlatlukmo Allah nen ninilugut ninabigin wene eti yanggulkik, ilugun oba wene ninoba ʼbigik nggokik kagakonem mondok-mondok dogogun wene eti yanggulkik, kagakugu mende eti, ninane abel dagakogo yabunggane yanggul uwok degat o. 3Allah nen pano ambasi kalok, yabunggane yanggul usak mende etiat yanggulik lago doguwok o. 4-6It akoni amberek, Allah nen inakla liyarinako nggorlek yi mende ndi mende induk walkalok pano mende waganigogi eti kak, Allah mbogot oba nen onggo dek werlegat woknisiligogo mende eti waganggik, Agurengge sumbut nisaligogo mende eti amberek waganggik, Allah wene eti pano mondok yiluk iniluat welagik, Allah obabut pano nen yabunggane obatnerogo pano mondok kagat ninabigin eti awan dogolik, yogondak ya yi mende ndi mende kimbiri dirlu niligogi kak, wogisasinem korligik, kagako dogoluk nenat ogwe, yabunggane it nen,
“Allah ninaʼit”, yiluk ane togot diyalok iniyogoba duki lalok dogolik, Yesus Allah aʼbut ebe o paga mendiluk wako dogolik inane aik dagok yogokuka eti kagat, yabunggane kagarigogi o. Esigit diluk mondok kagarik lago dogolik, yabunggane it nen,
“Nit weyak kagako,” yiluk inobabut kwaluwagaluk, iniyogoba ninggit diluk wogisek wisuʼbugat. Mondok erlok dek o.
7Allah nen kibitngge-yogongge o miyo agat oba wusa ʼbi wagonem, agat pano konde lagonem akoni nen yabu waganogo yi mende ndi mende ai yarigogi mende ebe pano nasinem, Allah nen,
“Agat eti pano,” yiluk panot diligogo o. 8Esigit diluk mende, agat eti yi ongga ndi ongga weyak mende inom, mumun arlok werek mende inom, dukiligogo kalok, Allah nen,
“Agat yi we yugunat wirlikogo werek eti weyak, naʼit,” yiluk alem ʼbiluk nen, yabunggane kali kundumo taʼbokogonat nigin o. 9Esigit diluk yigi mende, nagarlagi nirugi o. Kinebe kinaʼbuwa o. Allah nen weyagat kinabigin yiluk ninakla ambaligogi dek. At te, Allah nen kit alebat ndil kinakikesikmo panot kinabigin yiluk didiligogi o. 10At Allah obabut, nggorlo kagarigogo mende ʼbuk. At motogo arlek kagarigogo eti paga, kit at ake kagako dogolik kinagarlagi kinirugi Allah aʼburi mende amberek kinendainggen kunik nen alebagik yamagiyigik, yabunggane yamagiyigik, kagarigogi mende eti, at nen kit kinobarlikma asigin dek o. 11Nagarlagi nirugi o. Nit ninakla warlok, kit kinakla nen,
“Nit Allah nen panot ninabigin,” yiluk kinakla arlenggen kiligogi mende etiat kasi dogoluk, kurli ilugun oba indewerek asubagik nen, kagarigogi eti kagat, kinebe dombok kinobatnerogo kagako mondok dogusak warlok ambaligogi o. 12Kit kinaʼit weyak kagako dogusak, ninaʼit o. It akoni alep inendainggen Allah oba panggot diluk inaʼit agidek,
“Eberogonat waganugun,” yiluk ambasi laguka paga, Allah nen,
“Wokisagin,” yiluk abok yogisasike mende ebe wagangguka eti kagat, kit esigit dilugat, it inobabut waganogo kagako dogono o.
“Allah nen abok yogisiligogo mende dek arigogo dek,” yiluk yogisasike wene
13At Allah nen, Abraham yogoko dogolik,
“Kat yabunggane yigit diluk kagat kabigin,” yiluk abok yogoko dogolik,
14“Kat kebe panorogonat kagat kakik, kat kaʼburi endago mende mondok dogalegat wikak-wakakogo wokigik, kagasigin o,” (Kej. 22:16-17)
yiluk, ap ninat mende endaganggok degatma, Allah enggaerek endaga paga kumbuk mbalogo yogokike. 15Esigit diluk yogokikemo nen, Abraham akla mbuk agidek anggorlem mondok welagike eti paga, wene abok yogokike mende eti, arat ebeat agike o. 16Mende, it akoni nen inendaga kumbuk mbaluwogoluk kalok, inenggaerek inendaga erlok dek eti paga, inenggaerek inendaga paga kumbuk mbalkidek. It amberek inendaga werek, nggok mende inendaga paga kumbuk mbaligogi o. Esigit diluk mbalkonem, it amberek nen wene mbalko dogogun mende yomenogo inane dek arigogo o. 17Esigit diluk kagat larigogo eti kak, Allah nen,
“Akoni an nakla ambalok abok yogisiligogo mende, nane dagakogo yabunggane ninat mende omanggi yogisiligogo dek o,” yiluk, it wene abok yogisasike mende dombogat eberogonat ambawagaluk, kumbuk mbalogo yogisasike o. 18Wene kumbuk mbalogo yogisasike eti, nit Allah apma unggi wago mende ninakla nen,
“Panot ninabigin,” yiluk eberek werek mende ninendainggen kambukogo dogowagaluk nirat abok yoknisasike. Abok yoknisigik, kumbuk mbalkik, wene mbere yisike eti, nit nen
“Allah enggalat yiligogo mondok dek,” yiluk ninendainggen kambukogo dogowagaluk yoknisasike o.
19At nen,
“Panot kinabigin,” yiluk yisike eti dek asigin dek o.
“Ebeat asigin,” yiluk ambaligogi mende eti nggu soat agatma aʼbetogo wusa ʼbiluk werek eti kak, ninendainggen mbogot oba indikmongge ngganggok mbalek Allah werekma etoma kun diluk dikogo doguwok o. 20At Yesus nit ninake kolak yarik, o etoma unggisikesik ap Melkisedek Allah indewerek dogolik kagako lagike eti kak, mondok-mondok kagako dogogin mende Allah indewerek nggok agikesik werek o.
Currently Selected:
Ibrani 6: DNA
Highlight
Copy
Compare
Share
Want to have your highlights saved across all your devices? Sign up or sign in
Ibrani 6
6
1Eti paga, Kristus agoromi atluk kagako dogusak mende wene alebagik yanggul igogi etnogo mende yanggul kugu mende eti werek nggorlek, inarluwe atluk kagako dogusak mende yanggulko doguwok o. O andorli pano ʼbisinem ininggi abel dagaligogi dek eti kak, nit alep weyak kagako lagagu mende ʼbukalogo togot diyalok ninobabut kwalatluk ninendainggen Allah oba panggot disugu mende eti yabunggane abel dagaluwok dek o. 2Ima wusiligogi wene eti yanggulkik, inunggulowak sebeligogi wene eti yanggulkik, watlatlukmo Allah nen ninilugut ninabigin wene eti yanggulkik, ilugun oba wene ninoba ʼbigik nggokik kagakonem mondok-mondok dogogun wene eti yanggulkik, kagakugu mende eti, ninane abel dagakogo yabunggane yanggul uwok degat o. 3Allah nen pano ambasi kalok, yabunggane yanggul usak mende etiat yanggulik lago doguwok o. 4-6It akoni amberek, Allah nen inakla liyarinako nggorlek yi mende ndi mende induk walkalok pano mende waganigogi eti kak, Allah mbogot oba nen onggo dek werlegat woknisiligogo mende eti waganggik, Agurengge sumbut nisaligogo mende eti amberek waganggik, Allah wene eti pano mondok yiluk iniluat welagik, Allah obabut pano nen yabunggane obatnerogo pano mondok kagat ninabigin eti awan dogolik, yogondak ya yi mende ndi mende kimbiri dirlu niligogi kak, wogisasinem korligik, kagako dogoluk nenat ogwe, yabunggane it nen,
“Allah ninaʼit”, yiluk ane togot diyalok iniyogoba duki lalok dogolik, Yesus Allah aʼbut ebe o paga mendiluk wako dogolik inane aik dagok yogokuka eti kagat, yabunggane kagarigogi o. Esigit diluk mondok kagarik lago dogolik, yabunggane it nen,
“Nit weyak kagako,” yiluk inobabut kwaluwagaluk, iniyogoba ninggit diluk wogisek wisuʼbugat. Mondok erlok dek o.
7Allah nen kibitngge-yogongge o miyo agat oba wusa ʼbi wagonem, agat pano konde lagonem akoni nen yabu waganogo yi mende ndi mende ai yarigogi mende ebe pano nasinem, Allah nen,
“Agat eti pano,” yiluk panot diligogo o. 8Esigit diluk mende, agat eti yi ongga ndi ongga weyak mende inom, mumun arlok werek mende inom, dukiligogo kalok, Allah nen,
“Agat yi we yugunat wirlikogo werek eti weyak, naʼit,” yiluk alem ʼbiluk nen, yabunggane kali kundumo taʼbokogonat nigin o. 9Esigit diluk yigi mende, nagarlagi nirugi o. Kinebe kinaʼbuwa o. Allah nen weyagat kinabigin yiluk ninakla ambaligogi dek. At te, Allah nen kit alebat ndil kinakikesikmo panot kinabigin yiluk didiligogi o. 10At Allah obabut, nggorlo kagarigogo mende ʼbuk. At motogo arlek kagarigogo eti paga, kit at ake kagako dogolik kinagarlagi kinirugi Allah aʼburi mende amberek kinendainggen kunik nen alebagik yamagiyigik, yabunggane yamagiyigik, kagarigogi mende eti, at nen kit kinobarlikma asigin dek o. 11Nagarlagi nirugi o. Nit ninakla warlok, kit kinakla nen,
“Nit Allah nen panot ninabigin,” yiluk kinakla arlenggen kiligogi mende etiat kasi dogoluk, kurli ilugun oba indewerek asubagik nen, kagarigogi eti kagat, kinebe dombok kinobatnerogo kagako mondok dogusak warlok ambaligogi o. 12Kit kinaʼit weyak kagako dogusak, ninaʼit o. It akoni alep inendainggen Allah oba panggot diluk inaʼit agidek,
“Eberogonat waganugun,” yiluk ambasi laguka paga, Allah nen,
“Wokisagin,” yiluk abok yogisasike mende ebe wagangguka eti kagat, kit esigit dilugat, it inobabut waganogo kagako dogono o.
“Allah nen abok yogisiligogo mende dek arigogo dek,” yiluk yogisasike wene
13At Allah nen, Abraham yogoko dogolik,
“Kat yabunggane yigit diluk kagat kabigin,” yiluk abok yogoko dogolik,
14“Kat kebe panorogonat kagat kakik, kat kaʼburi endago mende mondok dogalegat wikak-wakakogo wokigik, kagasigin o,” (Kej. 22:16-17)
yiluk, ap ninat mende endaganggok degatma, Allah enggaerek endaga paga kumbuk mbalogo yogokike. 15Esigit diluk yogokikemo nen, Abraham akla mbuk agidek anggorlem mondok welagike eti paga, wene abok yogokike mende eti, arat ebeat agike o. 16Mende, it akoni nen inendaga kumbuk mbaluwogoluk kalok, inenggaerek inendaga erlok dek eti paga, inenggaerek inendaga paga kumbuk mbalkidek. It amberek inendaga werek, nggok mende inendaga paga kumbuk mbaligogi o. Esigit diluk mbalkonem, it amberek nen wene mbalko dogogun mende yomenogo inane dek arigogo o. 17Esigit diluk kagat larigogo eti kak, Allah nen,
“Akoni an nakla ambalok abok yogisiligogo mende, nane dagakogo yabunggane ninat mende omanggi yogisiligogo dek o,” yiluk, it wene abok yogisasike mende dombogat eberogonat ambawagaluk, kumbuk mbalogo yogisasike o. 18Wene kumbuk mbalogo yogisasike eti, nit Allah apma unggi wago mende ninakla nen,
“Panot ninabigin,” yiluk eberek werek mende ninendainggen kambukogo dogowagaluk nirat abok yoknisasike. Abok yoknisigik, kumbuk mbalkik, wene mbere yisike eti, nit nen
“Allah enggalat yiligogo mondok dek,” yiluk ninendainggen kambukogo dogowagaluk yoknisasike o.
19At nen,
“Panot kinabigin,” yiluk yisike eti dek asigin dek o.
“Ebeat asigin,” yiluk ambaligogi mende eti nggu soat agatma aʼbetogo wusa ʼbiluk werek eti kak, ninendainggen mbogot oba indikmongge ngganggok mbalek Allah werekma etoma kun diluk dikogo doguwok o. 20At Yesus nit ninake kolak yarik, o etoma unggisikesik ap Melkisedek Allah indewerek dogolik kagako lagike eti kak, mondok-mondok kagako dogogin mende Allah indewerek nggok agikesik werek o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in