Salmos 1
1
Alasna as rahm kidika
1Isning alasna ki al as
muih dudutni balna sumamalwa yakat usnit uiwas kidika,
kaput bik laih dutni yamyang balna tanina yakut kiwas kidika,
dawak Papang yakat sarahni yuyulwa balna pasyakat kawas kidika,
2kauna witing laih Dawan lani balna kidika dalani talwi,
dawak kidika yakat pukta madah kulwi.
3Kidika alni laih sihm pan as
was kung yakat dahna kapat ki,#Job 29:19; Jr 17:8.
mani kat witing minik balna kidika yakwi,
dawak basni balna bik kusuwas ki.
¡Di balna yamwa bitik kidika yamni manah kalahwi!
4Muih dudutni balna laih witingna yakat kaput kalahwas ki,
kauna sihm di kusulana kat wing dulauwi dukiwa kapat ki.#Job 21:18; Jr 13:24; Os 13:3; Sof 2:2.
5Kidika bahang muih dudutni balna laih la yamwarang pasyakat diski;
dawak bik dutni yamyang balna kidika muih yayamni balna pasyakat diski witingna dinina.
6Dawan laih muih yayamni balna tanina kidika maintalwi,
kauna muih dudutni balna tanina kidika daunin yakat kiwi.#Pro 4:18-19; Mt 7:13-14.
Currently Selected:
Salmos 1: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998