Salmos 2
2
Man laih yang walakibisman
1¿Papang karak kaltatalwas muihni balna kidika ais yamwi kiriyaklalauwih?
¿Amput dawak warknina balna kidika pini manah yayamwih?
2Sau kingni kabamintni balna kidika
witingna aslah kalpakwi
Dawan nining yakat yaklalauwi, witingna kingnina yakwi duduna yakat.#Ap.w 4:25-26.
3Dawak sarahwi yuyulwi:
“¡Witing sinni balna kidika yakmukdarang!
¡Maisitna kidika kaupak dakdi malahwarang!”
4Dawan, witing ma kau kisang yakat king kawa kidika
yaklauwi niningnakari;#Sal 59:8.
5Usnitkat, kalpulihwak, bilninalauwi;
kulnin daukalna parasni kau diyulwi:
6“Yang kingki laih uman yaktik dunayang, yang asangki maisihnidis, Sayan yakat.”
7Dawan witing di yamnin kulna balna kidika yulki ki:
witing yayulna: “Man laih yang walakibisman,
warmani yang mayakna yang.#Ap.w 13:33; Hib 1:5; 5:5.
8Yayultang kat makuh nisan balna kidika man dima atnin,
sau adika bitik bik man dima atnin,
dawak yang lawik mana awaki.
9Ayan kau king balna kidika īta dis yamma;#Rib 2:26-27; 12:5; 19:15.
¡sihm sau suba bahwa kapat bikisni bahna karang!”
10Sau kingni dawak kabamintni, manna amanglatanauh adika,
¡lankalnin dini adika yamni lan alahwanauh!
11-12Dawan ayangni nuhni yamtanauh alasna dawak rispik lani karak;
manayukwih witing muhni yakat abuktanauh,#2.11-12 Dawan ayangni nuhni...yakat abuktanauh: kaput wirlana kidika yamni kapat ki. Hibru kau laih amangladas ki.
witing kulnin daukalwarang kat
manna ta yakat dautanama,
kat witing kulnin daukalnin kidika īsi daukalwi.
¡Kulninnalak ki angdika muihni balna witing yakat ilp wawalwa kidika!
Currently Selected:
Salmos 2: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998