Lamentaciones 1
1
Kaidana tatuna kidika
1¡Ampat di dis kalnayah
tawan nuhni tanitmani kau laih muih manahbuhngdai kidika!
¡Yal tingmak kapat ki,
nisan balna tawannina nuhni dai kidika!
¡Wark parasni yakat ahawa kidika
king balna walaninabis yal dai kidika!
2Pukta yakat kakaidak dilamawi,
miniknawas kidika muhnina yakat kiri.
Saini balna bitik duwadai kidika
as bik kaiwi walaniāwaski.#Sal 69:20; Jr 9:17-19; 13:17.
Kaltalyang yamni balna duwadai kidikaalas kalyuyulna;
waihnila balna kakalna.#Jr 30:13,14.
3Wauhwa kidika minityakat wark bik parasni,
Judá bik wauhwi, sau ūk yakatlaihwi duwi uina kidika yulni.
Muhnilau laih tawan balna pasyakatking kawadai,
kaunah waralaih sip wingnita puhwas ki.
Uiwi aiwa balna dai kidikawaralaih uiwi kuihwi lalaihna
dawak sip-awas kalalahna.
4¡Sayan tani balna kidika ampat kulninbuknayah!
¡Muih as bik diski alasna yakatkiuna atnin!
Tawan nuhni dūrni balna kidikalaih diski ahni manah ki,
sumalyang balna kidika kakaidi,
wawahma kidik kulninna bukna,
dawak Jerusalén bik tapahlni duwi.#Is 3:26; Jr 14:2.
5Waihnila balna kidika yaklauwi tataihwi,
dawak niningkauh muihni balna kidikayamni bararakwi.
Kidika laih Dawan yaklauwi kalawakkulnin bukna,
dutni mahni yamna kidika yulni.
Walaninabis balna kidika laihwisau ūk yakat duwi uina
waihla balna yaklauwi.
6Sayan yaksihni dai kidika disna,
dawak nuhni yaksihndai kidika bik;
tanituna muihni balna kidika
sana kapat dibasta wawalwi;
kalnina murwi uiwi
di ihiwa balna tanitna yakat.
7Jerusalén laih isningkatwikidika mani balna dai yakat,
witing alas kulnin bukna kidika karak;
isningkatwi, ritsni balna manas duna dai kidika
ma bayakna balna dai yakat;
isningkatwi mampat waihnila tingni yakatbukna kidika
dawak muih as bik kaiwi ilp kalanakaiwasdai,
dawak waihnila balna kidika talwi
sarahni diyayamna dutni dibukna kidika yulni.
8Jerusalén kidika dutni mahni yamna
yamna balna kidika laih di dauh askalkulnin dini ki.#1.8 Di dauh as kalkulnin dini: kaput kapat ki y.y. maisihni (wainiku sikninis yulni). S.d. 17 yakat talah.
Muhnilau laih nuhni kalkulwadai;
kaunah waralaih minitdis dauh kalkukulwi,
kat witing wahnidis kidika kaltatalna bahang.
Kidika bahang kaidasakki,
yakasaldi dangbuh dawi.#Ez 16:35-37.
9Witing asnina kidika di dutnimaisihni manah buhngki;
witing yakat di kalkalahwarang kidikakulwasdai.
Bukwas atnin kapatdai kaunah bukna;
muih as bik diski walaniānin.
¡Talah Dawan, yang sau yakatbuktayang kidika
dawak waihla kidika laih witingmanah kapat kaldakawi!
10Waihla kidika kawi laihwi duna
Jerusalén ritsni balna kidika,#2 Re 24:13; 25:13-17.
Tawan nuhni kidika talnaPapang kukulwas balna yakat
dawak holi pāni yakat parasni palniuiwi kakana,
¡kidika muihni balna yakat paknaman,Papang,
kalududuhwa pāni yakat kanin awas!
11Kidika muihni balna bitik kakaidi,
kasnin dini wawalwi;
witingna ritsnina kidika wiririhnakasnin dini karak
witingna kaput sangka atnin.
¡Dawan talah dutni didis kalnayang kidika!
¡Dutni yakat buknayang kidika yakultah!
12¡Manna,#1.12 Manna: kaput kapat ulna ki. Hibru kau laih manna yakat laih awaski. ta munah yawamana kidika
watta kulta dakanauh
dalani sakpa yang dutayang kapat
yāyamwak kasak wauhtayang kidika!
¡Dawan yaklauwi yasihna, wauhtayang adika
witing kulnin daukalwakat!
13Dawan yaklauwi ruhmlakna makaupak
kuhpau as, yang wakalki balna kat busna;
yang bayaktayang tani yakatyalaihnin dini as lakna
dawak yayamwak nawattik dangsanayang;
yaruhmwi dana,
minit kaiwa balna bitik yakatwauhnin kidika yana.
14Yang dutki balna kidika Dawan talna;
witing palni tingni kau laihwi yasihna,
tikini ki, yang mikityakat,
sihm turuh arangni kau pan sitwa dini kapat:#1.14 Yang dutki balna...sitwa dini kapat: kaput kapat ulna ki grik kau ulna kidika. Hibru kau laih puksani.
¡paraski bitik dahnkalna!
Dawan yaklauwi muih tingnina yakat yahana
kidika niningyakat sip-awasyang.
15Dawan yaklauwi naikau ruhmwi yakna
kulninna dadasni balna bitiknakitdadakwadai kidika.
Kalbauyang muihni balna kidikanikingyakat sihna yakalbauna atnin,
ahal kulninna dadasni dutayang kidikaimuknin.
¡Dawan yaklauwi taihwi sikitnaJudá wawahnima balna kidika,
wain minik taihwi sikitwiwasni yayakwa kapat!#Is 63:3; Jl 3:13; Rib 14:20; 19:15.
16Adika dini balna yayamwak aidayang.
Mikwas kidika buhngki, mikpa yakat,
muih as bik disyang walakiānin,
dawak wingkita yanin bik muih diski.
Walakibis balna kidika bahwidisdana balna pasyakat ki,
kat waihla kauh sip-daiyang karak dawakat.
17Sayan kidika sau kat bukwitingni yu dawi,
kaunah muih as bik diski walaniānin.
Dawan yaklauwi pakna Jacob kidika
waihnila balna yaklauwi kal-awaihdaknin;
Jerusalén kidika laih witingnaniningna yakat
di dauh kaltalnin as ki.
18Dawan laih yamnin dini kidika yamna,
kat witing lāni niningkauh lawanayang bahang.
¡Yadakanauh, tawan bitik mana kidika;
dalani wauhtayang kidika talnauh!
¡Wawahkima, sirarauki balna kidika
laihwi duwi uina warau lani yakat!
19Ilp yulnayang saiki balna yakat,
kaunah witingna dutni yayayamna.
Sumalkiyang, dawak muihkibararak balna kidika
dadauna, tawan nuhni yakat:
¡kasnin dini walwabangdai
sangka atnin yulni!
20¡Dawan talah, aidayang kidika!
¡Paski kidika tutwa kapat kaldakayang!
Dalani kidika putki minik yakat taihwi
kulnik anyang dunayang dai kidikakultingkat.
Ahni yakat walakibis balna kidikaisparah yaklauwi iwi,
dawak pas-akat bik daunin kidika sakki.#Jr 4:19; 9:21.
21Muih dakakawi aidayang kidika,
kaunah muih diski walakiānin.
Waihkila balna kidika bitik
amanglalawi dutni wauhtayang kidika,
dawak alasna dakakawi man lawayamnaman kidika.
¡Yamtayang kaiwang, ma balnakaiwarangti yulnaman kidika,
dawak witingna yakat bik kiwang
yang akat kaina kapat!
22Yamtang kat muhma yakat kiwang
dutni yayamna balna bitik kidika;
dutni yayamna balna kidika diwistah,
yang kau yayamnaman kaput,
aidayang kidika laih nuhni palni ki;
¡putki minik kidika siknis duwi!
Currently Selected:
Lamentaciones 1: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998