Roman 9
9
Papang yaklauwi Israel kidikawalwi yakna
1Krais yakat kulyang yang bahang, di rahm kidika yultayang, alas yultasyang. Kidika minityakat, yang kulnik kidika Spirit Holi yaklauwi tanituna kawi kiwi, bahang kidika laih rahmki: 2kulnik bukna nuhni dutayang, dawak ising yakat bik dalani nuhni dutayang ban tanit yakat, 3yang silp bik la tuhna dinit yakat atnik kultayang, Krais kaupak naikau atnik, kaput wirah balna ilpnina yamnik, yang nikisan palni kidika. 4Kidika laih Israel sulani balna, bahang Papang yaklauwi witing walanibis balna kapat duna.#Ex 4:22. Papang witingna pasyakat dai alasnina yaksihni munah, dawak aslah kalahna pranimis kidika diana, Moses lāni, prias yamnin dawak pramis balna bik. 5Kidika laih mamuihkibararak balna sulanina; dawak ninisan bik, muihni nuhni niningyakat, Mesías kaina, kidika laih di bitik minit yakat Papang, ayangni nuhni yamna kidika ban karang.#9.5 Mesías kaina...ban karang: satuk wirlanin sipki: Mesías kaina. Papang laih di bitik minityakat kidika, ban kaput ayangni nuhni yamna karang. Amén.
6Kauna Papang pranimis kidika Israel niningyakat parasni dis laih awaski; baisa lāih kidika laih Israel sulani balna bitik kidika laih rahm Israel tawanni awaski. 7Abraham sulani balna bitik kidika, rahm witing sulani balna awaski, nawatkauh laih Papang kalyulna: “Man sulama balna kidika Isaac munah kaiwarang.”#Gn 21:12. 8Adika lāih manikingkawi, muih as bik Papang walanibis awaski, ninisan kidika yulni; nawatkauh laih, angdika muihni Papang pramis yamna yakat yamwa kidika laih witing sulani balna kulna ki. 9Kat kidika kuduh Papang pramis yamna dai kidika Abraham yakat: “Adika mani balna akat nawattik aiwaki, dawak Sara laih walanibis as duwakarang.”#Gn 18:10.
10Kauna kidika bitik laih awaski. Rebeca walanibis ahal bu dai kidika, sihm papang aslah dai, mayang mamuihkibarak Isaac dai kidika, 11-13dawak witingna tanitna kau batatahnna, di as bik yayamwasdai kidika tanitkauh, yamni bik dawak dutni bik, Papang yaklauwi Rebeca yakat kalyulna: “Barakni kidika yaklauwi wanaihni bin yakat dini yamyang karang.”#Gn 25:23. Dawak Ulna yakat bik sihm kaput kiwa kidika: “Jacob yakat dalani talnayang, dawak Esaú yakat laih yamni talasyang.”#Mal 1:2-3. Kaput laih Papang witing yaklauwi walwi yakwa kidika rahmni duna, witing ais yamnin kulna yakat, witing yaklauwi diyulwak uinin kidika, ais yayamna balna kidika laih laihwi talwas ki.
14¿Kidika bahang yuldarangyah Papang laih lā kat yamwaski? ¡Kaput awaski! 15Kat Papang yaklauwi Moses yakat kalyulna: “Yang wais yakat minikun kaltalnik kidika kaltalki ki dawak dalani kaltalnik bik kaltalki ki, amput dukih yawa yakat.”#Ex 33:19. 16Kaput bahang, muih al yaklauwi dukih kalawa kaput walnin laih awaski, kaunah Papang minikun talnin duwa kidika kat. 17Kat Ulna yakat Papang yaklauwi Egipto kingni yakat kalyulna: “King mahanayang kidika laih man yakat paraski kidika namangkana atnik, dawak kaput bik sau bitik amangkilana atnin.”#Ex 9:16. 18Kaput bahang Papang yaklauwi wais yakat minikun talnin kulwa kidika kaput yamwi, kaput bik laih angdika muihni yakat kulnin dadasni kalanin kulwa kidika kalawi.
19Kaunah yayulma: “Kaput kat, ¿ais yulni Papang yaklauwi muih al yakat pāt āwarangyah, muih as bik witing kulnin niningkauh yaklauwas kat?” 20Dawak man, al, ¿man kidika waismahn Papang lani yamnam? ¿Sau suba kidika yaklauwi kalyulwarangkatpah kalyamna muihni yakat: “Ais yamta aput yayamnamahn?”#Is 29:16; 45:9. 21Sau kau duwi di yamyang kidika laih, witing amput yamnin kulwa kidika yamwi,#Jr 18:4-6. sihm kidika sauni kau suba yamnin sipki di tanit yamni kidika yusyamnin, dawak kaput bik suba ūk yamnin bik sipki, di satni balna yusyamnin kidika subani kau.
22Papang, witing laih wah dianin satni as niningna kanin kulwi, dawak parasni nuhni kidika bik niningna kanin, kulnin laihwatna dai, kidika balna wah dunin dai kaunah wah diawas dai kidika yulni, dawak disnin yakat uiwadai kidika. 23Sihm kidika mani balna yakat mayang akat lāih kalahnin yamna witing alasnina yaksihni nuhni kidika, kat mamikun maitalna, dawak baisa tanit kauh ridi yamna kidika yakat mayang bik duna atnin. 24Kaput bahang Papang maiyulna kiuna atnin, ju balna paskaupak dawak ju awas balna paskaupak bik. 25Oseas wauhnitaya yakat yulwa kaput:
“Yang tawanki awas balna dai kidika,
diyulki yang tawanki;
dalani ditatalwas balna dai kidika,
kalyulki yang dalani kaltalayang.#Os 2:23.
26Sihm kidika kalyulna
pāni yakat: ‘Manna laih yang tawanki awasmana’,
mana yuyulna karang Papang sangka kidika walanibis balna mana.”#Os 1:10.
27Israel bala kidika laih, Isaías yulna: “Israel sulani balna kidika mahni karang sihm kuma kauhnimak kapat, kaunah kidika paskauyak bulah laih laihwi yaknin kidika duduwarang, 28kat sirihni Papang yulna yakat yamwarang sau bitik yakat.”#Is 10:22-23. 29Sihm Isaías witing tanit mani kau yulna dai kaput:
“Dawan parasni nuhni duwa kidika masulaki mayawasdai kat,
warminitni Sodoma dawak Gomorra dai kapat mawarang.”#Is 1:9.
Ju balna dawak yul yamni wisam kidika karak
30¿Ais yuldarangyah adika dini? Kat kasak kulnin munah, Papang yaklauwi lā kat dikulna ki, ju awas balna kidika yakat, witingna lā kat kidika wawalwasdai kaunah. 31Kaput kauna, Israel balna laih lā munah lā kat atnin kidika yayamna. Kaunah sip laihwas dadana. 32¿Ampadawak? Kat kasak kulnin kidika duduwas bahang, kaunah witingna yayamwa yakat kukulwa bahang. Kidika bahang “kalnina babauwa kinipala” yakat kalnina babauna 33Ulna yakat ais yulwih:
“Sayan yakat kipala as ātayang,
kidika kinipala yakat kalnina babauwarang;
wais kat kidika yakat kulwarang,
alas kalyulna kapat laih watwas karang.”#Is 28:16.
Currently Selected:
Roman 9: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 9
9
Papang yaklauwi Israel kidikawalwi yakna
1Krais yakat kulyang yang bahang, di rahm kidika yultayang, alas yultasyang. Kidika minityakat, yang kulnik kidika Spirit Holi yaklauwi tanituna kawi kiwi, bahang kidika laih rahmki: 2kulnik bukna nuhni dutayang, dawak ising yakat bik dalani nuhni dutayang ban tanit yakat, 3yang silp bik la tuhna dinit yakat atnik kultayang, Krais kaupak naikau atnik, kaput wirah balna ilpnina yamnik, yang nikisan palni kidika. 4Kidika laih Israel sulani balna, bahang Papang yaklauwi witing walanibis balna kapat duna.#Ex 4:22. Papang witingna pasyakat dai alasnina yaksihni munah, dawak aslah kalahna pranimis kidika diana, Moses lāni, prias yamnin dawak pramis balna bik. 5Kidika laih mamuihkibararak balna sulanina; dawak ninisan bik, muihni nuhni niningyakat, Mesías kaina, kidika laih di bitik minit yakat Papang, ayangni nuhni yamna kidika ban karang.#9.5 Mesías kaina...ban karang: satuk wirlanin sipki: Mesías kaina. Papang laih di bitik minityakat kidika, ban kaput ayangni nuhni yamna karang. Amén.
6Kauna Papang pranimis kidika Israel niningyakat parasni dis laih awaski; baisa lāih kidika laih Israel sulani balna bitik kidika laih rahm Israel tawanni awaski. 7Abraham sulani balna bitik kidika, rahm witing sulani balna awaski, nawatkauh laih Papang kalyulna: “Man sulama balna kidika Isaac munah kaiwarang.”#Gn 21:12. 8Adika lāih manikingkawi, muih as bik Papang walanibis awaski, ninisan kidika yulni; nawatkauh laih, angdika muihni Papang pramis yamna yakat yamwa kidika laih witing sulani balna kulna ki. 9Kat kidika kuduh Papang pramis yamna dai kidika Abraham yakat: “Adika mani balna akat nawattik aiwaki, dawak Sara laih walanibis as duwakarang.”#Gn 18:10.
10Kauna kidika bitik laih awaski. Rebeca walanibis ahal bu dai kidika, sihm papang aslah dai, mayang mamuihkibarak Isaac dai kidika, 11-13dawak witingna tanitna kau batatahnna, di as bik yayamwasdai kidika tanitkauh, yamni bik dawak dutni bik, Papang yaklauwi Rebeca yakat kalyulna: “Barakni kidika yaklauwi wanaihni bin yakat dini yamyang karang.”#Gn 25:23. Dawak Ulna yakat bik sihm kaput kiwa kidika: “Jacob yakat dalani talnayang, dawak Esaú yakat laih yamni talasyang.”#Mal 1:2-3. Kaput laih Papang witing yaklauwi walwi yakwa kidika rahmni duna, witing ais yamnin kulna yakat, witing yaklauwi diyulwak uinin kidika, ais yayamna balna kidika laih laihwi talwas ki.
14¿Kidika bahang yuldarangyah Papang laih lā kat yamwaski? ¡Kaput awaski! 15Kat Papang yaklauwi Moses yakat kalyulna: “Yang wais yakat minikun kaltalnik kidika kaltalki ki dawak dalani kaltalnik bik kaltalki ki, amput dukih yawa yakat.”#Ex 33:19. 16Kaput bahang, muih al yaklauwi dukih kalawa kaput walnin laih awaski, kaunah Papang minikun talnin duwa kidika kat. 17Kat Ulna yakat Papang yaklauwi Egipto kingni yakat kalyulna: “King mahanayang kidika laih man yakat paraski kidika namangkana atnik, dawak kaput bik sau bitik amangkilana atnin.”#Ex 9:16. 18Kaput bahang Papang yaklauwi wais yakat minikun talnin kulwa kidika kaput yamwi, kaput bik laih angdika muihni yakat kulnin dadasni kalanin kulwa kidika kalawi.
19Kaunah yayulma: “Kaput kat, ¿ais yulni Papang yaklauwi muih al yakat pāt āwarangyah, muih as bik witing kulnin niningkauh yaklauwas kat?” 20Dawak man, al, ¿man kidika waismahn Papang lani yamnam? ¿Sau suba kidika yaklauwi kalyulwarangkatpah kalyamna muihni yakat: “Ais yamta aput yayamnamahn?”#Is 29:16; 45:9. 21Sau kau duwi di yamyang kidika laih, witing amput yamnin kulwa kidika yamwi,#Jr 18:4-6. sihm kidika sauni kau suba yamnin sipki di tanit yamni kidika yusyamnin, dawak kaput bik suba ūk yamnin bik sipki, di satni balna yusyamnin kidika subani kau.
22Papang, witing laih wah dianin satni as niningna kanin kulwi, dawak parasni nuhni kidika bik niningna kanin, kulnin laihwatna dai, kidika balna wah dunin dai kaunah wah diawas dai kidika yulni, dawak disnin yakat uiwadai kidika. 23Sihm kidika mani balna yakat mayang akat lāih kalahnin yamna witing alasnina yaksihni nuhni kidika, kat mamikun maitalna, dawak baisa tanit kauh ridi yamna kidika yakat mayang bik duna atnin. 24Kaput bahang Papang maiyulna kiuna atnin, ju balna paskaupak dawak ju awas balna paskaupak bik. 25Oseas wauhnitaya yakat yulwa kaput:
“Yang tawanki awas balna dai kidika,
diyulki yang tawanki;
dalani ditatalwas balna dai kidika,
kalyulki yang dalani kaltalayang.#Os 2:23.
26Sihm kidika kalyulna
pāni yakat: ‘Manna laih yang tawanki awasmana’,
mana yuyulna karang Papang sangka kidika walanibis balna mana.”#Os 1:10.
27Israel bala kidika laih, Isaías yulna: “Israel sulani balna kidika mahni karang sihm kuma kauhnimak kapat, kaunah kidika paskauyak bulah laih laihwi yaknin kidika duduwarang, 28kat sirihni Papang yulna yakat yamwarang sau bitik yakat.”#Is 10:22-23. 29Sihm Isaías witing tanit mani kau yulna dai kaput:
“Dawan parasni nuhni duwa kidika masulaki mayawasdai kat,
warminitni Sodoma dawak Gomorra dai kapat mawarang.”#Is 1:9.
Ju balna dawak yul yamni wisam kidika karak
30¿Ais yuldarangyah adika dini? Kat kasak kulnin munah, Papang yaklauwi lā kat dikulna ki, ju awas balna kidika yakat, witingna lā kat kidika wawalwasdai kaunah. 31Kaput kauna, Israel balna laih lā munah lā kat atnin kidika yayamna. Kaunah sip laihwas dadana. 32¿Ampadawak? Kat kasak kulnin kidika duduwas bahang, kaunah witingna yayamwa yakat kukulwa bahang. Kidika bahang “kalnina babauwa kinipala” yakat kalnina babauna 33Ulna yakat ais yulwih:
“Sayan yakat kipala as ātayang,
kidika kinipala yakat kalnina babauwarang;
wais kat kidika yakat kulwarang,
alas kalyulna kapat laih watwas karang.”#Is 28:16.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998