Roman 8
8
Sangnika kidika Papang Spiritni kaput atnin
1Kaput bahang, daunin yakat as bik wirlawaski Jisaskrais karak aslah balna kidika,#8.1 Tingkau ulna balna kidika minitkau lakwi: muihni nuhni dukih kalawa kaput yalahwas kidika, kaunah spirit karak yalahwa kidika. 2kat lā spiritni kidika Krais Jisas yakat sangnika kalawi, dawak dutni lāni, daunin kidika balna kaupak malaihwi yakna. 3Kat Papang yamna, Moses lāni balna pasyakat di balna sip yamwasdai kidika, kat sip-awas dai bahang yamnin muih balna uba yudutni kaldakakawa yulni: Papang witing walanibis palni sihna, muih al yudutni sip-awas, dutni manah yamwa kapat, dawak dutni kidika yulni sakripais yamnin, kaput laih dutni kidika daunin yakat wirlanin, sihm kidika yudutni munah. 4Kaput yamna, mayang adika lā yulwa yakat yamna atnin yulni, kat mamuihki yudutni yakat mayalahdas bahang, kaunah mayalahdi Spirit karak.
5Muihni yudutni karak yalalahwa balna kidika laih, usnit uinin kidika manah kukulwi witingna, kaunah spirit karak yalalahwa balna kidika laih, spirit dini kidika kulwi kalbabauwi. 6Muihni nuhni dini yakat manah kulwi kalbabauwa muihni balna kidika laih daunin yakat diduwi kiwi; kaunah spirit dini yakat kulwi kalbabauwa kidika balna laih sangka ban atnin yakat duwi kiwi dawak kulnin aslah bik. 7Muihni nuhni yudutni kidika yakat manah usnit uhuiwa muihni balna kidika laih Papang waihnila balna, kat sip-awas bahang witing lāni yakat kulnin dawak bik yamnin. 8Kaput bahang, muihni nuhni yudutni yakat uiwa balna kidika laih, Papang dukih kalawa kidika yayamwas ki.
9Kaunah manna laih kaput yalahtasmana, Spirit amput kidika kaput mana, kat Papang spiritni kidika laih manna karak ki. Krais spiritni dis muihni kidika laih krais dini awaski. 10Kaunah Krais manna yakat yalahwakat, spirit kidika yalahwi#8.10 Spirit kidika yalahwi: satuk wirlanin sipki: Spirit kidika laih sangka ki man yakat. man kat Papang yaklauwi lā kat muihni manayamna bahang, muihni nuhni kidika daunin yakat lakna karang bik, dutni kidika yulni. 11Dawak Jisas dauna kaupak dulauna spiritni kidika manna karak yalahwakat, sihm kidika spiritni manna muihmana nuhni daukalnin yamna kidika sangnika kalana karang, Papang Spiritni manna yakat yalahwa bahang.#1 Kor 3:16.
12Kaput bahang, wirah balna, mayang di yamni as dudi, kaunah mamuihki nuhni yudutni dukih kalawa kaput laih yalahnin awaski. 13Kat manna kidika kaput yalahtanama kat, dautanama, kaunah spirit munah kalatanang dauwarang kat manna muihmana yakat sakkidika, sangka awanama.
14Kidika balna bitik Papang spiritni yaklauwi didukiwa balna kidika laih, Papang walanibis balna. 15Kat manna dunamana kidika laih spirit as muih diniyamyang atnin spiritni awaski, watwi yamadunin yakat manaduwi kiunin, nawatkauh laih kidika spiritni yaklauwi manayamwi Papang walanibis atnin. Kat kidika spiritni munah Papang yakat mawi, dawak yuldi: “¡Abba! ¡Papang!”#Mk 14:36; Gal 4:6. 16Sihm kidika spiritni, mayang maspiritki karak libitwi witnis yulna atnin mayang laih uman Papang walanibis mayang. 17Kat mayang laih witing walanibis mayang, bahang Papang di mayanin yamna sakkidika dudarangki,#Gal 4:5-7. bahang kidika laih Krais karak dudarang ki, kat wauhdarang bahang witing karak, kaput laih witing karak alasnina yaksihni yakat mahawarang.
Alasnina yaksihni kaiwarang kidika
18Kultayang, warmani wauhda balna adika di dauhki, adika usnit kat alasnina yaksihni taldarang kidika karak dawakat. 19Di yamna balna adika bitik tahahawi talna atnin, kidika minitni yakat lāih kalahwarang kidika mayang Papang walanibis mayang kidika. 20Kat di yamna balna kidik ais kulnin kau yamna dai kidika laih disna, kauna alas kulnin lani laih awaski, kaunah Papang kaput yamna bahang;#Gn 3:17-19. kaunah tahanin kidika laih ban watna dai 21muih dini yamnin dawak daukalnin kaupak bik laihwi yakna kidika laih, Papang walanibis balna alasnina yaksihni kidika laihnin yulni. 22Amangladi, warmani kat di yamna balna kidika kaidi, muih yal as muihbin dunin dalani wauhwa kapat. 23Witing kidika manah laih wauhwas ki, kaunah mayang bik, kat tanitkauh spiritni kidika mayana bahang mayang dudarang kidika. Kasak palni wauhdi, bahang tahadi Papang walanibis kapat maiduwarang mani kidik, kidika karak mamuihki adik laihwi yakna karang.#2 Kor 5:2-4. 24Kidika tahanin karak mailaihwi yakna. Tahanin manah kat, mayang talda kidika laih tahanin as bik dis kapat ki, kat, ¿wais tahawi uman talwa balna kidika? 25Kaunah tahada kidika laih baisa taldas kat, baisa tahanin ki wauhda pasyakat.
26Sihm kaput bik, spirit kidika ilp mayawi, sip awas malahwa yakat. Kat mamikit bik yuldi amangladas bahang, kaunah sihm spiritni kidika mayang mayulki yulwi Papang yakat, yulni yulwa kidika laih sip yul kau yuldaski. 27Papang, witing muih kulninna talwa kidika, amanglawi spirit ais yulwa kidika, Papang kulnin dukih yakat, tawanni holi kidika munah.
Minit bayaknin kapat tanit
28Amangladi Papang yaklauwi di bitik diawi, witing yakat dalani tatalwa balna kidika yamni atnin yulni, kidika balna kuduh witing ais yulni yulwak uina balna kidika yayamwi. 29Baisa tanit kau Papang yaklauwi kidika balna yakat amangninalana dai kidika, tatuna kaupak witing walanibis balna kapat#2 Kor 3:18; Gal 4:19; Fil 3:10. yakna, kaput laih witing walanibis kidika tatuna atnin wirah balna mahni pasyakat. 30Dawak tatuna kaupak Papang yakna dai kidika; kidika balna yakat bik diyulna uina atnin; dawak witing yakat uinin diyulna balna kidika laih lā muihni balna dikulna, kaput bahang alasnina yaksihni yakat bik diana.
31¿Baisa ais mayang yuldarang yah? ¡Papang laih mayang mailpki ki, muih as bik sip manikingkauh yaklauwas ki! 32Papang witing walanibis palni pulihwasdai mayang yakat, nawatkauh laih mayang bitik mayulki daunin yakat āna dai, ¿amput mayawas karangyah, witing walanibis karak mailibitwi, di balna kidika bitik? 33¿Papang walwi yakna muihni balna wais yulnina yakwarangyah? Papang witing yaklauwi lā kat dikulna ki. 34¿Wais sipyah daunin yakat wirlanin? Krais Jisas kuduh dauna kidika; baisa minityakat, witing kuduh dauna kaupak yaklauna kidika, dawak Papang tingnipal yakat sakki, mayang mailpki yulwa. 35¿Krais kulnin dalani kaupak wais maidakwi yakwarangyah? ¿Wauhnin kidika, trabil balna, dangnit yakat uiwi kiwa kidika, yuh, asna dis, yamadangni, kidika awaskat daunin? 36Ulna yakat yulwa kaput:
“Man yulma, daunin yakat yangna;
sīp as īnin pāni yakat duwi kiunin kapat yanayayamwi.”#Sal 44:22.
37Kaunah kidika bitik yakat minit bayakyang balna tanit mayang, kidika witing dalani maitalwa munah. 38Yamni amanglatayang di as bik maidakyakwas karang ki Papang dalani kidika kaupak: daunin, sangka atnin, insal balna, parasni duyang balna, spirit balna parasnina, warmani balna, dawak matakitkau kaiwarang balna kidika bik, 39maluihni kau, tuhni kau, Papang yaklauwi di ūk ūk balna yamna kidika bik awas. ¡Papang kulnin dalani, Madakiwan Jisaskrais munah manikingkana kidika di as bik yaklauwi maidakyakwas karangki!
Currently Selected:
Roman 8: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 8
8
Sangnika kidika Papang Spiritni kaput atnin
1Kaput bahang, daunin yakat as bik wirlawaski Jisaskrais karak aslah balna kidika,#8.1 Tingkau ulna balna kidika minitkau lakwi: muihni nuhni dukih kalawa kaput yalahwas kidika, kaunah spirit karak yalahwa kidika. 2kat lā spiritni kidika Krais Jisas yakat sangnika kalawi, dawak dutni lāni, daunin kidika balna kaupak malaihwi yakna. 3Kat Papang yamna, Moses lāni balna pasyakat di balna sip yamwasdai kidika, kat sip-awas dai bahang yamnin muih balna uba yudutni kaldakakawa yulni: Papang witing walanibis palni sihna, muih al yudutni sip-awas, dutni manah yamwa kapat, dawak dutni kidika yulni sakripais yamnin, kaput laih dutni kidika daunin yakat wirlanin, sihm kidika yudutni munah. 4Kaput yamna, mayang adika lā yulwa yakat yamna atnin yulni, kat mamuihki yudutni yakat mayalahdas bahang, kaunah mayalahdi Spirit karak.
5Muihni yudutni karak yalalahwa balna kidika laih, usnit uinin kidika manah kukulwi witingna, kaunah spirit karak yalalahwa balna kidika laih, spirit dini kidika kulwi kalbabauwi. 6Muihni nuhni dini yakat manah kulwi kalbabauwa muihni balna kidika laih daunin yakat diduwi kiwi; kaunah spirit dini yakat kulwi kalbabauwa kidika balna laih sangka ban atnin yakat duwi kiwi dawak kulnin aslah bik. 7Muihni nuhni yudutni kidika yakat manah usnit uhuiwa muihni balna kidika laih Papang waihnila balna, kat sip-awas bahang witing lāni yakat kulnin dawak bik yamnin. 8Kaput bahang, muihni nuhni yudutni yakat uiwa balna kidika laih, Papang dukih kalawa kidika yayamwas ki.
9Kaunah manna laih kaput yalahtasmana, Spirit amput kidika kaput mana, kat Papang spiritni kidika laih manna karak ki. Krais spiritni dis muihni kidika laih krais dini awaski. 10Kaunah Krais manna yakat yalahwakat, spirit kidika yalahwi#8.10 Spirit kidika yalahwi: satuk wirlanin sipki: Spirit kidika laih sangka ki man yakat. man kat Papang yaklauwi lā kat muihni manayamna bahang, muihni nuhni kidika daunin yakat lakna karang bik, dutni kidika yulni. 11Dawak Jisas dauna kaupak dulauna spiritni kidika manna karak yalahwakat, sihm kidika spiritni manna muihmana nuhni daukalnin yamna kidika sangnika kalana karang, Papang Spiritni manna yakat yalahwa bahang.#1 Kor 3:16.
12Kaput bahang, wirah balna, mayang di yamni as dudi, kaunah mamuihki nuhni yudutni dukih kalawa kaput laih yalahnin awaski. 13Kat manna kidika kaput yalahtanama kat, dautanama, kaunah spirit munah kalatanang dauwarang kat manna muihmana yakat sakkidika, sangka awanama.
14Kidika balna bitik Papang spiritni yaklauwi didukiwa balna kidika laih, Papang walanibis balna. 15Kat manna dunamana kidika laih spirit as muih diniyamyang atnin spiritni awaski, watwi yamadunin yakat manaduwi kiunin, nawatkauh laih kidika spiritni yaklauwi manayamwi Papang walanibis atnin. Kat kidika spiritni munah Papang yakat mawi, dawak yuldi: “¡Abba! ¡Papang!”#Mk 14:36; Gal 4:6. 16Sihm kidika spiritni, mayang maspiritki karak libitwi witnis yulna atnin mayang laih uman Papang walanibis mayang. 17Kat mayang laih witing walanibis mayang, bahang Papang di mayanin yamna sakkidika dudarangki,#Gal 4:5-7. bahang kidika laih Krais karak dudarang ki, kat wauhdarang bahang witing karak, kaput laih witing karak alasnina yaksihni yakat mahawarang.
Alasnina yaksihni kaiwarang kidika
18Kultayang, warmani wauhda balna adika di dauhki, adika usnit kat alasnina yaksihni taldarang kidika karak dawakat. 19Di yamna balna adika bitik tahahawi talna atnin, kidika minitni yakat lāih kalahwarang kidika mayang Papang walanibis mayang kidika. 20Kat di yamna balna kidik ais kulnin kau yamna dai kidika laih disna, kauna alas kulnin lani laih awaski, kaunah Papang kaput yamna bahang;#Gn 3:17-19. kaunah tahanin kidika laih ban watna dai 21muih dini yamnin dawak daukalnin kaupak bik laihwi yakna kidika laih, Papang walanibis balna alasnina yaksihni kidika laihnin yulni. 22Amangladi, warmani kat di yamna balna kidika kaidi, muih yal as muihbin dunin dalani wauhwa kapat. 23Witing kidika manah laih wauhwas ki, kaunah mayang bik, kat tanitkauh spiritni kidika mayana bahang mayang dudarang kidika. Kasak palni wauhdi, bahang tahadi Papang walanibis kapat maiduwarang mani kidik, kidika karak mamuihki adik laihwi yakna karang.#2 Kor 5:2-4. 24Kidika tahanin karak mailaihwi yakna. Tahanin manah kat, mayang talda kidika laih tahanin as bik dis kapat ki, kat, ¿wais tahawi uman talwa balna kidika? 25Kaunah tahada kidika laih baisa taldas kat, baisa tahanin ki wauhda pasyakat.
26Sihm kaput bik, spirit kidika ilp mayawi, sip awas malahwa yakat. Kat mamikit bik yuldi amangladas bahang, kaunah sihm spiritni kidika mayang mayulki yulwi Papang yakat, yulni yulwa kidika laih sip yul kau yuldaski. 27Papang, witing muih kulninna talwa kidika, amanglawi spirit ais yulwa kidika, Papang kulnin dukih yakat, tawanni holi kidika munah.
Minit bayaknin kapat tanit
28Amangladi Papang yaklauwi di bitik diawi, witing yakat dalani tatalwa balna kidika yamni atnin yulni, kidika balna kuduh witing ais yulni yulwak uina balna kidika yayamwi. 29Baisa tanit kau Papang yaklauwi kidika balna yakat amangninalana dai kidika, tatuna kaupak witing walanibis balna kapat#2 Kor 3:18; Gal 4:19; Fil 3:10. yakna, kaput laih witing walanibis kidika tatuna atnin wirah balna mahni pasyakat. 30Dawak tatuna kaupak Papang yakna dai kidika; kidika balna yakat bik diyulna uina atnin; dawak witing yakat uinin diyulna balna kidika laih lā muihni balna dikulna, kaput bahang alasnina yaksihni yakat bik diana.
31¿Baisa ais mayang yuldarang yah? ¡Papang laih mayang mailpki ki, muih as bik sip manikingkauh yaklauwas ki! 32Papang witing walanibis palni pulihwasdai mayang yakat, nawatkauh laih mayang bitik mayulki daunin yakat āna dai, ¿amput mayawas karangyah, witing walanibis karak mailibitwi, di balna kidika bitik? 33¿Papang walwi yakna muihni balna wais yulnina yakwarangyah? Papang witing yaklauwi lā kat dikulna ki. 34¿Wais sipyah daunin yakat wirlanin? Krais Jisas kuduh dauna kidika; baisa minityakat, witing kuduh dauna kaupak yaklauna kidika, dawak Papang tingnipal yakat sakki, mayang mailpki yulwa. 35¿Krais kulnin dalani kaupak wais maidakwi yakwarangyah? ¿Wauhnin kidika, trabil balna, dangnit yakat uiwi kiwa kidika, yuh, asna dis, yamadangni, kidika awaskat daunin? 36Ulna yakat yulwa kaput:
“Man yulma, daunin yakat yangna;
sīp as īnin pāni yakat duwi kiunin kapat yanayayamwi.”#Sal 44:22.
37Kaunah kidika bitik yakat minit bayakyang balna tanit mayang, kidika witing dalani maitalwa munah. 38Yamni amanglatayang di as bik maidakyakwas karang ki Papang dalani kidika kaupak: daunin, sangka atnin, insal balna, parasni duyang balna, spirit balna parasnina, warmani balna, dawak matakitkau kaiwarang balna kidika bik, 39maluihni kau, tuhni kau, Papang yaklauwi di ūk ūk balna yamna kidika bik awas. ¡Papang kulnin dalani, Madakiwan Jisaskrais munah manikingkana kidika di as bik yaklauwi maidakyakwas karangki!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998