Roman 10
10
1Wirah balna, dukih yāwak mikityultayang kidika Papang yakat Israel balna yulnina, kidika laih laihwi yaknin kidika witingna duna atnin. 2Witingna ilpnina yulnik sipki, kidika laih Papang dini yamnin dukih diawi; kat kidika dukih diawa kidika laih rahm kasak amanglana kidika munah awas bahang. 3Kat witingna amanglalawas ki Papang yaklauwi muih al yakat lā kat kapat kalyamwa kidika, kaunah witingna laih alas lā kat atnin kidika yayamwi; kaunah Papang laih kaput yamwaski mayang lā kat atnin kidika. 4Kat lā kidika laih kiwi watna ki Krais yakat, kaput bahang kasak kulnin kidika kau sipmayang lā kat kalnin kidika.
5Lā kidika munah, lā kat atnin kat, Moses adika ulna: “Angdika muihni Lā kat yamwa kidika, witing laih kidika munah sangka karang.”#Lv 18:5. 6Kauna lā kat atnin kidika kasak kulnin munah karang kat, aput yulwi: “Kulwinih: ‘¿Wais makau kisang yakat kilwarangyah?’ —adika laih, Krais kidika sau yakat yaklaknin—; 7kaput awas bik ‘¿Pa kudungni tuhni yakat wais yaklakwarangyah?’ ” —adika yulwi, kidika laih Krais kidika dauna balna paskaupak yaklauna atnin. 8¿Bahang, ais yulwih?: “Yulni kidika laih yaihmat yakat ki, tampas yakat dawak kulnam yakat.”#Dt 30:12-14. Adika yulni kuduh kasak kulnin yulni kat sumaltayangna kidika. 9Man tampas munah amanglataman kat Jisas kidika Damawan, dawak kulnam kau kultaman kat Papang yaklauwi dauna kaupak dulauna, kaput kat laihwi yaknin kidika laihnaman karang. 10Bahang maising kau kuldi lā kat atnin kidika, dawak matikpas kau amangladi Jisaskrais laihwi yakna kidika duna atnin.
11Ulna yakat yulwi: “Wais witing yakat kulwa kidika, alas kalyulna kaldakawas karang.”#Is 28:16. 12Satuk awaski ju dawak, ju awas balna kidika; kat Dawan kidika, sihm ki muih bitik Daninawan, dawak witing ayangni kau yakwi yuyulwa balna kidika bitik yakat mahni palni diawi. 13Kidika bahang adika yulwi: “Dawan ayangni yuyulwa balna bitik kidika, laihwi yaknin kidika lalaihna ki.”#Jl 2:32. 14Kauna, ¿amput mistik kalahwarang yah witing yakat kalkukulwas kidika? ¿Dawak amput witing yakat kukulwarang yah, witing yulni kidika baisa yuyulwak dakakawas kidika? ¿Dawak amput dakakawarang yah, muih as bik dis kidika disumalna atnin? 15¿Dawak amput sumamalwarang yah, sihna muihni balna awas kidika? Ulna yakat yulwa kaput: “¡Ampat nuhni yaksihnyah yul wisamni yamni duwi aiwa kidika!”#Is 52:7.
16Kauna muih bitik yul wisamni kidika duduwaski. Isaías yulwa kaput: “Dawan, ¿yangna sumalnayangna kidika wais dakanayah?”#Is 53:1. 17Kaput bahang, kasak kulnin kidika kalahwi yulni dakadamunah yakaupak kaiwi, dawak yulni kalahwak dakada kidika kuduh Krais yulni balna.
18Kaunah, yultik dakayang: ¿Yulni kidika dakakawas dai awasyah? ¡Kaput awaski! Kat Ulna yakat aput yulwi:
“Witingna dinitnasuru yuyulna kidika sau bitik yakat kalahwi kiuna,
sau bangni balna bitik yakat yulnina kidika kiuna.”#Sal 19:4.
19Dawak wattik yultik dakayang: ¿Israel balna kidika amanglalawas kat awasyah? Tatuna, Moses yulwi:
“Yang lawik minit anyang manayamki
tawan as tawan awas kidika;
diyamting kat kulninna daukakalwarang tawan as niningyakat
amanglanin kulwas kidika.”#Dt 32:21.
20Usnit kat, Isaías yulwi:
“Yawawalwas muihni balna dai kidika yayakna;
yang yulki yulwi dakakawasdai kidika witingna yakat lāih alahwanayang.”#Is 65:1.
21Israel balna yulnina kidika yulnin laih, Isaías yulwi: “Mapiris kaupak masan kat tingki yunayang, tawan as yul dakawas dawak bik kulnin dutni kidika yakat.”#Is 65:2.
Currently Selected:
Roman 10: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 10
10
1Wirah balna, dukih yāwak mikityultayang kidika Papang yakat Israel balna yulnina, kidika laih laihwi yaknin kidika witingna duna atnin. 2Witingna ilpnina yulnik sipki, kidika laih Papang dini yamnin dukih diawi; kat kidika dukih diawa kidika laih rahm kasak amanglana kidika munah awas bahang. 3Kat witingna amanglalawas ki Papang yaklauwi muih al yakat lā kat kapat kalyamwa kidika, kaunah witingna laih alas lā kat atnin kidika yayamwi; kaunah Papang laih kaput yamwaski mayang lā kat atnin kidika. 4Kat lā kidika laih kiwi watna ki Krais yakat, kaput bahang kasak kulnin kidika kau sipmayang lā kat kalnin kidika.
5Lā kidika munah, lā kat atnin kat, Moses adika ulna: “Angdika muihni Lā kat yamwa kidika, witing laih kidika munah sangka karang.”#Lv 18:5. 6Kauna lā kat atnin kidika kasak kulnin munah karang kat, aput yulwi: “Kulwinih: ‘¿Wais makau kisang yakat kilwarangyah?’ —adika laih, Krais kidika sau yakat yaklaknin—; 7kaput awas bik ‘¿Pa kudungni tuhni yakat wais yaklakwarangyah?’ ” —adika yulwi, kidika laih Krais kidika dauna balna paskaupak yaklauna atnin. 8¿Bahang, ais yulwih?: “Yulni kidika laih yaihmat yakat ki, tampas yakat dawak kulnam yakat.”#Dt 30:12-14. Adika yulni kuduh kasak kulnin yulni kat sumaltayangna kidika. 9Man tampas munah amanglataman kat Jisas kidika Damawan, dawak kulnam kau kultaman kat Papang yaklauwi dauna kaupak dulauna, kaput kat laihwi yaknin kidika laihnaman karang. 10Bahang maising kau kuldi lā kat atnin kidika, dawak matikpas kau amangladi Jisaskrais laihwi yakna kidika duna atnin.
11Ulna yakat yulwi: “Wais witing yakat kulwa kidika, alas kalyulna kaldakawas karang.”#Is 28:16. 12Satuk awaski ju dawak, ju awas balna kidika; kat Dawan kidika, sihm ki muih bitik Daninawan, dawak witing ayangni kau yakwi yuyulwa balna kidika bitik yakat mahni palni diawi. 13Kidika bahang adika yulwi: “Dawan ayangni yuyulwa balna bitik kidika, laihwi yaknin kidika lalaihna ki.”#Jl 2:32. 14Kauna, ¿amput mistik kalahwarang yah witing yakat kalkukulwas kidika? ¿Dawak amput witing yakat kukulwarang yah, witing yulni kidika baisa yuyulwak dakakawas kidika? ¿Dawak amput dakakawarang yah, muih as bik dis kidika disumalna atnin? 15¿Dawak amput sumamalwarang yah, sihna muihni balna awas kidika? Ulna yakat yulwa kaput: “¡Ampat nuhni yaksihnyah yul wisamni yamni duwi aiwa kidika!”#Is 52:7.
16Kauna muih bitik yul wisamni kidika duduwaski. Isaías yulwa kaput: “Dawan, ¿yangna sumalnayangna kidika wais dakanayah?”#Is 53:1. 17Kaput bahang, kasak kulnin kidika kalahwi yulni dakadamunah yakaupak kaiwi, dawak yulni kalahwak dakada kidika kuduh Krais yulni balna.
18Kaunah, yultik dakayang: ¿Yulni kidika dakakawas dai awasyah? ¡Kaput awaski! Kat Ulna yakat aput yulwi:
“Witingna dinitnasuru yuyulna kidika sau bitik yakat kalahwi kiuna,
sau bangni balna bitik yakat yulnina kidika kiuna.”#Sal 19:4.
19Dawak wattik yultik dakayang: ¿Israel balna kidika amanglalawas kat awasyah? Tatuna, Moses yulwi:
“Yang lawik minit anyang manayamki
tawan as tawan awas kidika;
diyamting kat kulninna daukakalwarang tawan as niningyakat
amanglanin kulwas kidika.”#Dt 32:21.
20Usnit kat, Isaías yulwi:
“Yawawalwas muihni balna dai kidika yayakna;
yang yulki yulwi dakakawasdai kidika witingna yakat lāih alahwanayang.”#Is 65:1.
21Israel balna yulnina kidika yulnin laih, Isaías yulwi: “Mapiris kaupak masan kat tingki yunayang, tawan as yul dakawas dawak bik kulnin dutni kidika yakat.”#Is 65:2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998