Roman 2
2
Papang, di rahm kidika karak duwi la yamwi
1Kaput bahang pāt dis awasman, muih ūk lani yulta yamtaman kidika, kulwaski waismanpa. Muih ūk lani yamtaman kidika, man silp dutni yakat yawaman,#Mt 7:1; Lc 6:37. kat kidika balna yayamwa kapat yamtaman. 2Kauna amangladi, Papang muih lani yamwi rahm kidika karak, bahang kaput laih dutni yakat wirlawa kidika. 3Kaunah man laih, muih lanina yamtaman bik sihm witingna yayamwa kapat yamtaman, kaput bahang man kulwinih Papang yaklauwi daunin yakat wirlawarang kidika kaupak īra lawama. 4Minikun talnin, tani tahanin, kulnin laihwatnin lani dahnkalwas kidika dauh kultaman bahang, kaunah man amanglatasman, kidika minikun talnin duwa kidika yaklauwi madukiwi mawirlawa kidika witing yakat. 5Kauna man laih, sins disman bahang Papang yakat nawatta yawanam kultasman, wah kidika man mamat yakat ilta uduhtaman wah kaiwarang mani yakat, kaput laih Papang la barangni yamna kaiwarang yakat 6lauwi diawarang ki witingna warknina yayamna balna kidika praisni kat.#Sal 62:11-12; Pro 24:12; Jr 17:10; Ez 18,30; 33:20; Mt 16:27. 7Sangka ban atnin, alasnina yaksihni, risnipik dawak dauwas ban atnin kidika walwi di yamni manah yamnin wawalna dai kidika: 8kauna kulnin daukalna karak wah diana karang, kulninna dutni muihni balna yakat laih, yuldarang kat di rahm kidika niningkauh balna kidika, dawak didutni yakat yamni tatalwa balna kidika. 9Wauhnin dawak kaidinin kidika sakkarang, di dutni yayamwa muihni balna bitik kidika, tatuna laih ju balna kidika, kaunah kaput bik ju awas balna kidika bik. 10Nawatkauh laih, Papang yaklauwi diana karang alasnina yaksihni, risnipik dawak kulnin aslah lani kidika, kidika balna bitik di yamni yayamwa balna yakat, tatuna laih ju balna yakat, kaunah kaput bik ju awas balna yakat bik.
11Kat Papang yaklauwi sat ūk ūk talwaski:#Dt 10:17. 12muih di dutni yayamwa balna bitik kidika, Moses lāni duwas yulni; bahang kidika lāni dis dadauwarang; dawak dutni yayamwa kidika Moses lāni duduwakarang bik, bahang sihm kidika lāni karak lanina yamna karang. 13Kat pāt dis laih awaski, lā kidika dauh manah dakakawa bahang, kaunah dakawi yayamwa kidika laih. 14Kauna ju awas balna kidika laih lā bik duduwaski, kaunah witingna kaput ban yayamwi, kidika bahang witingna alas muihnina kidika lā, 15kat witingna ais yayamwa balna kidika yakat lā ulna sakki kulninna yakat. Witingna silp kulninna yaklauwi lāih yakwi, dawak witingna silp kulninna kidika yaklau tanitna dakwarang ki, 16Papang yaklauwi lanina yamwarang kidika malni kau yayamna balna bitik, bahang kidika laih Jisas Krais munah karang ki, laihwi yaknin yulni balna sumaltayang kidika.
Ju balna dawak Moses lani karak
17Man laih ju kaldakaman, dawak Moses lāni kidika kultaman, dawak man manah kapat kaldakaman Papangma yakat. 18Witing kulnin kidika talaman, dawak lā kidika namangkawak di yamni kidika walta dutaman. 19Dawak sip kaldakaman, muih miniknapa dis balna kidika taninatuna āwanam, dawak puksani balna kau bangkidika yakat yaringni dianam; 20kaput laih di amanglalawas balna yakat sumalnam, dawak kulninna minikun balna yakat bik, kat lā kidika karak laih amput amanglanin kidika, dawak rahm kidika bik. 21Yamni ki, muih ūk yakat sumaltaman kat, ¿amput dawak alas kalsumaltasmahn? Sumaltaman, di malnin awas, ¿kauna ais yamta maltamahn? 22Yultaman marid lani bahnin awas, ¿kaunah ais yamta yamtamahn? Dutni kultaman dawan dauh balna yakat, ¿kaunah ais yamta kidika balna kau makatyulnin ūni duduwa kau ritsni balna kidika maltamahn? 23Lā yakat alasmana yaksihni dutaman, kauna Papang yakat laih risnipik kalatasman, kat yulni dakasman bahang. 24Kidika bahang Ulna yakat yulwi: “Papang yakat tatalwas balna kidika witing yakat uhuswi manna pātmana yulni.”#Is 52:5.
25Rahm laih, wais Moses lāni yakat dakawa kidika, Papang sainni kidika laih ilp as ki; kaunah yulni dakawas kidika laih Papang sainni duwas kapat ki. 26Dawak, nawat wirlawak, Papang sainni duwas muihni kidika, lā yulwa kaput yayamwarang kat, kidika muihni laih Papang sainni duna kalkulna karangki, baisa Papang sainni duwas karang bik. 27Lā yakat dakawa kidika, witing muihni yakat Papang sainni duwas karang bik, kidika muihni laih lāni yamna karang, witing kidika lā yakat dakawi yamwi dawak Papang sainni yamwi kaunah, dakawi yamwaski. 28Kat ju atnin kidika laih minittang manah atnin awaski, dawak Papang sainni dunin kidika bik minittang manah atnin awaski, muihni yakat. 29Rahm Ju kidika laih kulnin pasyakat ki, dawak Papang sainni dunin kidika witing isning yakat dunin ki:#Dt 10:16; 30:6; Jr 4:4. kidika laih wauhtaya ulna kapat kat talnin laih awaski, kaunah kidika laih spirit. Wais muihni kat kaput kidika laih laihwi talna muihni ki, muih yaklauwi laihwi talwaski kaunah Papang yaklauwi laihwi talna.
Currently Selected:
Roman 2: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 2
2
Papang, di rahm kidika karak duwi la yamwi
1Kaput bahang pāt dis awasman, muih ūk lani yulta yamtaman kidika, kulwaski waismanpa. Muih ūk lani yamtaman kidika, man silp dutni yakat yawaman,#Mt 7:1; Lc 6:37. kat kidika balna yayamwa kapat yamtaman. 2Kauna amangladi, Papang muih lani yamwi rahm kidika karak, bahang kaput laih dutni yakat wirlawa kidika. 3Kaunah man laih, muih lanina yamtaman bik sihm witingna yayamwa kapat yamtaman, kaput bahang man kulwinih Papang yaklauwi daunin yakat wirlawarang kidika kaupak īra lawama. 4Minikun talnin, tani tahanin, kulnin laihwatnin lani dahnkalwas kidika dauh kultaman bahang, kaunah man amanglatasman, kidika minikun talnin duwa kidika yaklauwi madukiwi mawirlawa kidika witing yakat. 5Kauna man laih, sins disman bahang Papang yakat nawatta yawanam kultasman, wah kidika man mamat yakat ilta uduhtaman wah kaiwarang mani yakat, kaput laih Papang la barangni yamna kaiwarang yakat 6lauwi diawarang ki witingna warknina yayamna balna kidika praisni kat.#Sal 62:11-12; Pro 24:12; Jr 17:10; Ez 18,30; 33:20; Mt 16:27. 7Sangka ban atnin, alasnina yaksihni, risnipik dawak dauwas ban atnin kidika walwi di yamni manah yamnin wawalna dai kidika: 8kauna kulnin daukalna karak wah diana karang, kulninna dutni muihni balna yakat laih, yuldarang kat di rahm kidika niningkauh balna kidika, dawak didutni yakat yamni tatalwa balna kidika. 9Wauhnin dawak kaidinin kidika sakkarang, di dutni yayamwa muihni balna bitik kidika, tatuna laih ju balna kidika, kaunah kaput bik ju awas balna kidika bik. 10Nawatkauh laih, Papang yaklauwi diana karang alasnina yaksihni, risnipik dawak kulnin aslah lani kidika, kidika balna bitik di yamni yayamwa balna yakat, tatuna laih ju balna yakat, kaunah kaput bik ju awas balna yakat bik.
11Kat Papang yaklauwi sat ūk ūk talwaski:#Dt 10:17. 12muih di dutni yayamwa balna bitik kidika, Moses lāni duwas yulni; bahang kidika lāni dis dadauwarang; dawak dutni yayamwa kidika Moses lāni duduwakarang bik, bahang sihm kidika lāni karak lanina yamna karang. 13Kat pāt dis laih awaski, lā kidika dauh manah dakakawa bahang, kaunah dakawi yayamwa kidika laih. 14Kauna ju awas balna kidika laih lā bik duduwaski, kaunah witingna kaput ban yayamwi, kidika bahang witingna alas muihnina kidika lā, 15kat witingna ais yayamwa balna kidika yakat lā ulna sakki kulninna yakat. Witingna silp kulninna yaklauwi lāih yakwi, dawak witingna silp kulninna kidika yaklau tanitna dakwarang ki, 16Papang yaklauwi lanina yamwarang kidika malni kau yayamna balna bitik, bahang kidika laih Jisas Krais munah karang ki, laihwi yaknin yulni balna sumaltayang kidika.
Ju balna dawak Moses lani karak
17Man laih ju kaldakaman, dawak Moses lāni kidika kultaman, dawak man manah kapat kaldakaman Papangma yakat. 18Witing kulnin kidika talaman, dawak lā kidika namangkawak di yamni kidika walta dutaman. 19Dawak sip kaldakaman, muih miniknapa dis balna kidika taninatuna āwanam, dawak puksani balna kau bangkidika yakat yaringni dianam; 20kaput laih di amanglalawas balna yakat sumalnam, dawak kulninna minikun balna yakat bik, kat lā kidika karak laih amput amanglanin kidika, dawak rahm kidika bik. 21Yamni ki, muih ūk yakat sumaltaman kat, ¿amput dawak alas kalsumaltasmahn? Sumaltaman, di malnin awas, ¿kauna ais yamta maltamahn? 22Yultaman marid lani bahnin awas, ¿kaunah ais yamta yamtamahn? Dutni kultaman dawan dauh balna yakat, ¿kaunah ais yamta kidika balna kau makatyulnin ūni duduwa kau ritsni balna kidika maltamahn? 23Lā yakat alasmana yaksihni dutaman, kauna Papang yakat laih risnipik kalatasman, kat yulni dakasman bahang. 24Kidika bahang Ulna yakat yulwi: “Papang yakat tatalwas balna kidika witing yakat uhuswi manna pātmana yulni.”#Is 52:5.
25Rahm laih, wais Moses lāni yakat dakawa kidika, Papang sainni kidika laih ilp as ki; kaunah yulni dakawas kidika laih Papang sainni duwas kapat ki. 26Dawak, nawat wirlawak, Papang sainni duwas muihni kidika, lā yulwa kaput yayamwarang kat, kidika muihni laih Papang sainni duna kalkulna karangki, baisa Papang sainni duwas karang bik. 27Lā yakat dakawa kidika, witing muihni yakat Papang sainni duwas karang bik, kidika muihni laih lāni yamna karang, witing kidika lā yakat dakawi yamwi dawak Papang sainni yamwi kaunah, dakawi yamwaski. 28Kat ju atnin kidika laih minittang manah atnin awaski, dawak Papang sainni dunin kidika bik minittang manah atnin awaski, muihni yakat. 29Rahm Ju kidika laih kulnin pasyakat ki, dawak Papang sainni dunin kidika witing isning yakat dunin ki:#Dt 10:16; 30:6; Jr 4:4. kidika laih wauhtaya ulna kapat kat talnin laih awaski, kaunah kidika laih spirit. Wais muihni kat kaput kidika laih laihwi talna muihni ki, muih yaklauwi laihwi talwaski kaunah Papang yaklauwi laihwi talna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998