Roman 1
1
Kalparasnin
1Yang, Pal, Jisaskrais dini yamyang yang, bahang adika wauhnitaya ultayang. Papang yaklauwi yayulna yawinik, dawak yayakwi yaduna witing aposnitel atnik, dawak witing yulni kidika sumalna atnin muih balna yakat, laihwi yaknin yulni kidika.
2Witing pranipit balna munah, Papang yaklauwi adika yulni diyulna dai Ulna Holi kidika munah. 3-4Kidika yulni balna kuduh witing Walanibis Jisaskrais yulni, mayang Madakiwan kidika, witing muih kapat laih king Devid sulani dai,#Mt 1:1; 12:23. kaunah Spirit Holi yamyang kidika yaklauwi dauna kaupak watwi dulauna bahang, Papang walanibis kalkulna ki, dawak parasni bitik palni kalana.
5Jisaskrais munah, Papang yaklauwi witing aposnitel yakulna ki, dawak bik witing ayangni kidika sumalnik, kaput laih nisan balna bitik pasyakat witing yakat kalkulnin, dawak yulni dakanin. 6-7Kidika balna pasyakat manna bik bangmana, Roma kau yalalahwa kidika. Papang dalani ditalwi, bahang diyulna uina atnin Jisaskrais dini kalna atnin yulni, dawak bik witing tawanni muihni balna atnin. Papang dawak Dawan Jisaskrais tingnikih, kulnin aslah kidika bik mamatna yakat utuhwang.
Pal Roma yakat kiwi talnin kulwi
8Tatuna, Jisaskrais munah tingki kalatayang Papangki yakat, manna bitik yulmana, kat pa bitik yakat manna kasak kultamana kidika yuyulwi. 9Papang, yang witing dini yamtayang kidika, ising bitik palni, witing walanibis al yulni sumaltayang kidika, kidika laih witnis ki ma bitik yakat mikityultayang kidika, 10kalyultayang kidika ban ki Papang yakat, witing kulnin kidik kaput karang kat yāwakat yawik ditalna atnik. 11Kat ditalkih yāwi, spirit kau ilp dianik, kaput laih baisa parasni atnin; 12yuldarangkat biri biri makulnik dulaunin, adika kasak kulnin manna dawak yang bik duda kidika.
13Wirah balna manna dakanauh, wat wat laih dukih yawi yawik manatalnik,#Ap.w 19:21. kauna warmani kat ban taki balna kidika putwi. Dukihyawa kidika laih manna pasmangna yakat spirit minik kidika bahnik, nisan ūk balna pasyakat yamnayang kapat. 14Tras dutayang kaldakayang muih bitik kau, sins duyang balna pasyakat dawak baisa sins duwas balna pasyakat bik; 15kidika bahang dukih palni yawi yul wisam kidika sumalnik manna Roma kau bangmana yakat.
Yul wisamni parasni kidika
16Asaldasyang#Mk 8:38. yul wisamni kidika, kat kidika laih Papang parasni#1 Kor 1:18. bahang, muih bitik witing yakat kukulwarang kidika laihwi yaknin kidika duna karang, tatuna laih Ju balna yakat, kaunah ju awas balna yakat bik karang ki. 17Kat adika yulni manikingkawi, amput Papang kidika mapātki kaupak mailaihwi yakwa kidika: kidika laih kasak kulnin kau; dawak kasak kulnin kau manah. Ulna kidika yakat kaput yulwi: “Barangni muihni kidika muihni kidika laih kasak kulwa kidika karak sangka karang.”#Hab 2:4.
Muih balna pātnina kidika
18Kaunah mayang taldi Papang wahni yamadangni kidika makau kisang kidika kaupak kaiwi, muih dudutni la kat awas kidika balna minitna yakat, kat witingna dutnina kidika yaklauwi lāih yakwas ki di rahm kidika. 19Papang kidika sipki, amangnilanin, bahang witingna yamni amanglalawi; kat witing sip yaklauwi lāih kalahna bahang; 20Papang yakat talnin sip-awas kidika sipki amanglanin, witing di balna yamna yakat laihdi taldarang kat. Rahm kaput laih, sau adika yamna kaupak, lāih palni talnin sipki witing laih Papang, dawak parasni nuhni kidika kiwi witwaski.#Ap.w 17:24-27. Kidika bahang muih dudutni balna kidika laih pātnina dawak disnin kidika laih diski. 21Papang kidika amangnilalana bik, ayangni nuhni yayamwas ki Papang kapat, dawak tingki bik kalalawaski. Nawatkauh laih di dauh manah kulninna yakat kukulna, dawak kulninna tapadadas kidika puksani manah kalna.#Ef 4:17-18. 22Sins nuhni duyang mayang atwi, kauna mutu balna; 23kat satuk wirlalana#Sal 106:20; Jr 2:11. bahang Papang dauwas alasnina yaksihni kidika, dawak muih dauyang wayani karak, kamanah bik awaski kaunah, di kalni arungka duwa balna, uhu satni balna dawak, bil wayani bik.#Dt 4:16-18.
24Kidika bahang Papang yaklauwi ruhmwi dana, witingna muihnina yakat maisihni kidika dukih diawa bahang, dawak witingna biri biri asalni dini kidika yayamna. 25Rahm Papang kidika pāni yakat, alas kidika wawalna, dawak Papang di yamna balna yakauh ayangni nuhni yayamna, kaunah Papang yakat laih awaski, di balna yamna kidika, bahang witing yakat kuduh ayangni nuhni yamnin kidika nining ban kaput atnin. Kaput kawang.
26Kidika bahang Papang yaklauwi damukna, asalni lani dukih diawa yakat. Yalnina balna kat bik, yayal aslah payayahwi; 27sihm kaput bik laih, ahal kidika bik yayal karak kalduduwadai kidika dawi, ahal as kaldunin kidika kauh dukih diawi. Ahal aslah biri biri yamnin asalni kidika yayamwi, dawak witingna alas muihnina nuhni kidika dutni wawauhwi, dutni yayamwa kidika yulni.
28Papang yakat amanglanin kukulwas bahang, witing yaklauwi damukna di dutni kukulwa yakat, kaput laih yamnin dini awas kidika yamna atnin. 29La dutni satni balna bitik dibuhngki,#1.29 Tingkau ulna kidika minitkau lakwi: kalduwi payahnin. dutni, lalah manah dukih, dawak di dutni karak. Kidika balna laih tumyang balna, muih iyang balna, alas muihni balna, dawak muih yulni bauwi karayang balna. 30Muih ūk balna yakat dutni diyuyulwi, Papang waihnila balna, tapadadas, witingna manah kapat kaldakakawi, dutni balna kidika walwi yayakwi, papangnina yulni dakakawas ki, 31amanglakih diawaski, yuyulwa yakat yayamwas ki, muih kau minikun bik tatalwas ki, dutni dawak disnin kidika amanglalawas ki, dawak minikun talnin bik diski. 32Witingna yamni amanglalawi, wais muihni kat kidika dini balna yamwarang kat dauna karang kidika; kaput kaunah witingna ban yayamwi; dawak bik muih ūk balna yayamwarang kidika dukih diawi.
Currently Selected:
Roman 1: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 1
1
Kalparasnin
1Yang, Pal, Jisaskrais dini yamyang yang, bahang adika wauhnitaya ultayang. Papang yaklauwi yayulna yawinik, dawak yayakwi yaduna witing aposnitel atnik, dawak witing yulni kidika sumalna atnin muih balna yakat, laihwi yaknin yulni kidika.
2Witing pranipit balna munah, Papang yaklauwi adika yulni diyulna dai Ulna Holi kidika munah. 3-4Kidika yulni balna kuduh witing Walanibis Jisaskrais yulni, mayang Madakiwan kidika, witing muih kapat laih king Devid sulani dai,#Mt 1:1; 12:23. kaunah Spirit Holi yamyang kidika yaklauwi dauna kaupak watwi dulauna bahang, Papang walanibis kalkulna ki, dawak parasni bitik palni kalana.
5Jisaskrais munah, Papang yaklauwi witing aposnitel yakulna ki, dawak bik witing ayangni kidika sumalnik, kaput laih nisan balna bitik pasyakat witing yakat kalkulnin, dawak yulni dakanin. 6-7Kidika balna pasyakat manna bik bangmana, Roma kau yalalahwa kidika. Papang dalani ditalwi, bahang diyulna uina atnin Jisaskrais dini kalna atnin yulni, dawak bik witing tawanni muihni balna atnin. Papang dawak Dawan Jisaskrais tingnikih, kulnin aslah kidika bik mamatna yakat utuhwang.
Pal Roma yakat kiwi talnin kulwi
8Tatuna, Jisaskrais munah tingki kalatayang Papangki yakat, manna bitik yulmana, kat pa bitik yakat manna kasak kultamana kidika yuyulwi. 9Papang, yang witing dini yamtayang kidika, ising bitik palni, witing walanibis al yulni sumaltayang kidika, kidika laih witnis ki ma bitik yakat mikityultayang kidika, 10kalyultayang kidika ban ki Papang yakat, witing kulnin kidik kaput karang kat yāwakat yawik ditalna atnik. 11Kat ditalkih yāwi, spirit kau ilp dianik, kaput laih baisa parasni atnin; 12yuldarangkat biri biri makulnik dulaunin, adika kasak kulnin manna dawak yang bik duda kidika.
13Wirah balna manna dakanauh, wat wat laih dukih yawi yawik manatalnik,#Ap.w 19:21. kauna warmani kat ban taki balna kidika putwi. Dukihyawa kidika laih manna pasmangna yakat spirit minik kidika bahnik, nisan ūk balna pasyakat yamnayang kapat. 14Tras dutayang kaldakayang muih bitik kau, sins duyang balna pasyakat dawak baisa sins duwas balna pasyakat bik; 15kidika bahang dukih palni yawi yul wisam kidika sumalnik manna Roma kau bangmana yakat.
Yul wisamni parasni kidika
16Asaldasyang#Mk 8:38. yul wisamni kidika, kat kidika laih Papang parasni#1 Kor 1:18. bahang, muih bitik witing yakat kukulwarang kidika laihwi yaknin kidika duna karang, tatuna laih Ju balna yakat, kaunah ju awas balna yakat bik karang ki. 17Kat adika yulni manikingkawi, amput Papang kidika mapātki kaupak mailaihwi yakwa kidika: kidika laih kasak kulnin kau; dawak kasak kulnin kau manah. Ulna kidika yakat kaput yulwi: “Barangni muihni kidika muihni kidika laih kasak kulwa kidika karak sangka karang.”#Hab 2:4.
Muih balna pātnina kidika
18Kaunah mayang taldi Papang wahni yamadangni kidika makau kisang kidika kaupak kaiwi, muih dudutni la kat awas kidika balna minitna yakat, kat witingna dutnina kidika yaklauwi lāih yakwas ki di rahm kidika. 19Papang kidika sipki, amangnilanin, bahang witingna yamni amanglalawi; kat witing sip yaklauwi lāih kalahna bahang; 20Papang yakat talnin sip-awas kidika sipki amanglanin, witing di balna yamna yakat laihdi taldarang kat. Rahm kaput laih, sau adika yamna kaupak, lāih palni talnin sipki witing laih Papang, dawak parasni nuhni kidika kiwi witwaski.#Ap.w 17:24-27. Kidika bahang muih dudutni balna kidika laih pātnina dawak disnin kidika laih diski. 21Papang kidika amangnilalana bik, ayangni nuhni yayamwas ki Papang kapat, dawak tingki bik kalalawaski. Nawatkauh laih di dauh manah kulninna yakat kukulna, dawak kulninna tapadadas kidika puksani manah kalna.#Ef 4:17-18. 22Sins nuhni duyang mayang atwi, kauna mutu balna; 23kat satuk wirlalana#Sal 106:20; Jr 2:11. bahang Papang dauwas alasnina yaksihni kidika, dawak muih dauyang wayani karak, kamanah bik awaski kaunah, di kalni arungka duwa balna, uhu satni balna dawak, bil wayani bik.#Dt 4:16-18.
24Kidika bahang Papang yaklauwi ruhmwi dana, witingna muihnina yakat maisihni kidika dukih diawa bahang, dawak witingna biri biri asalni dini kidika yayamna. 25Rahm Papang kidika pāni yakat, alas kidika wawalna, dawak Papang di yamna balna yakauh ayangni nuhni yayamna, kaunah Papang yakat laih awaski, di balna yamna kidika, bahang witing yakat kuduh ayangni nuhni yamnin kidika nining ban kaput atnin. Kaput kawang.
26Kidika bahang Papang yaklauwi damukna, asalni lani dukih diawa yakat. Yalnina balna kat bik, yayal aslah payayahwi; 27sihm kaput bik laih, ahal kidika bik yayal karak kalduduwadai kidika dawi, ahal as kaldunin kidika kauh dukih diawi. Ahal aslah biri biri yamnin asalni kidika yayamwi, dawak witingna alas muihnina nuhni kidika dutni wawauhwi, dutni yayamwa kidika yulni.
28Papang yakat amanglanin kukulwas bahang, witing yaklauwi damukna di dutni kukulwa yakat, kaput laih yamnin dini awas kidika yamna atnin. 29La dutni satni balna bitik dibuhngki,#1.29 Tingkau ulna kidika minitkau lakwi: kalduwi payahnin. dutni, lalah manah dukih, dawak di dutni karak. Kidika balna laih tumyang balna, muih iyang balna, alas muihni balna, dawak muih yulni bauwi karayang balna. 30Muih ūk balna yakat dutni diyuyulwi, Papang waihnila balna, tapadadas, witingna manah kapat kaldakakawi, dutni balna kidika walwi yayakwi, papangnina yulni dakakawas ki, 31amanglakih diawaski, yuyulwa yakat yayamwas ki, muih kau minikun bik tatalwas ki, dutni dawak disnin kidika amanglalawas ki, dawak minikun talnin bik diski. 32Witingna yamni amanglalawi, wais muihni kat kidika dini balna yamwarang kat dauna karang kidika; kaput kaunah witingna ban yayamwi; dawak bik muih ūk balna yayamwarang kidika dukih diawi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998