Roman 3
3
1Kaput kat, ¿ais dini yamni as yaknin sipyah Ju atnin dawak Papang sainni dunin kidika? 2Manas ki dawak yulni manas kau bik. Tatuna yakat, Papang yaklauwi witing yulni balna kidika Ju balna munah kalawak kaina.#Sal 147:19-20. 3¿Kaput kat ais kalahwi? ¿Papang dalani lani duwa kidika dawarangyah, kidika balna pasyakat buas barangni awasdai kidika yulni? 4¡Kaput awas karangki! Nawatkauh laih Papang kidika di rahm kidik yamwi, muih bitik alas yulyang balna karang bik; kat Ulna yakat yulwi:
“Lā kat makulna karang yultaman kidika munah,
dawak lāma yayamwarang mani kat minit bayakma.”#Sal 51:4.
5Mayang madutki kidika yaklauwi Papang kidika makau kaldulauwakat la kat bahang, ¿ais yuldarangyah? ¿Papang laih lā kat yamwaski kat wah mayawa bahang? (Kidika laih muih kulnin lani kapat yulbauna.) 6¡Lāih, kaput awaski! Papang kidika lā kat awaskat, ¿amput muih balna lānina yamwarangyah?
7Kaunah yang alaski kidika yaklauwi Papang rahmni kidika baisa yaksihni yaringni kalawarang kat, ¿amput dawak yang adika muih dutni yamyang as kapat yakulwih? 8Kaput kat, ¿amput dawak dutni yamnin awasyah, kaput dawak di yamni kidika kainin? Adika palni kuduh muih buas, yang adika dutni yakulnin yulni, yuyulwi yang sumaltayang; kaunah kidika muihni balna laih pāt ban atnin kidika dinina palni atnin ki.
Bitik dutni yayamna
9¿Aisyah bahang? ¿Mayang ju balna kapat, muih ūk balna minitna yakat yamni mayahng?#3.9 ¿Mayang ju balna kapat...mayahng?: satuk wirlanin sipki: ¿Padin yultayangna? ¡Kaput awaski! Kat uman lāih yaknamayang, muih bitik, ju balna dawak ju balna awas kidika bik, dutni parasni dinit yakat mayang, 10Ulna yakat yulwi:
“¡Muih as bik lā kat awaski!
¡As bik diski!
11Di amanglawa muihni kidika diski;
muih as bik Papang yakat walwaski.
12Muih bitik laih ta dutni yakat uina;
muih bitik laih kapapat daukakalna.
¡Muih as bik diski di yamni yamnin kidika!
¡As bik diski!#Sal 14:1-3; 53:1-3.
13Witing dinitsuru kidika laih sau-ū kurahna kapat ki,
witing tuni kidika laih alasmanah yulwi,#Sal 5:9.
witing kungnimak yakat bil puinisin kidika malwi duwi#Sal 140:3.
14dawak witing tinpas yakat la tuhnin dawak tapahlni manah duwi.#Sal 10:7.
15Witingna kalnina kidika parasni kikiri ā utuhnin yulni;
16tanina yakat daukalnin dawak minikunni palni atnin manah sakki,
17dawak kulnin aslah lani tani kidika tatalwas ki.#Is 59:7-8.
18Kulninna yakat diski Papang kau yamanidunin kidika.”#Sal 36:1.
19Amangladi, lā wauhnitaya yakat yulwa kidika laih, wais balna kat kidika dinit yakat bubukwa balna yakat diyulwi, kaput laih bitik ap danin, dawak sau minitkau di yamna balna kidika bitik Papang lā yamwarang dinit yakat bubukna karang; 20kat muih as bik yulwas karang lā yulwa kidika kaput yamna, kidika bahang Papang yaklauwi kalkulna atnin witing kidika laih lā kat ki,#Sal 143:2; Gal 2:16. kat lā kidika laih dauh manah manikingkawi mayang laih dutni yamyang mayang.
Laihwi yaknin kidika laihkasak kulnin kidika munah kaiwi
21-22Waralaih, lā dis, Papang yaklauwi manikingkana amput witing yaklauwi lā kat mayang maikulwa kidika, bahang adika laih sihm lāni dawak prapit balna bik yuyulwi: Jisaskrais yakat kasak kulnin kidika munah,#Gal 2:16. Papang yaklauwi lā kat dikulna ki kukulwa balna bitik yakat. Sat ūk as bik diski: 23muih bitik dutni yayamna kidika bahang Papang alasnina yaksihni kidika kaupak naikau ki. 24Kaunah Papang witing minikun talnin dawak minitdis duwa kidika yaklauwi lā kat mayang kapat maikulna ki, Krais Jisas laihwi yaknin yamna kidika munah. 25Papang yaklauwi yamna Krais kidika, āni utuhna kidika laihwi yaknin as yamna. Adika laihwi yaknin kidika laih kasak kulnin munah laih laihna ki. Kaput Papang manikingkanin kulna, amput lā kat mayang kapat maiyamna kidika: muhnilau kau dutni yamna mayang dai kidika dawak disna, 26kat witing laih kulnin laihwatwi. Witing niningkanin kulna warmani balna akat amput lā kat mayang kapat maiyamwa kidika; Kat witing kidika lā kat kaput, lā kat kapat diyamwi Jisas yakat kasak kukulwa balna yakat.
27¿Kaput bahang angkat watwi, muih al witing manah kapat kulnin duwa kidika? ¡Kidika laih yakpamna! ¿Ais yulni? Lā kat kidika yulni laih awaski, kauna kulna kidika yulni. 28Kaput laih adika witni kat mawi: Papang yaklauwi muih al kidika lā kat kalkulna ki kasak kulwa kidika munah, kaunah lā kat kulwi yamwa kidika munah laih awaski.
29¿Papang kidika, Ju balna manah Papangnina katpah? ¿Nisan ūk balna bik Papangnina awasyah? ¡Nisan ūk balna bik Papangnina, 30kat Papang laih aslah ki, ūk diski:#Dt 6:4; Gal 3:20. kasak kukulwa muihni balna yakat lā kat muihni balna dikulna Papangni kidika, Papang sainni duduna kidika awaskat duduwaspa, witing kidika yakat talwas kidik! 31Kaput laih, ¿kasak kulnin lani kau lā kidika parasni dis dawih? ¡Kaput awaski! Baisa tanit lā parasni kidika kaladi.
Currently Selected:
Roman 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 3
3
1Kaput kat, ¿ais dini yamni as yaknin sipyah Ju atnin dawak Papang sainni dunin kidika? 2Manas ki dawak yulni manas kau bik. Tatuna yakat, Papang yaklauwi witing yulni balna kidika Ju balna munah kalawak kaina.#Sal 147:19-20. 3¿Kaput kat ais kalahwi? ¿Papang dalani lani duwa kidika dawarangyah, kidika balna pasyakat buas barangni awasdai kidika yulni? 4¡Kaput awas karangki! Nawatkauh laih Papang kidika di rahm kidik yamwi, muih bitik alas yulyang balna karang bik; kat Ulna yakat yulwi:
“Lā kat makulna karang yultaman kidika munah,
dawak lāma yayamwarang mani kat minit bayakma.”#Sal 51:4.
5Mayang madutki kidika yaklauwi Papang kidika makau kaldulauwakat la kat bahang, ¿ais yuldarangyah? ¿Papang laih lā kat yamwaski kat wah mayawa bahang? (Kidika laih muih kulnin lani kapat yulbauna.) 6¡Lāih, kaput awaski! Papang kidika lā kat awaskat, ¿amput muih balna lānina yamwarangyah?
7Kaunah yang alaski kidika yaklauwi Papang rahmni kidika baisa yaksihni yaringni kalawarang kat, ¿amput dawak yang adika muih dutni yamyang as kapat yakulwih? 8Kaput kat, ¿amput dawak dutni yamnin awasyah, kaput dawak di yamni kidika kainin? Adika palni kuduh muih buas, yang adika dutni yakulnin yulni, yuyulwi yang sumaltayang; kaunah kidika muihni balna laih pāt ban atnin kidika dinina palni atnin ki.
Bitik dutni yayamna
9¿Aisyah bahang? ¿Mayang ju balna kapat, muih ūk balna minitna yakat yamni mayahng?#3.9 ¿Mayang ju balna kapat...mayahng?: satuk wirlanin sipki: ¿Padin yultayangna? ¡Kaput awaski! Kat uman lāih yaknamayang, muih bitik, ju balna dawak ju balna awas kidika bik, dutni parasni dinit yakat mayang, 10Ulna yakat yulwi:
“¡Muih as bik lā kat awaski!
¡As bik diski!
11Di amanglawa muihni kidika diski;
muih as bik Papang yakat walwaski.
12Muih bitik laih ta dutni yakat uina;
muih bitik laih kapapat daukakalna.
¡Muih as bik diski di yamni yamnin kidika!
¡As bik diski!#Sal 14:1-3; 53:1-3.
13Witing dinitsuru kidika laih sau-ū kurahna kapat ki,
witing tuni kidika laih alasmanah yulwi,#Sal 5:9.
witing kungnimak yakat bil puinisin kidika malwi duwi#Sal 140:3.
14dawak witing tinpas yakat la tuhnin dawak tapahlni manah duwi.#Sal 10:7.
15Witingna kalnina kidika parasni kikiri ā utuhnin yulni;
16tanina yakat daukalnin dawak minikunni palni atnin manah sakki,
17dawak kulnin aslah lani tani kidika tatalwas ki.#Is 59:7-8.
18Kulninna yakat diski Papang kau yamanidunin kidika.”#Sal 36:1.
19Amangladi, lā wauhnitaya yakat yulwa kidika laih, wais balna kat kidika dinit yakat bubukwa balna yakat diyulwi, kaput laih bitik ap danin, dawak sau minitkau di yamna balna kidika bitik Papang lā yamwarang dinit yakat bubukna karang; 20kat muih as bik yulwas karang lā yulwa kidika kaput yamna, kidika bahang Papang yaklauwi kalkulna atnin witing kidika laih lā kat ki,#Sal 143:2; Gal 2:16. kat lā kidika laih dauh manah manikingkawi mayang laih dutni yamyang mayang.
Laihwi yaknin kidika laihkasak kulnin kidika munah kaiwi
21-22Waralaih, lā dis, Papang yaklauwi manikingkana amput witing yaklauwi lā kat mayang maikulwa kidika, bahang adika laih sihm lāni dawak prapit balna bik yuyulwi: Jisaskrais yakat kasak kulnin kidika munah,#Gal 2:16. Papang yaklauwi lā kat dikulna ki kukulwa balna bitik yakat. Sat ūk as bik diski: 23muih bitik dutni yayamna kidika bahang Papang alasnina yaksihni kidika kaupak naikau ki. 24Kaunah Papang witing minikun talnin dawak minitdis duwa kidika yaklauwi lā kat mayang kapat maikulna ki, Krais Jisas laihwi yaknin yamna kidika munah. 25Papang yaklauwi yamna Krais kidika, āni utuhna kidika laihwi yaknin as yamna. Adika laihwi yaknin kidika laih kasak kulnin munah laih laihna ki. Kaput Papang manikingkanin kulna, amput lā kat mayang kapat maiyamna kidika: muhnilau kau dutni yamna mayang dai kidika dawak disna, 26kat witing laih kulnin laihwatwi. Witing niningkanin kulna warmani balna akat amput lā kat mayang kapat maiyamwa kidika; Kat witing kidika lā kat kaput, lā kat kapat diyamwi Jisas yakat kasak kukulwa balna yakat.
27¿Kaput bahang angkat watwi, muih al witing manah kapat kulnin duwa kidika? ¡Kidika laih yakpamna! ¿Ais yulni? Lā kat kidika yulni laih awaski, kauna kulna kidika yulni. 28Kaput laih adika witni kat mawi: Papang yaklauwi muih al kidika lā kat kalkulna ki kasak kulwa kidika munah, kaunah lā kat kulwi yamwa kidika munah laih awaski.
29¿Papang kidika, Ju balna manah Papangnina katpah? ¿Nisan ūk balna bik Papangnina awasyah? ¡Nisan ūk balna bik Papangnina, 30kat Papang laih aslah ki, ūk diski:#Dt 6:4; Gal 3:20. kasak kukulwa muihni balna yakat lā kat muihni balna dikulna Papangni kidika, Papang sainni duduna kidika awaskat duduwaspa, witing kidika yakat talwas kidik! 31Kaput laih, ¿kasak kulnin lani kau lā kidika parasni dis dawih? ¡Kaput awaski! Baisa tanit lā parasni kidika kaladi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998