Ribilisan 7
7
Israel sulani balna kaupakwalwi yakna kidika
1Adika usnit kat, insal balna arungka sau sutni arungka yakat yaklauna raukat talnayang dai, wing balna arungka#Jr 49:36; Dn 7:2; Zac 6:5. kidika laihwatwi duwaraudai sau minityakat, kuma minityakat dawak pan as yakat bik wauhnin awas yulni. 2Insal as ma kilwa niningkaupak bik kaiwakat talnayang dai, dawak Papang sangka tampni kidika duwalikdai. Adika insal yaklau insal balna ūk sau dawak kuma yakat bik daukalnin parasni duduna dai kidika balna yakat parasni sarahwi diyulna dai: 3“¡Sau, kuma dawak pan balna yakat bik daukakalwinih, Mapapangki dini yamyang balna muhnitna yakat baisa tamp as bik taihna taldas kat!”#Ez 9:4,6.
4Dawak aput kulwi yakna balna kidika dakanayang dai: 144,000 Israel sulani balna bitik kaupak. 5Judá sulani kaupak 12,000 walwi yakna dai, Rubén sulani kaupak 12,000, Gad sulani kaupak 12,000, 6Aser sulani kaupak 12,000, Neftalí sulani kaupak 12,000, Manasés sulani kaupak 12,000, 7Simeón sulani kaupak 12,000, Leví sulani kaupak 12,000, Isacar sulani kaupak 12,000, 8Zabulón sulani kaupak 12,000, José sulani kaupak 12,000 dawak Benjamín sulani kaupak 12,000.
Muih mahni asna pihni kakana kidika
9Adika usnit kat, nisan, muih satni balna, tuni sat sat yulyang balna dawak tawan balna kaupak bik muih mahni talnayang dai. Kasakni yaklauna bangdai trun kidika muhnityakat dawak Sīp kidika tanityakat bik, dawak muih mahni palni dai muih as bik kulwi talnin sipawas dai. 10Bitik kau parasni sarahwi aput yuyulwa dai:
“¡Laihwi yaknin lani kidika laihPapang dini
trun yakat yalahna sakkidika,
dawak Sīp kidika bik dini!”
11Dawak insal balna bitik kidika laih trun, muihbararak balna dawak di sangninaka duduwa balna kidika yaihnitna yakat bik kasakni bangdai; dawak trun muhnityakat abukwi muhnina kidika sau kat susukna dai, dawak Papang yakat ayangni tanit nuhni yayamna dai 12aput yulwinah:
“¡Kaput karang!
Ayangni nuhni yamnin, alasnina yaksihni,
sins lani, tingkih lani,
rispik dawak parasni
mayang Mapapangki dini karangban kaput atnin yakat.
¡Kaput karang!”
13Bahang muihbararak balna kidika kaupak as yaklau aput yayulna dai: “¿Wais balnayah adika prak pihni kana bang adika, dawak angkaupak ainayah?” 14“Dawan, man amanglataman”, kaput nangnitlanayang dai. Dawak witing yaklau aput yayulna dai: “Adika balna kuduh kulwi kalbauna nuhni munah bayayakna kidika,#Dn 12:1; Mt 24:21; Mk 13:19. praknina balna suhwi pihni yayamna kidika Sīp āni yakat.#Jn 1:29; 1 Jn 1:7.
15“Kidika yulni Papang tronnimuhnityakat bangki,
dawak madah pukta dini yayamwiwiting ūni yakat.
Trun yakat yalahna sakkidika yaklau
tanitnadakna karang witing muhni yakat.
16Wat laih yuh dadauwas karang
dawak bik was dikih diawas karang,
ma kat bik manabuswas karang,
daihni kidika kat bik dutni diyamwaskarang;#Sal 121:6; Is 49:10.
17kat Sīp, trun walsah yakatsakkidika,
sihm sīp balna yakat kapat maintalnakarang#Sal 23:1; Ez 34:23; Jn 10:1-16.
dawak witing yaklau kalduwi kiuna
karang sangka atnin wasni tuna balna yakat,#Sal 23:2; Is 49:10; Jn 4:10; 7:37.
dawak Papang yaklau minikpa balna kaupak
makwas balna kidika bitik uswi buhna karang.”#Is 25:8; Rib 21:4.
Currently Selected:
Ribilisan 7: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
