Ribilisan 4
4
Kisang yakat ayangni tanit nuhniyamnin kidika
1Adika usnit kat, kisang yakat dūr as apahna sakkat talnayang dai; dawak tatuna yulni as dakanayang dai, dawak sihm trumpit puhwa kapat atna dai, aput yayulna: “Akat ilwa aiwah dawak yang lawik namangkanayang karang adika usnit kat ais kalahwarang balna dini kidika.”
2Kidika minitni yakat Spirit parasni dinityakat watnayang dai, dawak kisang yakat trun as lakna sakkat talnayang dai, dawak kidika tronni yakat muih as yalahna sakdai. 3Trun yakat yalahna sakdai kidika muihni laih sihm kipala bulni kapat dai kidik awaskat kipala paisa sa kapat dai, dawak trun yaihnit kidika laih wayauli as duwa dai sihm sangni dibasta kapat yaringni dahlwa dai;#Ez 1:26-28; 10:1. 4trun kidika yaihnit yakat trun balna ūk 24 bangdai, kidika tronni balna yakat muihbararak 24 yalahna bangdai: praknina pihni kana bang dai dawak tunanina yakat laih gol kraunni kat pakna bangdai. 5Trun kidika kaupak alwana lapwi, yul balna#4.5 Yul balna: Y.y. di parasni yulwa balna kidika. dawak alwana#Ex 19:16; Rib 8:5; 11:19; 16:18. bik kalahwa dai; dawak trun kidika tanityakat kuhpau tiaskaubu dadahlwadai,#Ez 1:13. kidika balna laih Papang spiritni balna tiaskaubu kidika ki.#Zac 4:2; Rib 1:4. 6Trun kidika tanityakat bik sihm kuma kapat bik as pakdai, yaringni lāih sihm batal kapat dai.#Ez 1:22.
Trun sakdai kidika papus yakat, dawak yaihnit yakat, di sangninaka duduwa arungka raudai muhnitna dawak dangnitna kidika bik miniknapa manah duduwa dai. 7Di sangnika duwa tatuna kidika laih sihm layan kapat dai, usnit kidika laih turuh almuk kapat dai, bās kidika laih muih muhni duwa dai, dawak arungka kidika laih sihm yakal yaklauna wit kapat dai.#Ez 1:5-10; 10:14. 8Di sangnika duduwa balna kidika laih lawanina tiaskauas as duduwa dai, dawak ahni yakat dawak pasyakat bik miniknapa mahni duduwa dai.#Ez 1:18; 10:12. Dawak madah dawak pukta bik aput yuyulwa kidika dadawas dai:
“¡Holi, holi, holi ki Dawan laih,
Papang parasni bitik duwa kidika,#Is 6:2-3.
muhnilau kau dai kidikadawak warminitni kidikadawak kaiwarang kidika!”
9-10Kidika sangninaka duduwa balna kidika yaklau trun kau yalahna sakyakat, ban kaput sangka atnin, alasnina yaksihni, rispik dawak tingkih lani bik kalalawa mani kat, muihbararak balna 24 kidika witing muhni yakat limbabahwi ayangni tanit nuhni yayamwi dawak kraunnina kidika trun muhnityakat ruhmlakwi aput yuyulwi:
11“Man laih barangniman,
Dawan dawak yangna Papangkina,
alasna yaksihni, rispik dawak parasnikidika bik dunamki,
kat man lawa di balna bitikyamnaman bahang;
man kulnam lani kalalahna dawak bikkakalna.”
Currently Selected:
Ribilisan 4: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
