Salmos 80
80
¡Mamakpa yamni karak maitalah!
Coro sumalniyang kaupak, sulumtah puluni tiunni kapat. Asaf witing yulni dawak salni.
1Israel sīpni maintalyang balna,
José yakat tinglau kapat tanituna āwa duyawaman kidika,
querubin balna minitna yakat yalahnam dutaman kidika,#Ex 25:18-22; 1 Sam 4:4; Is 37:16; Ez 1:26-28.
¡dakah!
¡Mamakpa yamni kau talah Efraín yakat,
2Benjamín dawak Manasés yakat bik!
¡Sahmuhta aiwa yanalaihta yaktah man parasma kau!
3Papang,
¡maiyamtangkat muhnilau dai kapat mawang!
¡Mamakpa yamnikau maitalah kaput laih yanalaihwi yaknakarang!
4Dawan, man parasma bitik dutaman kidika,
¿mampatkat kulnamdaukalna sakman kidika damayah
man tawanma minityulwa kidika karak?
5Di kasnikna pāni yakat makwas yananaman;
dinin kidika laih makwas dahni palni yananaman.
6Yaihkitnakau balna sarahni yanayulnin yakat yanawirlanaman,
dawak yangna waihkinala balna kidika nikingna kakari.
7Papang parasni bitik duwa kidika,
¡maiyamtang kat muhnilaudai kapat mawang!
¡Mamakpa yamnikau maitalah kaput laih yanalaihwi yaknakarang!
8Egipto kaupak wain as yaknaman:
man yakat matatalwas balna yakat rumhnaman, dawak bik dahsaknaman.
9Sauni kidika klin yamnamandai,
dawak wain kidika rikni duna, kaput laih kidika sauni bitik yakat bunghdana.
10Witing dinit kau sanni kidika kau asangpas balna yakat sanni dianadai
dawak pan balna nanaini yakat bik tingni rahnikau muknadai.
11Tingni rahni balna kidika kuma katbik kalahwi kiunadai,
dawakat ukuswi kalahwa balna kidika Éufrates wasni kat kiunadai.
12¿Ais yamta daklana kidika tuklaknamanh,
datangkat wain kidika dadakwi
ta munah muih bayakwih?
13Siwi yaklauwi daukalwi;
¡dawak asangpas dini anyang balna yaklauwi kakaswi!#Is 5:1-7.
14Papang parasma bitik dutaman kidika plisma watta nawatta aiwah;
yamni talah makau kisang kaupak
dawak adika wainni panan yakat kalkulta awah,
15man kidika wainni dahnaman kidika,
dawak sulani kalahwa kidika bik man lawa kalanaman kidika.
16Kulnam daukalna kau dismuktah dakwi bubuswa muihni balna yakat;
17kaunah muih al as yakta dunaman kidika ilp kalatah,
al walanibis man lawa kalanaman dai kidika yakat,
18dawak wat as bik man kaupak īslawas awanaki.
¡Sangkinaka yanatah, dawak man yakat manah ayangma yulta awanaki!
19Dawan parasma bitik dutaman kidika,
¡yamtangkat muhnilaudai kapat awanakuh!
¡Mamakpa yamni kau yanatalah, dawak yangna yanalaihwi yakna karang!
Currently Selected:
Salmos 80: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
