Salmos 70
70
Sirihni aiwa ilp yatah
(Sal 40:13-17)
Coro sumalniyang kaupak. Devid kaupak, isning katna atnin di baykna balna kidika.
1Yang Papangki, ¡aiwa yalaihta yaktah!
Dawan, ¡sirihni aiwa ilpki awah!
2¡Witingna kidika niningnakakarana karang
ya inin yayamwa balna kidika!
¡Yakasaldi kikirang
yang kau dutni yayamnin kukulwa balna kidika!
3¡Yakasaldi kikirang
yang kau sarahni yayuyulwa muihni balna kidika!
4Kaunah muih bitik man yakat mawawalwa balna kidika
alasna duduna karang
man lawa dilaihta yaknam kukulwa balna kidika
witingna ninihng ban kaput yuyulwang: “¡Papang laih nuhni ki!”
5Dawak yang laih mikunni, kulnik bukna adika,
yang Papangki, ¡sirihni aiwa ilpki awah!
Man kuduh ilp yataman, dawak yalaihta yaktaman,
¡baisa nai watwinih Dawan!
Currently Selected:
Salmos 70: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
