Salmos 56
56
Papang yakat kulnik ātik dutayang dawak ayangni nuhni yamtayang
Coro sumalniyang kaupak, “Pa naikau daniwan dauh buhnituku” tiunni. Devid yulni damni, Gat sauni yakat Filistain balna kal-laihwak ulna kidika.#1 Sam 21:13-15.
1Mikun yatalah, yang Papangki,
muih yalaihnin ya-uhuiwi;
awar bitik yakat yakalbauwi dawak yatataihwi.
2Awar bitik yakat waihkila balna kidika ya-uhuiwi yalaihna atnin;
mahni palniki nikingkauh yakalbabauwa kidika.
3Yang yamadutayang kidika yulni,
man yakat kulnik ātik dutayang.
4Papang yakat kulnik ātik dutayang,
dawak yulni balna kidika nuhni yamtayang;
Papang kulnik ātik dutayang, bahang yamadutasyang.
¿Ais yayamnin sipyah muih al kidika?#Sal 118:6; Hib 13:6.
5Awar bitik yakat, witingna tunina kau dalani yayamwi;
dutni yamnin kidika manah kukulwi.
6akat bik dawak kut yakat bik yakmamaldi,
yauiwi uiwi,
yaīna atnin yulni.
7¿Witingna alas dutnina kidika kaupak yaklalawarang katpah?
Papang, man kulnam daukalna kau, tawan balna kidika sau yakat laktah.
8Yang watyapak irayang balna kidika kulta talaman;
dawak mikwas balna bitik laih talaman.
¿Man wauhmataya yakat ulta dutasman katpah?
9Yang waihkila balna kidika naikau kalalahwarang
man yakat ilp yulki kat.
Yang amanglatayang Papang laih yangkarak ki.
10Dawan yakat kulnik ātik dutayang,
dawak yulni balna kidika nuhni yamtayang;
11Papang yakat kulnik ātik dutayang, bahang yamadutasyang.
¿Muih al kidika ais yayamnin sipyah?
12Pramis yamnayang kidika manyak Papang,
ayangma nuhni yamnin kau yamna awaki,
13kat daunin kaupak yalaihta yaknaman bahang,
kat yang kahrwak buknik kaupak yalaihta lanaman bahang,
man sangmaka yaringni yakat lik-atnin yulni,
Papang muhni tani yakat.
Currently Selected:
Salmos 56: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
