Salmos 4
4
Papang yakat rahm makulnin ānin
Coro sumalniyang, kaupak paswi yakisdinin dini balna. Devid salnimo.
1Papang yang takit dakyang,
¡mayultingkat nangkitlatah!
Man, aidingkat kulnik ingni yamnamandaih,
¡dawak mikun yatalah, mikityultayang kidika dakah!
2Manna muih nunuhni kaldakamana kidika,
¿mampat kat riskipik yakat ustamana kidika datanamayah?
¿Mampat kat dukih manawak waltamana datanamayah,
sins lani as bik dis kidika,
dawak alas manah kidika?
3Amanglatanauh, Dawan dukih kalawi muih al witing yakat barangni muihni yakat;
dawak amanglatanauh, yang Dawan yakat kalyultingkat yadakawi.
4¡Manayukwang dawak watta dutni yayamwinih!#Ef 4:26.
Alangwa ap data
man kulnamna kidika laihta talnauh;
5kulnamna yakat alas dis sakripais yamtanauh,
dawak Dawan yakat kulnamna atanauh.
6Muih manas yuyulwi: “¿Kidika alasnina wais manikingkawarang yah?”
¡Dawan mamakpa yamni karak maitalah!
7Man lawa ising yakat baisa alasna ānaman,
muih balna plawar minik mahni duduwa balna alasnina karak tanit.
8Yang alasna alangwik, mahka amayang,
kat Dawan man lawa yatang kat isinglak sangkayang.#Sal 3:5; Pro 3:24.
Currently Selected:
Salmos 4: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
