Proverbios 22
22
1Tanit yamni ki muih balna yamni maikukulwarang kat
gol dawak lalah manas dunin karak dawakat.
2Duyang dawak minikunni kidika di as yakat kapapatki,
bupak Dawan yaklauwi yamna bahang.#Pro 29:13.
3Isningpuk muihni kidika yamadangni kaiwak yaklawi;
isningpuk awas kidika laih tanit yakat kiwi
dawak dalani wauhwi.#Pro 27:12.
4Dawan yakat rispik lani dawak limahni atnin kidika
laih minit duaiwi ritsni, risnipik dawak sangka atnin.
5Muih dutni tanipas yakat laih laihnin dini
malnikau āna kidika manas ki;
kaunah sangnika maintalwa kidika laih, kallaihwaski.
6Yamni sumaltah, warmani walanibis balna kidika,
yahan mani muihbarak kalwarang kidika dawas karang ki.
7Muih miniknakunni pasyakat di duyang kidika laih king;
dawak tras duduwa kidika laih, muih kau lalah wayaki diayang.
8Dutni dahwa kidika laih, dutni minik bahwi;
¡Dawan kulnin daukalna panani kau dispamwarang!#22.8 ¡Dawan kulnin daukalna panani kau dispamwarang!: wirlana kidika yamni kapat ki. Hibru kau laih amangladas ki.
9Muih ūk yakat minikun talwa kidika, blisin duwarang
dini kasnin muih miniknakunni karak sahwi duwa kidika.
10Tapdadas yakpamwa kidika laih, dakwi kalahnin dis dawi
kalbilnin dawak kalusnin bik dis dawi.
11King yamni talwi, muih isning yamni kidika,
yul yamni bauwa kidika kulnin yamni kidika kalawi.
12Dawan laih sins duyang yakat kaltalwi
dawak alas muihni yulwa kidika lāih yakwi.
13Baskiwah kidika wark kalahnin awas yulni
di sat sat yulwi
bahang tapas yakat layan sakki, kalkaskuhti.#Pro 26:13.
14La bahyang yal kungnimak laih pa kudungni kapat ki
bahang Dawan ladituhwa kidika balna yakat kakawi.
15Tapdadas kidika laih wawahma balna kulninna,
kaunah bauwakat kidika kau barangni kalalahwi.
16Rits alahwakuhti muih minikunni yakat taihwa kidika
kidika awaskat rits muihni yakat kalawa kidika,
laih ban minikunni kalwarang.#22.16 Rits...minikunni kalwarang: wirlana kidika yamni kapat ki. Hibru kau laih amangladaski.
Sins duyang balna yul 30 yuyulna kidika
17Sins duyang balna yuyulna kidika yamni dakah;
masumalna kidika yamni kulta talah.
18Kulnam yakat apakta dutah, yamni dukih mawarang
dawak bitik watta libitta yulnam.
19Warmani mating amanglama
kaput laih kulnam kidika Dawan yakat āta duma.
20Sins lani 30 maulnayang
yul sumalna dawak sins lani,
21di rahm kidika masumalting lan alahwanam,
kaput laih wais mayulwi dakawak#22.21 Mayulwi dakawak: grik kau kaput ulna. Hibru kau laih yulwi masihwarang. yamni kalyulnam.
- 1 -
22Muih minikunni kidika minit bayak kalyamwinih,
sip awas balna kidika wihta balna muhnina yakat#22.22 Wihta balna muhnina yakat: Y.y. dūr yakat (tawan nuhni) kidika yakat wihta balna yalahwi la yayamwadai. taihwinih,
23Dawan yaklauwi kalahwi nanitdakwarang
dawak taihna karang, taihyang muihni yakat.
- 2 -
24Kaltalyang yamni kalahwinih
muih kulninna dutni balna karak,
25di dutni yayamwa kidika lan alahwama
dawak wah kidika damamak yakat āma.
- 3 -
26Man launin yulwinih
muih trasni kidika,
27ais kau launin disman kat,
payahtaman pāni bik dakyakwarang.
- 4 -
28lain balna kidika ūk āwinih
muihmabararak balna yaklauwi ahana kidika.#Dt 19:14; 27:17; Pro 23:10; Os 5:10.
- 5 -
29Muih warkni yamni yamwa kidika,
king dini yamyang yakat sakkarang
muih dauh yakat laih awaski.
Biblia Sumo
Texto © Sociedad Bíblica de Nicaragua 1998