Lamentaciones 5
5
Kaidana singka
1Dawan, ismangkatta, yangna yakat yanakalahna kidika;
yanatalah, ampat yanauhuswih.#Sal 44:9-26; 74; 79.
2Yangna dikina balna bitik dai kidika
warmani tringsar balna tingnina yakat ki;
waralaih ūkina balna kidikatringsar balna duduna.
3Warau yangna, papang dis;
yangna nanangkina balna laih tingmak kapat ki.
4¡Yangna silp waskina dai kidikabakantik dinikna ki;
yangna silp kuhkina dai kidikabakantik binikna ki!
5Dininamak yakat pan ilwi sisitna;
yanasuhna, kaunah yanadawak yakurupdas yangna.
6Di kastiningkat yanabung kalnin kat, tingkina yunikna ki
Egipto muihni balna dawak asirio muihni balna yakat.
7Yangna papangkina balna kidika dutni yayamna,
kauna witingna uman diski,
dawak yangna witingna pātnina balna kidikatruktayangna.
8Waradika laih muih dinina yamyang balna dai kidika yaklauwi yanatataihwi,
dawak muih as bik diski, kidika balna tingnina kaupak yanalaihwi yaknin.
9Kasnikna kidika yaktayangna,
sangkinaka kidika yamadangni yakat atik kat
kauhmak wanilang kau kalbauyang balnabangkidika karang bik.
10Ukinatak kidika laih daihwi
sihm plawar busnin pāni kidika kapat,
yamah yanabuswa kidika yulni yuh bik dautayangna.
11Sayan yakat dawak Judá tawanni nunuhni balna yakat
yayal dawak walabis yayal balna kidikabik laihwi dutni diyayamna.
12Takina tuna balna kidika yakat
laihwi panting kau tingnina yakatsitwi mur'ihilna,
muihbararak balna kidika risninapikdiayawas ki.
13Muih ahal tanit pararasni balna kidikapapakwak kiwatak titikna;
wawahma balna kidika laih kuh truknin papakna.
14Tawan nuhni yakat muihbararak balna kidika diski;
wawahma balna unbabauwak dakadaski.
15Isingna yakat alasna kidika diski;
alasna dutik ubutayangna dai kidikabik dahnkalna kulnin bukna yakat.
16Tunakina kaupak kraunkina kidika bukna;
¡alakaih yangna, dutni yamnayangna kidika!
17Kidika bahang putkina minik kidika siknis duwi;
kidika bahang miknapa pukni kalwi.
18Sayan asangni kidika laihdaukalwi bahwi uhna as ki;
kidika yakat wassala yayal balna kidika uiwi aiwi ahawi.
19Kaunah, Dawan man laih ban king āwaman;
¡trunma yakat nining ban kaput sak-awama!#Sal 102:12; 145:13; 146:10.
20¿Ampadawak ban kaput damatkahwarang yahyangna adika?
¿Ampadawak yanaruhta damayah, ma mahni?#Sal 74:1.
21¡Dawan, yanayamtang man yakat nawattanakuh,
bahang nawattik aiwanaki!
¡Yamtang kat sangkinaka kidikamuhnilau dai kapat dawang!#Sal 80:3-7; Jr 31:18.
22Kaunah man laih bitik palni yanaruhta danaman;
yangna nikingna yakat kulnam daukalna kidika nuhni palni ki.
Currently Selected:
Lamentaciones 5: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
