Josué 21
21
Libait balna tawannina nunuhni balna
(1 Cr 6:54-81)
1-2Libait wanaihni tatuna balna kidi Silo yak uina, kidika Canaán sauni pīsni yak sumalyang Eleazar karak yulbaunin, dawi Josué, kaput bik Israel wanaihni sulani tatuna balna karak bik. Yakat diyuyulna dai: “Moses munah Dawan yaklau yulna tawan nunuhni balna yananawakat yalahnikna, dawak sauni yaihnit yakat turuh sahnin pāni bik duwa atnin, tukinaruh balna panina.”#Nm 35:1-8. 3Kaput dawak Israel balna yaklau witingna tawannina kaupak diayawadai dawi di sahnin pāni bik, Dawan ais yulna dai kaput.
4Pas tatuna yak libait pāni binina Coat kaupak aiwa kidi ais yak di bukwarang pa talna atnin. Coatita balna sumalyang Aarón sulani balna yak tawan 13 kidika di bukwa dai, kidika balna kidi Judá, Simeón dawi Benjamín sulani balna. 5Coatita ūk balna yak tawan salap kidika bukna dai, kidika balna kidi Efraín, Dan dawi Manasés sulani balna dai. 6Kidika usnit yak libait balna panina binina Gersón kaupak aiwa kidi yak 13 tawan balna kidika di bukwa dai, kidi balna laih Isacar, Aser dawi Neftalí sulani balna dawi Manasés sulani balna Basán kau bang yakaupak. 7Dawi libait balna tawannina binina Merari kaupak aiwa balna yak tawan 12 kidika di bukna dai, kidi balna laih Rubén sulani balna Gad dawak Zabulón kat sulani balna.
8Israel balna dawi libait balna karak tawan balna kidi wayahwi yayakna, dawak, tinglau sahnin pāni balna bik, Dawan yaklau amput yulna dai kaput Moses munah. 9Adika tawanni balna ayangni pakna karang kidi Judá dawi Simeón sulani balna yaklau diana dai, 10dawak adika balna kidi libait balna yak di bukna dai Coat pāni binina Aarón kaupak aiwa balna yak, kat witingna yak kidi pas tatuna yak di bukna dai bahang. 11Judá sauni asangni pasyak laih Quiriat-arba diana dai, yuldarang kat, Hebrón, muih al nuhni Anac#21.11 S.n 15 dawak S.d 13 yakat talah. sulani balna tawannina nuhni, tinglau sahnin pāni balna karuk. 12Kaunah adika sauni yaihnit pāni kidi Caleb yak kalalawadai Jefone walanibis yak.
13Hebrón kaupak minit kau bik muih iwi kiwi yakmaldi yaklanin pāni as dai, dawak adika balna dai sumalyang Aarón sulani balna yak diana tawannina balna kidi: Libna, 14Jatir, Estemoa, 15Helón, Debir, 16Aín, Juta dawi Bet-semes. Adika tawanni balna tiaskauarungka balna kidi di sahnin pāni bik duduwa dai. 17Dawakat Benjamín sulani balna yak diana dai Gabaón, Geba, 18Anatot dawi Almón, yuldarang kat tawan arungka tinglau sahnin pāni kauna, 19kaput bik yuldarang kat sumalyang Aarón sulani kidi bitik laih 13 dai, kidika balna bitik kau kidi tinglau sahnin pāni silp duduwang.
20Libait tawanni balna kidika Coat wanaihni balna yak sahwi yakwi diana dai, kidika tawanni balna kidi Efraín sulani balna panina dai. 21Efraín asangni pas kidi Siquem yak kalawa dai muih iwi yakmaldinin pāni wais muih iwarangkat yakat kiwi yakmaldinin dawak bik Gezer bik, 22Kibsaim dawi Bet-horón, yuldarang kat tawan arungka dawi di sahnin pāni kaupak duwa dai. 23Dan sulani balna laih Elteque dawak Gibetón, 24Ajalón dawi Gat-rimón kidika duduna, yuldarangkat tawan nunuhni arungka, kidika tinglau sahnin pani dai sihrsihr; 25dawak Manasés sulani balna papus wayah kidika balnalaih tawan nunuhni bu duduna, Taanac dawak Gat-rimón, tinglau sahnin sihrsihr duwa kidika bitik; di sahnin pāni balna kaupak; 26kidika bahang coatita balna tawannina kidi salap dai, di sahnin pāni balna kaupak duduna.
27Libait balna Gersón wanaihni balna yak tawan bu manah diayawa dai, kidika Manasés sulani balna kaupak dai, dawakat kidika balna kidi tinglau sahnin pāni bik duwadai: Golán kidika Basán yak sakdai, kidika pāni kidi yakmaldinin pāni kapat dunin dawi Beestera bik. 28Isacar sulani balna kaupak Cisón, Daberat kidi diana, 29Jarmut dawi Enganim, yuldarang kat tawan arungka dawi tinglau sahnin pāni kaupak duwadai. 30Aser sulani balna kaupak laih Misael, Abdón, 31Helcat dawi Rehob diayana dai, dawak bik tawan arungka dawi tinglau sahnin pāni kauna. 32Neftalí sulani balna kaupak tawan bās diayana dai tinglau sahnin pāni bik: Cedes Galilea yak sakdai kidi laih yakmaldinin pāni kapat dunin, dawak Hamot-dor dawi Cartán; 33kidika bahang gersón muihni tawannina balna kidi 13 dai, bitik kau laih tinglau sahnin pāni duwa dai.
34Libait pāni binina kidi baisa laih di watwa dai, yuldarangkat Merari wanaihni balna yak Zabulón sulani kaupak diayana dai: Jocneam, Carta, 35Dimna dawi Naalal yuldarang kat tawan arungka dawi tinglau sahnin pāni balna kauna. 36Rubén sulani balna kaupak laih Beser, Jahaza kidi diana dai, 37Cademot dawi Mefaat, yuldarang kat tawan arungka dawak tinglau sahnin pāni balna kauna. 38Gad sulani balna kaupak diayana dai Ramot Galaad kidika laih yakmaldinin pāni as kapat, Mahanaim, 39Hesbón dawi Jazer, yuldarang kat tawan arungka tinglau sahnin pāni balna kaupak diana dai, 40bang yuldarang kat libait balna tawannina yak di bukna kidi, yuldarangkat Merari wanaihni balna yak tawan 12 dai bitik kat.
41Libait balna saunina Israel balna saunina pasyak kidi 48 dai bitik kaupak, bitik laih tinglau sahnin pāni bik duduwadai, 42kidika balna kidika balna pāni kidi tawan yaihnit ula awaihdai, pāni balna bitik kau laih kapapat manah dai.
Dawan laih barangni ki
43Kaput laih Dawan yaklau Israel balna yak sau pīsni nuhni as diana witingna muihnina barak balna kau pramis yamwa dai kaput, kidika bahang witingna yakat yalalahwa dai. 44Dawan pramis yamna dai kidika kaput yamwadai dawi sauni pis yak bik pri lani diana, waihnila balna bik witing nining kau yaklaunin sip awasdai, Dawan yaklau minit bayakna lani kidi diana. 45Dawan yaklau ais pramis yamna dai kaput yamwa dai, yulni balna yulna dai kidika as bik dawak bayakwas dai, bitik kau palni kaput yamna.
Currently Selected:
Josué 21: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
