Josué 12
12
Moses duna balna bitik aslah uduhna kidika
1Kidika kingni balna kuduh Israel balna yaklauwi minit bayayakna dai, Jordán makilwa nining yak, dawak sauni balna kawi duduna dai kidika Arnón wasni kaupak Hermón asangni kat, Jordán sauni langni ma kilwa nining sauni pīsni bitik:
2Sehón, amorreo kingni balna Hesbón yak yalalahwa dai. Witingna king kakawa lani kidika laih Aroer kaupak Arnón wasni kung munah, dawak sau langni kidika papaus munah, Jaboc wasni kat, kidika yakat laih uman amonita balna saunina kawa dai, (yuldarang kat Galaad papusdak praisni kapat), 3dawak sihm kaput bik Jordán ma kilwa nining sau langni yakat duduna dai Cineret lakunni kaupak Kuma Dauna kat, Bet-jesimot nining yak, dawak wadah nining pīsni asangni Pisga kat.
4Basán kingni Og, witing kidika refaíta muihni kamanah watna dai, bahang Astarot dawak Edrei yakt yalalahwadai. 5Witing duwa sakdai kidika kuduh Hermón asangni kaupak dawak Salca kaupak dawak Basán sauni bitik kaupak bik, Gesur sauni dawak Maaca sauni kiwi watwa kat, dawak Galaad sauni papusdak kat bik, kidika laih Hesbón kingni Sehón sauni dai kidika.#Nm 21:21-35; Dt 2:26—3:11.
6Kidika Moses dawak Israel balna yaklauwi adika kingni balna yak minit bayayakna dai dawak Moses yaklauwi adika sauni balna kidika Rubén sulani balna dawak Gad dawak Manasés sulani papusdak yakat diawadai.#Nm 32:33; Dt 3:12.
Josué kawi duna balna bitik aslah uduhna kidika
7Kidika kingni balna kidika kuduh Josué dawak Israel balna yaklauwi minitna bayayakna Jordán wasni makawa sauni pīsni yakat. Baal-gad, Líbano sauni langni yakat, dawak Halac asangni yakaupak yaklauwi Seir kat. Josué yaklauwi kidika kingni sauni balna dai kidika sahwi yakna Israel balna yakat witingna silp silp dinina diyawadai. 8Sauni pini asang pas sak kidika, walang kidika, dawak Jordán sauni langni kidika, asang pas dauh sak kidika dawak walang kauhmak sauni kidika bik dawak bik Néguev yak. Adika sauni kidika kuduh hitita, amorreo, cananeo, ferezeo, heveo dawak jebuseo balna saunina dai.
9King balna sip-awas kalalahna kidika: Jericó kingni, Hai kingni, Betel yaihnit kau tawan nuhni kidika, 10Jerusalén kingni, Hebrón kingni, 11Jarmut kingni, Laquis kingni, 12Eglón kingni, Guezer kingni, 13Debir kingni, Gueder kingni, 14Horma kingni, Arad kingni, 15Libna kingni, Adulam kingni, 16Maceda kingni, Betel kingni, 17Tapuah kingni, Hefer kingni, 18Afec kingni, Sarón kingni, 19Madón kingni, Hazor kingni, 20Simrón-Merón kingni, Acsaf kingni, 21Taanac kingni, Meguido kingni, 22Quedes kingni, Jocneam Carmelo kingni, 23Dor kingni, Dor sauni sahyakna kidika kingni, Gilgal kau Goim kidika kingni 24dawak Tirsa kingni. Bitik kat king 31 dai.
Currently Selected:
Josué 12: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
