Job 41
41
1 # Sahyakna b. 41:1-34 kidika balna laih libitna ki sahyakna b. 40:25—41:26 hib. kau ulna yakat.Leviatán kidika#41.1 Talah 3:8 yakat.,#Job 3:8; Sal 74:14; 104:26; Is 27:1. ¿kuyuhl kau pammayah?
¿Witing tuni kidika sitmmayah wah kau?
2¿Sip awamah, nangnitak munah wah lanam
kidika awaskat kananmak munah pan rahni kau uhrlanam?
3¿Man kalma dinit yakat bukwi yulwarang katpah, witing yakat minikun talnin,
dawak bik kalma dinit yakat bukwi yul yudutni kau mayulwarang katpah?
4¿Man lawa kalyamtang kat pramis kalahwarang katpah
sangnika bitik yakat, man dima yamyang atnin?
5¿Witing karak isdamah, sihm uhubin as kapat?
¿Walamabis yal dini yakisdinin duwa kau sitnin kapat sitmah?
6¿Witing yulni limbabahwi lapapakwarang katpah, di bakakanwa pāni balna yakat?
¿Muihni kidika dakwi dawi wauhwi bakakanwarang katpah?
7¿Unitak kidika sibang kau pāta ahlma katpah,
kidika awaskat tunan yakat suksuk kau pāta ahlma pa?
8Tingma kidika witing minit yakat dulauma kat,
makalbauwarang kidika damatkahwas karang,
dawak watta bik yamtas awama.
9Leviatán talma kidika manah,
wais karangbik talwi yamaduwi sangka dauwarang.
10Muih as yaklauwi witing yakat uswarangkat, kulnin daukalwi;
muih as bik diski niningkauh yaklaunin.
11¿Wais kat niningyakat yaklauwi, witing yamni kalahwi kiwarang?
¡Muih as bik diski#41.11 Muih as bik diski: kaput ulna kidika yamni kapat ki. Hibru kau laih yang diki witing. sau bitik akat!
12Kalni balna yultayang kidika laih datas awaki
parasni duwa kidika laih di ūk diski kapat.#41.12 Di ūk diski kapat: kaput ulna kidika yamni kapat ki. Hibru kau laih amangladaski.
13¿Wais sipyah unitak duwa kidika takwi yaknin,
kidika awaskat nanitdaknin tubakni lalam#41.13 Nanitdaknin tubakni lalam: grik kau laih kaput ulna. Hibru kau laih laihwatnin dini. bu kidika ahlwi lanin?
14¿Wais sipyah tinpas kidika takahnin,
anani manah yamadangni duwa kidika?
15Dangni#41.15 Dangni: sara kau ulna balna yakat kaput yulwi. Hibru kau laih witing manah kapat kaldakanin kidika. kidika laih nanitdaknin dini balna manah parna tuski
dawak kidika dini balna laih dadasni kipala kapat ki.
16Libibitni palni ki,
wing bik sip-awaski bayaknin kidika munah.
17Libitni palni biri biri āwi kasna,
muih as bik sip-awaski kidika kaupak silp silp laihwi yaknin.
18Kalisahmwa kidika laih alwana lapwa kapat ki;
minikpa balna kidika laih yaringwi, sihm mapiris kat ma kilkaiwa kapat.
19Nangnitak kaupak kuhpau manah dahlwi kalahwi
dawak kuhpau raiwi kalahwi.
20Nangnitak kaupak wayau kalahwi,
suba paskaupak was lahwak#41.20 Was lahwak: sara kau ulna bu kidika balna yakat kaput yuyulwi. Hibru kau laih juncos. wayau kalahwa kapat, kuh paskaupak.
21Wingnita puhwa kidika kuh tuturni dahlwi,
dawak nangnitak kaupak kuh dahlwi kalahwi.
22Dinimak kidika parasni ki
bahang witing niningyakat di bitik yamaduduwi.
23Witing muihni kau kiwisni duwa balna kidika
dadasni ki, sip kāwaski ayan buswi dadasni yamna kapat.
24Putni minik kidika dadasni duwi kipala kapat
dadasni ki kiwatak kapat.
25Witing yaklauwakat, dawan dauh balna kidika muihsakdauwi kikiri
kiri uiwi muihsak manah dibahngilwak.
26Isparah, langsa, sibang, kidika balna bitik
di awaski witing niningyakat kalbaunin.
27Witing niningyakat, ayan kidika laih dibasta kusuni kapat ki,
dawak bras kidika bik pan dutlana kapat ki.
28Sibang kidika yaklauwi kalyamwak kiraski;
niningyakat kipala ruhmnin kidika laih, dibasta kusuni ruhmnin kapat ki.
29Amar nuhni kau bauhnin kidika laih sihm suku panan kau wisnin kapat ki;
langsa balna kidika kaiwi bayakwak dakawi kari.
30Witing sau yakat kalmurwi kiwakat, sau yakat kudungni yamwi kiwi,
sau tuknin dini baini kau tukna kapat.
31Kuma tuhni kidika kalawak suba kau was lahwa kapat yamwi;
kahnin sinika bahawi kawaihwa subani kapat.
32Was yakat dawakat luhusni kidika kalahwi kiwi
pihni yaringni bas pihna kapat.
33Sau akat diski, sihm kapat;
kaput kalyamna yamadangni dakanin awas.
34Di tanit dudutni balna niningna yakat bik yaklauwi,
dawak witing kidika laih di anyang balna bitik kingnina.
Currently Selected:
Job 41: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998