Job 37
37
1Wing bauwa kidika talingkat, ising adika parasni wark kalahwi
yang paski kaupak kalahwarang kapat yamwi.
2Dakanauh, Papang dinitsuru parasni yulwa kidika,
alwana kalahwa kidika witing tinpas kaupak.
3Witing yaklauwi kalawakat kisang kau kidika bitik yakat alwana lapwi
dawak sau sutni nakaskaupak nakas ūk kat.
4Tihn dawak di parasni as yulwak dakana ki,
witing king dinitsuru parasni kidika yulwak;
dawak alwana kidika yulwak dakakawi,
alwana lapwa balna#37.4 Alwana lapwa balna: kaput ulna kidika yamni kapat ki. Adika yulni Hibru kau laih kalahwasi. kidika dawas ki.
5Papang witing dinitsuru kidika kalawak parasni yulwak,
taldas dini kidika kalahwi;
di nunuhni kalahwi, bahang sip amangladas ki.
6Pakwak, mukus pihni kidika sau minit yakat bukwi
dawak kalawakat was lauwa kidika parasni kaiwi bukwi.#37.6 Muih bitik amanglatanauh, witing kidika kuduh di yamwa kidika: sara kau ulna kidika kaput yulwi. Hibru kau laih witing muih yamna balna bitik kidika amanglalawang.
7Witing yamwak muih balna kidika ūnina kat wawatwi,
dawak muih bitik amanglalawang, witing kidika kuduh di yamwa kidika.
8Asangpas dini balna kidika, panina sulihni yakat kakawi,
kidika yakat watwi yakmamaldi.
9Wadah niningkaupak wingbauwi kaiwi,
dawak tingpal niningkaupak sanni kidika kaiwi.
10Papang wingnita puhwa kidika kaupak was kidika sanni kalwak dadaswi
dawak was panuhni palni kidika sanni kalwi.#Sal 147:17.
11Witing yaklauwi mukus balna kidika was kalawi,
dawak bik yamwak kidika munah alwana lapwi kalahwi;
12lapwa kidika iringwi kiwi kisang yakat,
Papang yaklauwi pakwa kidika kaput kalahwi
sau bitik minit yakat.
13Kidika kaupak duwi, Papang kidika sau yakat wah kalawi
kidika awasbik witing kulnin dalani duwa kidika niningkawi.
14Job, kulnam laihwattah, dawak dakah,
Papang, witing di yamni balna yamwa kidika kultah.
15¿Man amanglatamahn, Papang kidika amput kidika balna bitik duwih,
amput alwana kidika yaringni lapwi mukus yakat?
16¿Man amanglatamahn, mukus kidika amput wing yakat likyah,
sinsni sirihni yamni palni kidika manikingkawi?
17Man prakma awanaman kidika daihni dauta sip-awasman
wadah niningkauh wingni kidika yaklauwi kalawak sau kidika kamakat.
18¿Man sipmahn, Papang yakat ilp kalanin kisang kidika baisa nuhni yamnin
sihm pahn as kapat dawitnin?#Gn 1:6.
19Manikingkatah, ais yulniknayah Papang yakat,
puksani yakat yangna, dawak yulnikna dini diski.
20Yang laih, witing karak yulbaunik dutayang kalatnik bik sip-awasyang,
kidika laih yadispamwang kaltiang kapat ki.
21Sip-awas ki ma yaringni kidika talnin
mukus balna kidika yaklauwi mamalwak,
kaunah wing wauhwak, kisang kidika lāih kalahwi.
22Tingpal niningkaupak gol yaringni kidika kalahwi
Papang king nuhni yamadangni kidika kal-awaihdak duwakat.
23Parasni nuhni bitik duwa kidika sip amangniladaski,
kat witing parasni kidika laih nuhni palni ki, dawak la kat ki
dawak bik barangni ki, muih as kau bik taihwas ki.
24Kidika bahang muih ahal kidika yamaniduduwi;
sins nuhni duyang balna kidika witing niningyakat dauh ki.
Currently Selected:
Job 37: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
