Job 35
35
Eliú yulbauna watbās kidika
1-2¿Job, la kat kapat talamahn, yultaman kidika
Papang yaklauwi rahmma kidika manin?
3Man Papang yakat kalyulnaman:
“¿Man ais kulmayah, yang dutni yamki kat?
¿Angdika dutni mawih#35.3 ¿Angdika dutni mawih...?: sara kau ulna umani bu kidika yakat kaput yulwi. Hibru kau laih ¿ais yamni as yaktayang...? yang dutni yamnayang kidika yulni?”#Job 7:20.
4Bahang, yang lawik nangmatlaki
man yakat, dawak man karak kaltalyang yamni mana balna yakat bik.
5Yamni talah makau kisang yakat,
talah, maluihni ampus duwih mamat kau mukus balna kidika.
6Dutni yamma kat, kidika laih Papang yakat dutni kalyamtasman;
dutni kidika mahni yamma bik, witing yakat di as bik kalyamtasman.
7Dawak, yamni yamma bik, witing yakat di as bik kalatasman;
witing yakat ilp as bik kalatasman.
8Kidika laih muih ahal man kapat balna yakat dutni diyamtaman
dawak kidika balna yakat kuduh warkma yamni balna kidika kaupak ilp duduwa kidika.#Job 22:2-3.
9Tikini ditaihwa kidika yulni muih ahal balna kidika sararahwi
dawak wawalwi dilaihwi yakna atnin, parasni nuhni duyang balna kidika kaupak;
10kaunah witingna wawalwaski Papang yakat, witing yaklauwi diyamna kidika,
witing yaklauwi parasni#35.10 Parasni: kaput ulna kidika yamni kapat ki. Hibru kau laih lawana balna. diawa kidika, tanit puksani awarni balna yakat,
11witing yaklauwi maisumalwi dawak bik manikingkawa kidika
asangpas dini, tinglau dawak uhu balna munah maisumalwa kidika.
12Sararahwi, kaunah Papang yaklauwi nangnitnalawas ki,
kat witingna laih ahal dudutni ki, dawak bik witingna manah kapat kaldakakawa bahang.
13Papang, parasni nuhni bitik duwa kidika,
di dauh balna kidika dakawas ki.
14Man Papang yakat talasyang timan bik,
tani tahata, man lama kidika witing muhni yakat sakki.
15Yultaman, witing kulnin daukalwas ki, dawak bik wah diawaski,
muih dutni balna yamna yakat uba talwaski.
16¡Job, kaunah man di yultaman kidika laih sins lani diski,
di mahni yultaman, kaunah sins lani tuhni kidika diski!
Currently Selected:
Job 35: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
