Job 32
32
Eliú yulbauna
(S.n. 32—37)
1Muih ahal bās kidika witingna tatalna Job kidika wat wat yulwi yulwa kidika witing laih di dutni as bik yamwas ki, bahang witingna biri biri yuyulwa kidika dadana. 2Kaput dawak al as ayangni Eliú, bahang witing laih Baraquel walanibis dai, Buzi balna kaupak, dawak Ram sulani, witing kulnin daukalna kidika Job niningyakat, sip laihwatwasdai, kat Job kidika wat wat yulwadai bahang witing dutni as bik yamwaski, dawak Papang yakat pātni kidika ilwadai. 3Kaunah kaput bik Job karak kaltalyang yamni balna bās kidika niningna yakat bik kulnin daukalna, kat witingna sip-awas dadana dai bahang Job yakat nangnitlanin kidika, bahang kaput laih Papang karak#32.3 Papang karak: kaput ulna kidika yamni kapat ki. Hibru kau laih yulwi, Job karak, yul malni kapat yulwa kidika. dutni kalalahna dai. 4Eliú kidika laih tanit wahma dai witingna pasyakat, bahang witing tahana dai as balna kidika tatuna Job karak yulbauwi dahn dadawak yulbauna atnin; 5kauna witing talwak as balna kidika sip-awas kalalahna dai nangnitlana atnin, bahang witing sip kulnin laihwatwas dai 6dawak mahka yulbauna.
Eliú yulbauna balna kidika
Eliú
Yang laih wahmayang, dawak manna laih muih bararak mana,
yang kulnik lani kidika sip yultasyang dai.
7Dawak kulnayang: “Yamwi talwi lan kalna kidika yulbauwang;
kurih mahni pasyakat sins nuhni duna kidika yakwi niningkawang.”
8Kaunah di rahm kidika laih muih ahal bitik laih di amanglalawi,
kat Parasni nuhni bitik duwa kidika yaklauwi spiritni diana.
9Kurih mahni kidika yaklauwi muih yakat sins duyang diyamwaski,
kungnibas duwa kidika yaklauwi di barangni amanglawa kalyamwas ki.
10Kidika bahang yulnayang: “Waralaih, yadakanauh,
kat yang bik di yulnik as dutayang.”
11Yang kidika yakat yamni dakasakyang dai
manna kulnamna lani yakta yultamana kidika,
yul tanit yayamni kidika waltanang manatalnayang,
12dawak talnayang, manna as bik
Job yakat kalatasmana dai yulni balna kidika lāih yakta.
13Kaput bahang manna sins nuhni duyang kaldakakawinih,
Papang, kidika laih muih al awaski, witing nangmatnalawarang.
14Kauna, Job yang akat yawalwaski,
dawak yang bik manna yamnamana kapat laih nangnitlatas awaki.
15Job, muih bās adika balna laih sinsnina disna
witingna yul diski man yakat nangmatlanin;
16kaunah man kulwinih yang ap daki, witingna ap dadawa bahang,
dawak bik nangmatlawas dadawa bahang.
17Adika yulni pas akat awaki
dawak yulki, yulnik dini dutayang kidika.
18Yul balna manah buhng yang
sip baisa laihwattasyang;
19tutnik manah ki,
sihm wain kidika di unitak wisam kat puna kapat.
20Yulbaunik ki, apis wingkita dunik,
wauhtaman yulni kidika manik ki.
21Muih as kau bik tanit yamni kalyamtas awaki
muih bitik kau kapapat diyamki.
22Di rahm kidika laih yang muih as kau bik tanit yamni kalyamnin kidika kulnik lani awaski;
¡Papang yaklauwi wah yawarang, yang kaput yamki kat!
Currently Selected:
Job 32: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Job 32
32
Eliú yulbauna
(S.n. 32—37)
1Muih ahal bās kidika witingna tatalna Job kidika wat wat yulwi yulwa kidika witing laih di dutni as bik yamwas ki, bahang witingna biri biri yuyulwa kidika dadana. 2Kaput dawak al as ayangni Eliú, bahang witing laih Baraquel walanibis dai, Buzi balna kaupak, dawak Ram sulani, witing kulnin daukalna kidika Job niningyakat, sip laihwatwasdai, kat Job kidika wat wat yulwadai bahang witing dutni as bik yamwaski, dawak Papang yakat pātni kidika ilwadai. 3Kaunah kaput bik Job karak kaltalyang yamni balna bās kidika niningna yakat bik kulnin daukalna, kat witingna sip-awas dadana dai bahang Job yakat nangnitlanin kidika, bahang kaput laih Papang karak#32.3 Papang karak: kaput ulna kidika yamni kapat ki. Hibru kau laih yulwi, Job karak, yul malni kapat yulwa kidika. dutni kalalahna dai. 4Eliú kidika laih tanit wahma dai witingna pasyakat, bahang witing tahana dai as balna kidika tatuna Job karak yulbauwi dahn dadawak yulbauna atnin; 5kauna witing talwak as balna kidika sip-awas kalalahna dai nangnitlana atnin, bahang witing sip kulnin laihwatwas dai 6dawak mahka yulbauna.
Eliú yulbauna balna kidika
Eliú
Yang laih wahmayang, dawak manna laih muih bararak mana,
yang kulnik lani kidika sip yultasyang dai.
7Dawak kulnayang: “Yamwi talwi lan kalna kidika yulbauwang;
kurih mahni pasyakat sins nuhni duna kidika yakwi niningkawang.”
8Kaunah di rahm kidika laih muih ahal bitik laih di amanglalawi,
kat Parasni nuhni bitik duwa kidika yaklauwi spiritni diana.
9Kurih mahni kidika yaklauwi muih yakat sins duyang diyamwaski,
kungnibas duwa kidika yaklauwi di barangni amanglawa kalyamwas ki.
10Kidika bahang yulnayang: “Waralaih, yadakanauh,
kat yang bik di yulnik as dutayang.”
11Yang kidika yakat yamni dakasakyang dai
manna kulnamna lani yakta yultamana kidika,
yul tanit yayamni kidika waltanang manatalnayang,
12dawak talnayang, manna as bik
Job yakat kalatasmana dai yulni balna kidika lāih yakta.
13Kaput bahang manna sins nuhni duyang kaldakakawinih,
Papang, kidika laih muih al awaski, witing nangmatnalawarang.
14Kauna, Job yang akat yawalwaski,
dawak yang bik manna yamnamana kapat laih nangnitlatas awaki.
15Job, muih bās adika balna laih sinsnina disna
witingna yul diski man yakat nangmatlanin;
16kaunah man kulwinih yang ap daki, witingna ap dadawa bahang,
dawak bik nangmatlawas dadawa bahang.
17Adika yulni pas akat awaki
dawak yulki, yulnik dini dutayang kidika.
18Yul balna manah buhng yang
sip baisa laihwattasyang;
19tutnik manah ki,
sihm wain kidika di unitak wisam kat puna kapat.
20Yulbaunik ki, apis wingkita dunik,
wauhtaman yulni kidika manik ki.
21Muih as kau bik tanit yamni kalyamtas awaki
muih bitik kau kapapat diyamki.
22Di rahm kidika laih yang muih as kau bik tanit yamni kalyamnin kidika kulnik lani awaski;
¡Papang yaklauwi wah yawarang, yang kaput yamki kat!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998