Job 31
31
1Yang la as dunayang
sirarau balna yakat dukih yanin-awas.
2¿Angdika, Parasni nuhni bitik duwa kidika
yaklauwi minit diawih makau kisang kaupak muih bitik yakat?
3¿Muih dudutni, dutni yamyang balna yakat
awasyah witingna dutni wauhnin kidika?
4¿Kidika awaskat Papang talwasyah yamtayang balna kidika,
dawak lapaktayang balna kidika bik talwayah?
5Yang rahm yultayang, kulnik dutni karak di as bik yamtasyang dai,
dawak muih as kau bik alas kalyulnik kultasyang dai.
6¡Papang yaklauwi paun yamni kau yahawang,
dawak witing amanglawarang yang dutni yamtasyang kidika!
7Ta barangni kaupak alahwik yawanayang kat,
dawak yang manah dukih yawa kidika yakat yaduwi kiuna kat,
dawak muih dinina as yang tingki yakat dutayang kat,
8yang dahnayang balna kidika muih ūk kakaswahng,
kaput bik dahnayang balna kidika rikni kau iswi dudutwang.
9Datingkat yal as kulnik laihna kat,
kidika awaskat yaihkit kau yalahwa yalni yakat pakdik talnayang kat,
10yalki kidika muih ūk warauni kalwarang,
dawak taldas muihni balna kidika witing karak kalalangwarang.
11Kat yang yamnayang balna kidika ayangni dutni duwarang,
bahang kidika wah dunin dini palni karang.
12Kaput laih kuh dahlwi buswa kapat karang,
yang yamnayang balna kidika bitik daukalna karang.
13Diki yamyang balna kidika di as yayuyulwakat,
witingna yuyulwa yakat yamtayang dai.
14¿Di as amput satuk Papang muhni yakat duyawinik daih?
¿Ais amput nangnitlanik daih, witing yang akat yayulwak?
15Sihm Papang kidika yaklauwi mananangki bānipas yakat maiyamna awasyah,
witingna yakat dawak yang akat bik sangkika yāna awasyah.
16Muih minikunni dukih kalawa kidika kalatasyang awasdai,
dawak bik datingkat tingmak balna kidika yuh wawauhwasdai.
17Yang manah dikastayang awasdai,
warau balna yakat diatas.
18Warau kidika papangki kapat diyamtayang dai;
tingmak balna nanitna daknin kidika laih yang dai.
19Yang talingkat muih as asna dis dauwakat,
kidika awaskat muih minikunni suruhmnin dis kat,
20yang sīpki balna butuni yakau diatingkat puihni dakawadai,
dawak yang akat tingkih yawa dai.
21Yang warau niningyakat lawasyang dai,
wihta balna karak yamniyang kidika munah.
22Dawak kidika yulni rahm awaskat,
tingki balna adika bahwang dawak salahki kaupak dakwi bukwang.
23Papang wahni kidika yamadutayang dai;
¡king muhni yakat sip-awasdai wauhna atnin!
24Gol yakat yang wat as bik kulnin atik dutasyang dai
dawak rahm bik kultasyang dai.#Sal 49:6; 52:6-7.
25Ritsni balna kidika mahni dunik kulnik yakat dutasyang dai,
kidika awas bik lalah mahni dunin bik kulnik yakat dis dai.
26Ma yaringni kidika talnayang,
waiku kidika yaringni bitik karak kil'kaiwakat,
27kauna kulnik dinit kau mikit yultasyang dai,
dawak umnin bik tingki kau yamtik sihtasyang dai.#Dt 4:19.
28Kidika laih wah dunin dini palni dai;
¡kidika laih Papang makau kisang kau sakkidika yakat kulwas atnin lani!
29Yang wat as bik waihkila kidika dutni yakat bukwak alasna dutasyang dai,
kaput bik witing minit yakat dutni as kiwakat.#Pro 24:17.
30Wat as bik witing minit yakat la kaltuhtasyang dai,
dawak dauwak talnik bik kultasyang dai.
31Muih as as yang karak yalalahwa muihni balna kidika yaklauwi,
pa ūk muihni balna yakat dutni diyamnin kukulna,#31.31 Pa uk muihni...diyamnin kukulna: Job yulbauna balna kidika tanka walyang balna yuyulwi kidika laih, pa ūk kaupak aiwa kidika balna yakat laihwi duwi payayahwadai, sihm Sodoma dawak Gomorra dai kapat. (Talah Gen 19.)
32dawak datingkat pukta kidika witingna ahni yakat payayahwas dai.
Muih pa ūk kaupak aiwi bayayakwa balna yakat ūki dūrni kidika apahni dai.
33Yang dutni yamnayang balna kidika maltasyang dai,
muih ūk yayamwa kapat, dawakat malni yakat bik dutasyang dai
34muih yamaninadutik.
Yang ūki payakat āwik dūrki puttik ap datasyang dai,
wanaihki balna di dauh as kapat yakukulwarang kidika yulni.
35¡Yamni karang muih as yadakawa katlaih!
Yang yulnayang balna kidika ulnayang bik ki, alas awas atnin yulni;
waradika laih, ¡Parasni nuhni bitik duwa kidika nangkitlawang!
Yang dutni yamnayang kat yulki balna yakwi yuyulwa kidika ulwi yayuyulwang,
36yang dutik yawana awaki,
dawak yang tunaki yakat pakki.
37Yang Papang muhni yakat duyawana awaki di yamnayang balna bitik kidika,
rispik lani karak yaihnit yakat yawaki.
38Yang sauki balna kidika makau kisang yakat kiwi yulwaski nikingkauh,
dawak dahna balna kidika bik kulninna bukwak kakaidas ki.
39Kauna yang muih as dini malnayang kat,
kidika awaskat yamak warkni yamyang balna dinina dakyaktik dunayang kat,
40¡yang sauki kidika plawar minik yaknin pāni yakat wakal ukuswarang,
dawak dibasta dudutni balna bik ukusna karang cebada ukusnin pāni yakat!
Kidika yakat Job yulbauwidana.
Currently Selected:
Job 31: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Job 31
31
1Yang la as dunayang
sirarau balna yakat dukih yanin-awas.
2¿Angdika, Parasni nuhni bitik duwa kidika
yaklauwi minit diawih makau kisang kaupak muih bitik yakat?
3¿Muih dudutni, dutni yamyang balna yakat
awasyah witingna dutni wauhnin kidika?
4¿Kidika awaskat Papang talwasyah yamtayang balna kidika,
dawak lapaktayang balna kidika bik talwayah?
5Yang rahm yultayang, kulnik dutni karak di as bik yamtasyang dai,
dawak muih as kau bik alas kalyulnik kultasyang dai.
6¡Papang yaklauwi paun yamni kau yahawang,
dawak witing amanglawarang yang dutni yamtasyang kidika!
7Ta barangni kaupak alahwik yawanayang kat,
dawak yang manah dukih yawa kidika yakat yaduwi kiuna kat,
dawak muih dinina as yang tingki yakat dutayang kat,
8yang dahnayang balna kidika muih ūk kakaswahng,
kaput bik dahnayang balna kidika rikni kau iswi dudutwang.
9Datingkat yal as kulnik laihna kat,
kidika awaskat yaihkit kau yalahwa yalni yakat pakdik talnayang kat,
10yalki kidika muih ūk warauni kalwarang,
dawak taldas muihni balna kidika witing karak kalalangwarang.
11Kat yang yamnayang balna kidika ayangni dutni duwarang,
bahang kidika wah dunin dini palni karang.
12Kaput laih kuh dahlwi buswa kapat karang,
yang yamnayang balna kidika bitik daukalna karang.
13Diki yamyang balna kidika di as yayuyulwakat,
witingna yuyulwa yakat yamtayang dai.
14¿Di as amput satuk Papang muhni yakat duyawinik daih?
¿Ais amput nangnitlanik daih, witing yang akat yayulwak?
15Sihm Papang kidika yaklauwi mananangki bānipas yakat maiyamna awasyah,
witingna yakat dawak yang akat bik sangkika yāna awasyah.
16Muih minikunni dukih kalawa kidika kalatasyang awasdai,
dawak bik datingkat tingmak balna kidika yuh wawauhwasdai.
17Yang manah dikastayang awasdai,
warau balna yakat diatas.
18Warau kidika papangki kapat diyamtayang dai;
tingmak balna nanitna daknin kidika laih yang dai.
19Yang talingkat muih as asna dis dauwakat,
kidika awaskat muih minikunni suruhmnin dis kat,
20yang sīpki balna butuni yakau diatingkat puihni dakawadai,
dawak yang akat tingkih yawa dai.
21Yang warau niningyakat lawasyang dai,
wihta balna karak yamniyang kidika munah.
22Dawak kidika yulni rahm awaskat,
tingki balna adika bahwang dawak salahki kaupak dakwi bukwang.
23Papang wahni kidika yamadutayang dai;
¡king muhni yakat sip-awasdai wauhna atnin!
24Gol yakat yang wat as bik kulnin atik dutasyang dai
dawak rahm bik kultasyang dai.#Sal 49:6; 52:6-7.
25Ritsni balna kidika mahni dunik kulnik yakat dutasyang dai,
kidika awas bik lalah mahni dunin bik kulnik yakat dis dai.
26Ma yaringni kidika talnayang,
waiku kidika yaringni bitik karak kil'kaiwakat,
27kauna kulnik dinit kau mikit yultasyang dai,
dawak umnin bik tingki kau yamtik sihtasyang dai.#Dt 4:19.
28Kidika laih wah dunin dini palni dai;
¡kidika laih Papang makau kisang kau sakkidika yakat kulwas atnin lani!
29Yang wat as bik waihkila kidika dutni yakat bukwak alasna dutasyang dai,
kaput bik witing minit yakat dutni as kiwakat.#Pro 24:17.
30Wat as bik witing minit yakat la kaltuhtasyang dai,
dawak dauwak talnik bik kultasyang dai.
31Muih as as yang karak yalalahwa muihni balna kidika yaklauwi,
pa ūk muihni balna yakat dutni diyamnin kukulna,#31.31 Pa uk muihni...diyamnin kukulna: Job yulbauna balna kidika tanka walyang balna yuyulwi kidika laih, pa ūk kaupak aiwa kidika balna yakat laihwi duwi payayahwadai, sihm Sodoma dawak Gomorra dai kapat. (Talah Gen 19.)
32dawak datingkat pukta kidika witingna ahni yakat payayahwas dai.
Muih pa ūk kaupak aiwi bayayakwa balna yakat ūki dūrni kidika apahni dai.
33Yang dutni yamnayang balna kidika maltasyang dai,
muih ūk yayamwa kapat, dawakat malni yakat bik dutasyang dai
34muih yamaninadutik.
Yang ūki payakat āwik dūrki puttik ap datasyang dai,
wanaihki balna di dauh as kapat yakukulwarang kidika yulni.
35¡Yamni karang muih as yadakawa katlaih!
Yang yulnayang balna kidika ulnayang bik ki, alas awas atnin yulni;
waradika laih, ¡Parasni nuhni bitik duwa kidika nangkitlawang!
Yang dutni yamnayang kat yulki balna yakwi yuyulwa kidika ulwi yayuyulwang,
36yang dutik yawana awaki,
dawak yang tunaki yakat pakki.
37Yang Papang muhni yakat duyawana awaki di yamnayang balna bitik kidika,
rispik lani karak yaihnit yakat yawaki.
38Yang sauki balna kidika makau kisang yakat kiwi yulwaski nikingkauh,
dawak dahna balna kidika bik kulninna bukwak kakaidas ki.
39Kauna yang muih as dini malnayang kat,
kidika awaskat yamak warkni yamyang balna dinina dakyaktik dunayang kat,
40¡yang sauki kidika plawar minik yaknin pāni yakat wakal ukuswarang,
dawak dibasta dudutni balna bik ukusna karang cebada ukusnin pāni yakat!
Kidika yakat Job yulbauwidana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998