Job 20
20
Zofar
1-2Man lawa yayamtangkat ising abahlwi;
kidika bahang nangmatlakih yawi.
3Man yulki balna yakta yultaman kidika yaustaman,
kauna yang amanglatayang amput nangmatlanik kidika.#20.3 Kaunah yang...nangmatlanik kidika: kaput wirlana kidika yamni kapat ki. Hibru kau laih amangladas ki.
4Man niningh amanglataman kidika laih kaput ki,
muih al kidika sau akat kaiwi kalahna kaupak:
5muih dutni alasnina kidika parahni ki;
witing alasnina kidika sirihni bayakkiwi.
6Witing kidika maluihni makau kisang kapat karang,
dawak tunan kidika mukus kau kilwika karang bik,
7diba kapat kalwarang ki,
dawak witing karak kaltalyang yayamni balna kidika amanglalawas karang angkat pāni pa.#Sal 37:35-36.
8Amana kau kapat bayakkiwarang, sihm pukta amana talwa kapat,
muih as bik sip walwi yayakwas karang.
9Witing karak yalalahwa muihni balna kidika tatalwa dai,
kauna waralaih watwi tatalwas karang.
10Witing muih miniknakunni balna yakat dinina malna dai kidika
walanibis balna yaklauwi watwi dinina dai kidika diayana karang.
11Witing wahma parasni
kauna sau-ū yakat kiuna karang.
12Di dutni kidika auhni kapat
dakawi tūni kau;
13auhni kidika tinpas yakat laihwatwi duwi,
dawak durani kau bik auhni kidika dakawi tani.
14Kauna usnit dawakat, witing bānipas yakat puisin kalwi,
bil puinisin kalwi.
15Ritsni balna dalna dai kidika nawatwi tiningyakwi;
Papang yaklauwi kidika witing bānipas kaupak yakwi.
16Witing laih bil puinisin udutwasakdai,
bahang kidika puinisin yaklauwi ina karang.
17Witing laih sip-awas karang di manas kidika duwi dakana atnin,
tāwas dawak amak balna was kapat kira kidika.
18Witing duna balna dai bitik kidika watwi dukiwi diana karang;
sip-awas karang ritsni balna kidika duwi dakana atnin.
19Muih miniknakunni balna yakat dinina dakyakna;
witing ū yamwas dai kidika laihwi duna dai.
20Dukih kalawa kidika laih sip diswas ki,
witing kaupak di as bik yaklawas dai dukih kalawa balna kidika;
21witing kaupak di as bik dawak bayakwas dai.
Kauna kidika laih sip nai kiwas karang.
22Di mahni ampus duwarang bik,
isninglakwas kidika baisa kal-laihwarang;
witing minit yakat muih dudutni balna tingnina kidika bukna karang.
23Bani kidika kalbuhngdanin yamwarang bik,
Papang kulnin daukalna kidika witing minit yakat sihwarang:
kulnin daukalna kidika waslauwa kapat kalawak witing minit yakat uhwarang.#20.23 Kulnin daukalna...uhwarang: kaput ulna kidika yamni kapat ki. Hibru kau laih amangladas ki.
24Kalbaunin dini ayan kau yamna kidika kaupak kiri yaklawarang bik,
bras kau yamna lasni kidika kal-laihna karang.
25Sibang kidika witing muihni yakat ahlwi bayakwarang,#20.25 Sībang kidika...ahlwi bayakwarang: kaput ulna kidika yamni kapat ki. Hibru kau laih amangladas ki.
sinibang sutni kidika witing isning yakat ahlwi yaklana karang.
Dawak witing muihsak dauna karang;
26witing minityakat puksani bukna karang.#20.26 Witing minityakat puksani bukna karang: kaput ulna kidika yamni. Hibru kau laih amangladas ki.
Kuh dahlwarang kidika muih as bik biwas karangki, silp dahlwarang ki,
bahang witing yakat kalbusna karang dawak ūni bitik laih busna karang.
27Makau kisang yaklauwi witing dutni balna kidika lāih yakna karang,
dawak sau laih yaklauwarang witing yulni yakna atnin.
28Papang kulnin daukalna kidika bahng-ilwi witing minit yakat utuhwarang kat
ritsni balna kidika bitik laih didisna karang.
29Papang yaklauwi muih dutni dini kidika kaput dana sakki;
kidika suerniti kuduh ridi yamna sak kidika.
Currently Selected:
Job 20: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
